الخميس، يناير 29، 2009

 

لا شك انها لعبة مسلية ان تعرف ان الذى يحدثك كذاب وهو يعرف انك تعرف انه كذلك ومع ذلك فهو يستمر فى كذبه بكل ما اوتى من وقاحة وصفاقة ، ولا تملك تجاه ذلك الا الابتسام بمرارة فكيف تستطيع تفسير الذى لا يحتاج تفسير فهو يفسر نفسه بنفسه وتتذكر القول المأثور : كاد المريب ان يقول خذونى

المحزن حقا هو هؤلاء القوم الذين يشهدون الكاذب وهو ينطق زورا ثم يغضون الطرف ايثارا للسلامة وبعدا عن وجع الدماغ حتى ترتاب فى نفسك انت ، فكيف تكون وحدك واقفا فى جانب بينما على الجانب الاخر هذا المضلل والاخرون صامتين لاهية قلوبهم

فى اجتماع لبحث توقف احد المقاولين عن العمل بدون مبرر وبعد اتخاذ الخطوات التى نص عليها القانون من توجيه انذار له ثم فى حالة استمرار التوقف يفسخ العقد وينفذ على حسابه الا ان هؤلاء القوم كان لهم رأى اخر ملتمسين له الاعذار ملقين بالقانون ومصالح الناس فى الكابينيه وشادين عليهم السيفون

فاذا واجههم بالحقائق التى على الارض والمحاضر التى وثقتها اللجان التى ذهبت على الطبيعة واثبتت توقف المقاول بدون سبب قال الوقح : اصل المقاول اعترض

وتملل الحضور وتحركوا فوق مقاعدهم ناظرين الى تليفوناتهم وساعاتهم هارشين فى رؤوسهم ،

 عاوزين نحل ياباشمهندس

 ولان الباشمهندس دماغة صرمة قديمة فقد تجمد الموقف

هل كان الاجدر بالباشمهندس ان يكون اكثر مرونة ؟

هناك 26 تعليقًا:

nody يقول...

ماهو لما الواحد بيلاقى الكل واخدين صف واحد غيره
ساعات كتير بيشك فى نفسه ويقول يعنى معقول كل دول غلط وانا الى صح
المرونه مطلوبه ساعات

قوس قزح يقول...

الاهم مصالح الناس
هو ده اللى الباشمهندس يحط عينه عليه و هو ده هدفه
اما الباقى فيحطهم فى الكابينيه و يشد السيفون

Ahmed Kamal يقول...

فكرتني بمهندس تاني بيكره الكذب موت :)

في النهاية لا يصح إلا الصحيح يا باشمهندس

Jana يقول...

عادة هؤلاء الوقحين أن يستمروا فى الضغط انطلاقا من صعوبة الموقف والاضطرار الى سرعة التصرف..
والمرونة وحل الأمر بالمتاح لدينا لا تكون خضوعا لهم تحت الضغط الطارىء كما تصوروا هم..وانما انقاذا للموقف حتى لاتزيد مساحة الضرر
وما أن ينتهى الموقف وتتم المهمة وتنفرج اساريرهم فتتسع ضحكة الانتصار لديهم حتى تأخذهم على حين غرة بقرار حاسم او تصرف لاذع يقلب ضحكاتهم السمجة الى بكاء دامى

..لم أمقت فى حياتى أحد مثل هؤلاء الوقحين البجحين ال.....
وكفاية كده عشان مانفرذش حضرتك منهم اكتر

سمراء يقول...

يمكننا التنازل عن حقوقنا الشخصية
لكن لا يمكننا ان نتنازل عن حقوق الآخرين الذين اؤتمنا عليها
وبالضرورة اذا كنت قد ادركت الفكرة فالموضوع يتعلق بارواح آخرين
فكيف لنا ان نتساهل او ان نتنازل ؟

سمراء

سمراء يقول...
أزال المؤلف هذا التعليق.
Unknown يقول...

سـؤال صعب جدا!!!

في اختيارات؟

dodda يقول...

لا طبعا

ربنا يرحمتا من الناس دى

يكرمك يا باشمهندس

الله يرحمه بابايا كان بيقول "نعاج"

لانهم يؤثرون السلامه
احييك على الصرمه..اللى برقبه "النعاج"......


ممكن ترجع الصوره زى ما كانت؟؟
والا الم البنات ونعمل اعتصام؟؟

همس الليل يقول...

خليك مرن يا باشمهندس ههههههههه

خطيبى بيشتغل فى احدى دول الخليج وبيعانى من تسلط الاستشاريين عليه ههههه

يمكن فى ظروف بتعوق المقاول والشركه اللى بتنفذ ممكن متكونش باينه على الوش

الازمه الاقتصاديه كمان مخليه كل الناس مش عايزه تطلع اللى تحت البلاطه

التمس العذر ربما فى صبرك الخير

وربما كان تشددك هو الاصح

لك خبرتك حتما
بس بلاش العرق الصعيدى دا هههههههه

عين فى الجنة يقول...

nody

المرونة فى حدود المسموح به مطلوبه اى نعم ، لكن خارج الحدود نقول كلمة الحق ونمضى غير ناظرين الى الخلف

عين فى الجنة يقول...

قوس قزح

طبعا يا فندم عداك العيب وانا شديت السيفون لكن الجماعة اتحشروا فى الكابينيه :))

عين فى الجنة يقول...

احمد باشا كمال

ربنا يقدرنا على مواجهة العالم دى
اشكرك يا عزيزى

عين فى الجنة يقول...

جنى
والله يا صديقتى ضغط دمى يرتفع كلما تناولت الموضوع
وحسبنا الله

عين فى الجنة يقول...

سمراء

كلامك صحيح واتفق معك تماما

عين فى الجنة يقول...

dodda

حاضر وينفذ

عين فى الجنة يقول...

مياسى

:)) طبعا فى اختيارات وهى دى المشكلة

عين فى الجنة يقول...

همس الليل

اعمل ايه فى العرق الصعيدى ده مغلبنى معاه

سلوى يقول...

أعتقد أن السؤال مش كده
يعني بدل سؤال حضرتك ألا وهو
هل كان الاجدر بالباشمهندس ان يكون اكثر مرونة ؟

كان يجب أن يكون السؤال
لماذا يدافع الآخرون عن المقاول هكذا ؟؟؟

سؤال كمان :)

ماهي مصلحه الباشمهندس في تطبيق ما يجب إتخاذه نحو هذا المقاول ؟؟
وما هي مصلحه الآخرون في تعطيل الشغل والتسامح رغم ذلك مع المقاول ؟؟؟

أعتقد أن الحق ومصالح الناس أحق أن تنفذ
والشغل مش فيه خواطر
خاصه إنه توقف عن العمل بدون أسباب

ربنا يقوى الباشمهندس ويثبته :)

Unknown يقول...

اللى يمليه عليه ضميرة هو ما يجب فعله
وما يؤمن به من قناعات
وليس من يتبرموا على كراسيهم

وميض ابتسامة يقول...

ياعزيزى

وكأنك من كوكب تانى .. احنا شعب اتربى على مصطلحات لا مثيل لها فى أى مكان ..
( معلش ... اصله كان .. خلاص المرة دى.. الخ )
هناك خلط دائم بين الجد والهزل والعمل والعاطفة وكان الكذب والرياء والنفاق من مستلزمات وادوات هذا الامر .. رأيتك غاضبا وكأنها المرة الاولى من نوعها .. اظنك واجهت اكثر من هذا ..!! فلا داعى للغضب وصحتك بالدنيا ..

خالص تحياتى ..

إيمان قنديل يقول...

في الزمن ده نحتاج الى بعض المرونه،أما لماذا ؟ أقول لك ذلك لإنني كنت أتمسك بالحق لإنني تربيت على ذلك ، وعرفت أن كلمة الحق هي الكلمة العليا ،ولكن مع مرور السنوات وإكتساب الخبرات وجدت إنني كنت دائما الخاسرة في مجتمع مليء بالكذب والنفاق والبلطجة


تحياتي

عين فى الجنة يقول...

سلوى
امين ، اللهم ثبت اقدامنا وانصرنا

عين فى الجنة يقول...

نهر الحب

كلامك صح واتفق معك

عين فى الجنة يقول...

وميض ابتسامة

الفساد اصبح مثل السرطان وقد استشرى فى الجسد ولا حل الا البتر
الله يحفظك

عين فى الجنة يقول...

غرام
ان شاءالله تبقى كلمة الحق هى العليا

Unknown يقول...

صعب اوى تقف لوحدك فى الصف
وياريتهم يسبوك واقف وخلاص
الا حتلاقى الا بيشدك واللى بيمصص
شفايفه واللى باصص لك بكل ارتياب
وقرف:انتى غاوية فزلكة وخلاص !هو انتى
بس اللى بتعرفى وأحنا لأ !طيب اشربى المر يابطلة بقى!!