بعد ما انشق الغبار وانتهى الاعتصام وكسب العمال الجولة ، ارجو ان يعودوا للعمل وراء الماكينات وينتجوا اقمشة جيدة تصلح لتفصيل الملابس ذات الوان ثابتة وتصميمات جميلة ، لان الحقيقة الوضع مش حلو ابدا ، فين لينوه المحلة بتاع زمان اللى كل المصريين كانو بيفصلوا منه القمصان وفين ملايات السراير القطنية الحنينة ، وفين الفوط الموبرة الناعمة زى القطيفة ؟ وفين وفين وفين ؟
شارع قصر النيل ووسط البلد كانت محلات الاقمشة هى نمرة واحد اليوم لا يوجد الا تاجران فقط فى شارع قصر النيل وواحد على استحياء فى عماد الدين ، وبعدين ايه الاقمشة التعبانة دى وايه الالوان الزبالة دى مين ياترى بيشترى من عندكم ؟ الراكد من الاقمشة والملابس كمية مهولة كمان ايه الاسعار الرهيبة دى ؟ الفانلة او اللباس 17 جنيه ؟ لييييييييييييييييه القميص القطن الخالص بدون البوليستر اللى يخلى ريحة الواحد زى القطط الميتة المرمية فى صيف اغسطس هذا القميص ثمنه 130 جنيه؟
انتو عارفين لو ما كانش الانتاج بتاعكم يتحسن ويتباع فى السوق المحلى اولا وسيبنا من التصدير اللى مش جايب اى فايدة عارفين المحلة الكبرى حتقفل وحتقعدوا على القهاوى تشدوا فى الجوزة وتفتكروا اعتصام 2007 والجماعة العمال والمهندسين اللى حيجوا من الصين حيجيبوا علبة بوية حمراء فاقع لونها ويكتبوا بدل المحلة الكبرى
قشطة؟؟؟؟؟؟ ( china town ) على مدخل بلدكم 0000
ليست هناك تعليقات:
إرسال تعليق