السبت، نوفمبر 08، 2008

بين الصحافة والتدوين


اسئلة بدون اجابات حاسمة حول الصحافة والتدوين وهل هناك فروق بينهما ام هما وجهان لعملة واحدة ؟ ومن الواقع المعاش فان الصحفى هو كاتب يحترف الكتابة مقابل اجر اى ان الصحافة مهنة وليست هواية ونرى الصحافيين والمراسلين فى مقابل ما يربحونه من مال وما يحصلون عليه من شهرة لا يترددون فى الانحياز الى افكار سياسية أو ايدولوجية قد تجلب عليهم العناء وتكسبهم الكثير من الاعداء ، والمراسلين منهم يتعرضون للموت احيانا فى تغطيتهم للحروب والكوارث الطبيعية

ونتعجب كيف يمكن لصاحب مهنة ان يواجه كل هذه الاخطار والصعاب فى سبيل لقمة العيش فقط وليس هناك تفسير لذلك سوى ان مهنته قد تغلغلت داخله واصبحت جزء منه وصبغت خلاياه العضوية بصبغة تلك المهنة العجيبة

وبالطبع هناك نجوم فى سماء الصحافة ينظر اليهم الناس فى اعجاب لتمسكهم بمباديء المهنة واخلاقياتها و ما يكتبون يصنع فرقا فى حياة الناس ، وايضا هناك المرتزقة والمأجورين الذين يعرفهم الناس بدون عناء ويقرأون ما يكتب هؤلاء فقط من باب التعجب على البجاحة التى لا يخجل هؤلاء المرتزقة ان يسودوا بها الصفحات والتاريخ ايضا مقابل لقمة العيش

ولكن المدون ليس كذلك ولا ينبغى ان يكون كذلك فهو طائر حر يكتب ما يشاء ويسكت حين يشاء ولا يبتغى اجرا الا الرضا عن النفس ، فهو يختلف جوهريا عن الصحافى الذى يمتهن الكتابة كحرفة فهو لا يتبع احدا ولا يتربح من التدوين او هكذا ارى انا بل هو فى احيان كثيرة يكتب لنفسه ولا ينتظر ان يقرأ ما يكتبه احد من الناس بل قد يتخفى وراء اسم مستعار وهوية مصطنعة فلا يقف امام ما يكتبه حائل من تقاليد او عرف او قيود قد يكبله بها المجتمع

وقد عجبت عندما علمت ان بعض المدونين قد سافروا الى امريكا لتغطية حملة اوباما الانتخابية مقابل اجر ولست ادرى حقيقة هل سافروا بصفتهم مدونين ام بصفتهم صحفيين ؟ فلو سافروا فى رأيى بصفتهم صحفيين يمتهنون الصحافة ويكتبون فى صحف يعينها فلا غبار عليهم اما ما لا استطيع تصوره ان يحول احد المدونين مدونته الى صحيفة يكتب فيها اراء سياسية منحازا الى احد مرشحى الرئاسة الامريكية مقابل دعم مالى يحصل عليه سواء من الحملة الانتخابية مباشرة او من بعض الجهات التى ترغب فى التأثير على قراء المدونات وتدفعهم الى اتجاه بعينه

والامر لله من قبل ومن بعد

هناك 90 تعليقًا:

kochia يقول...

في رايي
التدوين جزء من الصحافة وليس العكس مع بعض الفروق

التدوين هو تعبير عن الراي في شتي المجالات
حتي من يكتب في المشكلات الشخصية
ولكن الصحافة اعم في انها تعبير عن الراي ولكن في اطار قوانين
وايضا كما قلت انت هناك العديد من المصالح تتحكم بالموضوع
هما وجهان لعمله واحدة في رايي
ولكن كل وجه منهم له شكله المميز

تحياتي

^ H@fSS@^ يقول...

انا بصراحة استعجبت من كلامك في اخر مقطع
انا حكلمك عن مثال واحد من اللي راحوا يغطوا انتخابات امريكا اللي هو وائل عباس
و بغض النظر حضرتك تتفق او تختلف معاه او عليه فانا حذكر شوية نقاط بسيطة لعل و عسى نوضح بيها سبب الاستعجاب عند بعض المدونين مش بس حضرتك

اولا: تغطية وائل و السبعة التانيين مش حتاثر في اي شئ على نتيجة او نزاهة الانتخابات الامريكية لسبب بسيط: ان احنا كعرب مش حنصوت ، فهما مش بياثروا علينا لصالح مثلا كفى الله الشر اوباما او ماكين او شئ له علاقة بالعالم المتحضر

ثانيا: في حالة وائل فهو من اول ما ابتدى تدوين و هو اغلب نشاطه صحفي و محدش هما كان يقدر ينكر كمية التغطيات سواء في النوعية او الكيفية اللي هو قام بيها لوحده او بمساعدة الغير في احيان اخرى و قام بيها من جيبه الشخصي و لا قال لحد هات او سلفني فمش معقولة لما يروح يعمل نفس الشغل بس عشان بقى ياخد عليه مرتب عليه تبقى عيبه في حقه او نعتبرها خيانة او تستحق يترفع لها اي حاجب او تتمص لها اي شفة. و الغريب انه حتى وقت لما كان ممشي مدونته تمويل شخصي من جيبه او جيب اهله برضو الناس كانت بتخش تتامر عليه و تقله لا عاوزين ابصر كذا او كذا كانه بيشتغل عند حد، فيبدو لي انه مهما عمل هو او الاخرون مافيش حد عاجبه، عادي ده حال الناس.

ثالثا: التغطية الصحفية لا تعني انحياز الصحفي للشخص صاحب الخبر و الدليل ان واحد من السبعة المغضوب عليهم اسمه ساندمونكي مكنش بيحب اوباما و لان اصلا دي تغطية للانتخابات كلها مش لشخص من اللي كانوا مترشحين فهي مكنتش حملة اوباما او هلاري او ماكين، دي كانت حملة انتخابات امريكا لرئيسها القادم

رابعا: التدوين شكل جديد من اشكال الصحافة والهيئة اللي اختارت السبعة دول لهم باع من قبل كدا و دي منحة ليهم عشان يصقلوا نفسهم بخبرات جديدة و يكتسبوا وجهة نظر اخرى عن كيفية حدوث انتخابات المفروض انها شريفة بما اني دي حاجة عمرها ما حصلت في بلادنا الا قليلا و مش حتصل تاني في مستقبل قريب على ما اعتقد، فاقله تكون قصة يحكيها حد منهم لاولاده عن كيف تكون النزاهة و الديموقراطية.

خامسا: اسفه للاطالة و شكرا لسعة صدرك.

qwert anime يقول...

انا شايف ان التدوين و الصحافة
مش مهمين خالص و ملهومش لازمة
على الرغم من انى مدون و متابع لكافة الصحف المصريه و العالمية
لكن فعليا موضوع حمله اوباما ده غريب اوى يمكن لأنى مش بتابع اى مدونات سياسية

Jana يقول...

متهيألى الصحفى المنتسب لجهة صحفية ما ..لازم يكون عنده ولاء للجهة دى ..والسبب إما انه يحترمها لذلك عمل بها او لأنها مجرد مصدر رزق ليه ففى الحالتين هنا حيكون عنده الولاء ده ويكتب اللى تحبذه هذه الجهة
أما مدونته اذا كان مدون فهنا ..حيكتب انطباعاته الحقيقية ورأيه من خلال قناعته الشخصية ..والا ميبقاش اصلا اسمها مدونة يعنى يدون فيها ما يجول فى عقله
فالصحفى الحر وإن كان يأخذ أجرا لن يختلف ابدا عنه كمدون حر
هذا طبعا اذا كان حر فعلا وكلامه من دماغه هو
أما ان كان غير ذلك ..فالتناقض سيظهر عاجلا او آجلا..ويفقد مصداقيته كمدون ومن ثم كصحفى

راجى يقول...

kotcia
كلامك مضبوط واتفق معك
اشكر لكى المرور والتعليق

راجى يقول...

حفصة
سوف ارد عليكى مستخدما نفس الحجج التى سقتيها هنا
فلو كانت الانتخابات الامريكية شأن امريكى داخلى ولو كان نجاح مرشح بعينه لا يصنع فرقا للعرب وان العرب لن يصوتوا ولن يؤثروا فى العملية الانتخابية
فلماذا تنفق تلك الجهات اموالا من اموال دافعى الضرائب الامريكيين وكلنا يعرف حساسية الانفاق فى امريكا على المعونان والمنح والدعم للاجانب
لماذا تدفع جهة ما اموالا لبعض المدونين لتغطية الحملة الانتخابية الامريكية لصالح احد المرشحين او حتى لمجرد التغطية المحايدة وهم لا بنفقون ابدا لوجه الله بل من المحتم ان تكون هناك فائدة ما تعود على الممولين قد لا نعرفها ولكنى متيقن ان هناك فائدة ما وراء كل قرش تضعه جهة اجنبية فى جيب صحفى او مدون
فهل عندك اجابة؟

راجى يقول...

gwert animation
احييك على صراحتك
وعلى فكرة مدونتك عن السينما جميلة جدا
اشكر لك الزيارة والتعليق

راجى يقول...

jana
هو ده بالضبط اللى عاوز اقوله
الاستقلالية فى عرض الافكار بدون مقابل مادى
الله ينور عليكى

^ H@fSS@^ يقول...

اه بسيطة اوي اولا السمعة اللي طالعة على الدول الاجنبية انها مش بتاعت انفاق فدي غلط
التشديد في الانفاق بيكون بين الدول و بعضها
يعني امريكا تمنع المعونة عن مصر مثلا
لكن لما بتكون علوم انسانية و منح لافراد في سبيل تطوير المجتمع فهما اكرم من كدا مافيش لان سواء اوروبا او امريكا او كندا او اي دولة محترمة مؤمنة باهمية تطوير الشعوب و اعطاء فرص لتعليمهمبغض النظر عن جنسهم او لونهم و لان حسب اتفاقيات الامم المتحدة الدول المتحضرة صاحبة الفلوس و المصادر ملزمة اصلا تجاة بقية العالم انها تدي فرص للشباب من مختلف الدول انهم يتعلموا ا يتعضروا لخبرات حياتية مغايرة و يتبادلوا ثقافتهم و مؤكد مع ده ملزمة تصرف عليهم و تديهم مصروف و توفر سكن و تامين صحي
و مش حجيبلك امثله بعيدة
انا المنحة اللي كنت طالعة بيها كانوا عايزني اعلمهم عربي مع اني مش متخصصة عربي وقتها لكن هما كانوا عاوزين يعرفوا ايه هي مشكلتهم مع العرب
ليه فيه فجوة بينهم و بين اغلب شعوب العالم
و عملت بعثتي بمنتهى النجاح مع اني قلت لهم خبط لزق انهم منغلقين و محتاجين ينفتحوا اكتر و يسافروا و يبطلوا قنعرة فارغة و تقبلوا الكلام مني بصدر رحب لانهم فعلا عاوزين يتطوروا
واخد بالك انت
امريكا اللي هما بالفعل متطورين عننا في مليون حاجة لسه مستنيين راي واحدة من الشرق الاوسط تقلهم اتطوروا و انفتحوا عالدنيا
و التغطية الصحفيةاللي بتتعمل فدي لان لازم اي خبر في الدنيا بيتغطى صحافيا
ما هو التلفزيون المصري مثلا مش بيجيب اخبار مصر و خلاص بيسك على الباقي بدعوى ان دي شؤون داخلية
لا
بيجيب اخبار من كل انحاء العالم
و المنحة المعطاة للسبع مدونين بتكون تحت بند تواصل الحضارات و الثقافات و لافادتهم هما و اعطاءهم فرصة زي ما سبق و شرحت
و في النهاية
احنا ايش دخلنا في مدون او عشرة او مليون يروحوا يغطوا الانتخابات بفلوس؟؟
خلاص يعني هي حبكت ان احنا مناخدش اخبارنا الا من عندهم؟؟
يعني احنا بنعترض ان هما اخدوا فلوس و لا انهم حولوا مدونتاهم لمدونات صحافية و لا انهم عملوا ايه بالظبط؟ و ليه نعترض لعى دول لكن منعترض على مدونيين تانيين مدوناتهم بتقطر سم زعاف و بيثيروا فتن طائفية و يسببوا مشاكل بين المدونيين و بعضهم؟؟
مش دي فتنة و اولى بينا اننا نعترض عليها هي مش نعترض على تغطيات صحفية لمدونين لا حول لهم و لا قوة
ضاقت الدنيا بينا فملقيناش غير السبعة دول نشكك في نواياهم؟؟
ما هو يعني لاسواء لاظروف
لو قلنا ان المنحة دي بتجندهم عشان يبقوا جواسيس يعني بصراحة عيب اوي على امريكا تجند الناس بالمنظر المفتشر ده و عيني عينك كدا
دول طيب يكونوا حرقوا كروتهم من قبل ما يشتغلوا بيها

تحياتي

راجى يقول...

حفصة
الموضوع يتعلق بالمباديء قبل اى حاجة من وجهة نظرى فى التدوين والاخلاقيات التى تحكمه وانا وضحت ان لو كانت التغطية تنشر فى الصحف فلا غبار عليهم ولكن لا يجب ان تدس فى التدوينات لتحقيق اهداف واجندات لو كان الذين قبضوا يعلمونها فى مصيبة وان كانوا مجرد فرحانين بالكام سنت اللى دخلوا جيوبهم لتمرير اهداف لا يعلمون عنها شيئا فالمصيبة اكبر
وليس هناك وجه مقارنة بين هذا الموضوع والذين يكتبون ارائهم مهما كانت بذيئة او تكفيرية او الحادية او تدعو حتى للانحلال فهى تعبر عن رأيهم هم وتحسب عليهم ولم يقبضوا ثمن التدوين
ولا زلت عند رأيى ان لا يوجد سنت واحد ينفق من اى جهة اجنبية مهما كانت بدون ان يكون هناك هدف او فائدة تعود على الجهة الممولة سواء اكان المدون القابض طرطور او متواطيء
الم يخطر ببالك اذا كانت التغطية للحملة الانتخابية هى الخبر الاول فى كل العالم على كل وسائل المديا يعنى موش محتاجين اى شخص اضافى يغطى المتغطى فعلا ، فهنا يكون التسأول الذى بدون اجابة
لماذا لجأوا الى المدونين ؟
واعتقد من السذاجة اننا نقول علشان يصقلوا مواهبهم
والمثال اللى حضرتك ضربتيه ببعثتك بيوضح بطريقة مباشرة انهم عاوزين يستفيدوا منك
موش كده ولا ايه؟

راجى يقول...

حفصة
على فكرة انا لم اذكر اسم اى مدون لان الموضوع يتعلق بالمباديء اكثر منه بالتشهير او نقض اى شخص
ده فقط للعلم

^ H@fSS@^ يقول...

يا استاذ راجي حضرتك مذكرتش بس هو معروف انهم فقط السبعة دول اللي بيعملوا تغطية
ففرقت في ايه اننا نذكر اساميهم او منذكرش؟؟
هل فيه سبعة مدونين تانيي بيعملوا التغطية دي و ان امعرفش؟ظ
يا ريت تقلي لو فيه غيرهم

~*§¦§ Appy §¦§*~ يقول...

انا متفقه معاك فى كلامك وموافقه عليه جدا جدا جدا جدا

راجى يقول...

ابى
اشكرك على الدعم ، المعنوى :)))

ربنا يخليكى ولكى التحية والتقدير

عدى النهار يقول...

أول مرة أسمع عن الموضوع ده

طبيعة التدوين بتتغير مع الوقت بحيث إن ممكن حد يكون واخده مهنة يرتزق منها وفى الحالة دي يسرى على التدوين ما يسرى على أى مهنة أخرى. وكما أمريكا نجحت فى تكوين مارينز لها فى قطاعات كثيرة فى مصر والعالم العربى والإسلامي مافيش ما يمنع من ضمها التدوين للقائمة. لكن فى النهاية. لكن فى النهاية مش أى حد بيقبل أن ينضم لقائمة المارينز

ملاحظة: أمريكا بتصرف كتير على تحسين صورتها بين العرب والمسلمين والتأثير فى أرآهم عنها بالحق والباطل ، وكان فى أكثر من شخصية مقربة لبوش تولت المهمة دي وأعلنت فشلها وإستقالت

خمسة فضفضة يقول...

السلام عليكم ورحمة الله وبركاته

امال يعني هما سموها مهنة البحث عن المتاعب من شوية

بس المفروض الصحفي النزيه مايكونش منتمي لاي وجهة نظر الا وجهة نظره هو واللي بيكتبها بكل امانه من غير اي تأثر خارجي او ميل عاطفي لحد
ده هو الصحفي النزيه اللي مش بيتاثر باي اغراءات ولا بيداهن حد علي حساب حد
والنوعيه دي ما اندرها

اما التدوين فهو بلاشك نوع مختلف من انواع الصحافه وزي ما سموه قبل كده صحافه شعبيه مش متزوقه ولا ليها هدف ولا من وراها مكاسب

وبالنسبه لموضوع التدوين بفلوس فرايي من رايك ، والحداية عمرها ما بترمي كتاكيت


سلام

نعكشة يقول...

مسمعتش عن موضوع المنحة إلا دلوقتي

متهمنيش صراحة الانتخابات في امريكا عاملة ازاي

انا بس عندي سؤال
طيب ماهو بيبقى فيه منح تبادل طلابي
ومنح للدراسة في دول اوربية و امريكية ؟؟؟
هيا دية غلط و اللي يستخدمها يبقى منحاز؟؟؟؟؟؟؟

معتقدش

انا اول مرة اسمع ان فية تدوين بفلوس و سفر لأمريكا كمان
يا حلاوة :D

بس عادي يعني انت خسران اية

سلام عليكم

حسن ارابيسك يقول...

سيدي الفاضل
أجمل ماكتبته في تدونتك هذة تلك الجملة الرائعة عن وصفك للمدون بأنه كالطائر الحر وهذا صحيح ووصف دقيق
وهذا التصنيف بين مهنة الصحافة أعطيت الحق فعلا لمن يستحقه منهم عن جدارة
أما بخصوص من يحولون مدوناتهم لأبواق كالبوم التي تنعق في خراب حولها فقط وبأجر يزيدها وضاعة نخاسة وهم يلهثون وراء من يلقي لهم بعظمة في سبيل أن يتبعوهم حينما يذهبون
للأسف
تدوينة مش عارف اقولك عليها ايه
نشنت يا أستاذ راجي
تحياتي
حسن أرابيسك

أمل فتحى عزت يقول...

السلام عليكم
الاستاذ /راجى
حقاً إن هناك إختلافاً جوهرياً ما بين حركة التدوين والعمل الصحفى ولكن لمن يقدر أعماله ويحترمها ويحافظ على مصداقيتها ولكن العمل الصحفى يندرج تحت أداء المهمات أما التدوين فهى وجهة نظر مطلقة بلا تكليف من أى جهة وفى كلتا الحالتين لن يبقى الا العمل الجاد الهادف الواعد لأن الكلمة دستوراً من نهر الشرفاء وكما قال المصرى القديم فى بردياته بما معناه .إن صوت الناس يفنى ولكن كلماتك تعيش أبد الدهر.
..................................
إقرأ معنا
(رسالة الى براك أوباما)

ن يقول...

السلام عليكم
الاستاذ /راجى
شكراً لمرورك الكريم أتمنى دوام المشاركة وثق بأنى عازمة على المواصلة بإذن الله .
مع خالص تحياتى
أمل فتحى عزت

بنت القمر يقول...

متابعه التعليقات
وها اقول احساسي في الاخر
لان بصراحه الموضوع محير جدا

راجى يقول...

عدى النهار
تعبير المدونين المارينز تعبير موفق وانا موافق عليه
وفعلا امريكا فشلت فى تحسين صورتها بقناة الحرة وبكل الوسائل الاخرى

راجى يقول...

خمسة فضفضة

الحداية عمرها ما بترمى كتاكيت طبعا
اشكرك على رأيك ومتفقين

راجى يقول...

نعكشة

خسران انى منتمى لطائفة المدونين واحب انها تكون طائفة نزيهة غير مأجورة

بس ده كل الموضوع

راجى يقول...

الفنان العظيم حسن ارابيسك

اشكرك يا صديقى على رايك الجميل اللى بيرفض تمويل المدونات باموال اجنبية

راجى يقول...

امل فتحى عزت

شكرا جزيلا شرفتى ونورتى

راجى يقول...

امانى

وانا فى الانتظار

safaa galal يقول...

.
أحلى شئ بجد فى التدوين هو عدم الالتزام بالكتابه حتى لو نفسيتك لا تسمح او مفيش حاجه عاوز تتكلم فيها تروح غاطس ولا حد يقولك شغلك متعطل ولامرتبك هينقص ولا حد يقدر يعاديك عشان رأيك لأنه اخرة بينك وبين اصدقائك وهما بس برضه اللى بيسئلو عليك فى حاله الغياب

Gannah يقول...

أنا متفقة معاك ان التدوين له نكهه خاصة وخصوصية لا تستطيع أن تصل اليها الصحافة فانت تكتب ما تشاء متى تشاء ولا يقيدك سوى قناعاتك ومبادئك
أنا أول مرة أسمع الخبر ده ولكن عامة هو له دلالة وهو أن تأثير التدوين فى تزايد مستمر
لكن هل تغطيتهم اختلفت عن تغطية الصحافة
هل استطاعوا ان يحتفظوا بحياديتهم التامة وحريتهم أم ان الدعوة لا بد أن يكون لها ثمن
الله أعلم
تحياتى

بنت القمر يقول...

راجي
===========
شوف انا ها اقولك رايي من زاويه مختلفه شويه
اا طبعا تابعت الموضوع عند نوارة وبره مدونتها كمان
والحقيقهالتدوين عموما منفذ لاي انسان اللي عنده مشكله نفسيه يستشعر التعاطف من الاخرين وغيره البعض بيحاول يستثمر موهبته سواء ادبيه او صحفيه..
وائل رغم اختلافي الشديد مع اسلوبه الا انه بني ادم شاطر يعني سواء هو او غيره انا مش بحب القباحه في الكلام وبكرة جدا وبحتقر اي حد يعاير او يوصم اي شخص باهله تحت اي سبب
يعني نوارة شتمته يشتمها وخلصنا لكن ندخل الام والاب ويلقح عليها ده اسلوب غير اخلاقي
ومع ذلك
!!!
انه يغطي انتخابات امريكا مش مشكله
يدعم اوباما وياخد قرشين يظبط روحه مش ده السؤال السؤال احنا فين وهما فين؟؟
امريكا متوغله في كل شيئ حتي عرفت مين المدونين الناشطين والمشهورين وبتستغل موهبتهم لصالحها يا خيبتنا؟؟!!
مش العيب عيب وائل ولا ساند مانكي
العيب والحساسيه من ناحيتنا عشان احنا في موقع المفعول بيه مش موقع الفاعل
العميل هو اللي يقبض عشان يضر بلده وائل خدم امريكا واوباما لكن مضرش مصر
يا ريت احنا نعرف نعمل زيهم
وناخد مصلحتنا

راجى يقول...

صفاء جلال
اشكرك يا صديقتى ومتفق معك

راجى يقول...

gannah
طبعا التدوين مهم ومؤثر فى القراء سلبا وايجابا
فيجب ان تكون له اخلاقياته ومثله مثل اى شيء على المشاع فى المجتمع

راجى يقول...

امانى
اولا انا لم اذكر اسماء ، ولا يهمنى من قبض ومن لم يقبض
انا باتكلم عن المباديء
وبعدين كيف نجزم انه لم يحدث ضرر بنا ولو على المدى البعيد؟

جبهة التهييس الشعبية يقول...

اولا يا راجي انا متفقة تماما مع كل كلمة كتبتها

ثانيا فيه كام نقطة لازم يبقوا واضحين عشان فعلا كل حاجة بقت سايحة على بعضها
1- مافيش كلية بتخرج مدونين، اللي عنده حساب على مدونة زي اللي عنده حساب على ميل او على اليوتيوب او على جوجل او حتى عنده موبايل
2- التدوين في اساسه كان الغرض منه التعبير عن الذات جم شوية ناس مشكورين حولوا الخاص الى العام واستخدموا التدوين في مصر بالذات للتعبير عن وجهات النظر السياسية والتغطيات ونقل الحقائق للناس ولهم الاسبقية في كده ولا احد ينكر عليهم ده
3- المفروض ان المجموعة اللي ابتدت التدوين كفعل سياسي في مصر كانت بتقول احنا لجأنا للتدوين لان احنا عايزين نبقى احرار وغير مقيدين برأس المال اللي بيفرض شروطه على الصحفي القومي او الحزبي او حتى الصحافة المستقلة، التدوين "صحافة شعبية" وهم اصحاب التعبير ده يعني هو اختراعهم مش اختراعي، بمعنى انه من الشعب واليه، لا يهدف الى الربح او التكسب وعليه فهو تنطبق عليه من شروط النزاهة ما لا ينطبق على كل الصحف والقنوات الفضائية اللي لها حسابات بيتحكم فيها رأس المال والمصالح
4- بالفعل احرز هؤلاء المدونون نجاحات لفتت انتباه العالم كله ليهم، وكان اهم ما لفت انتباه العالم: العيال دول بيعملوا كده ليه؟ لا بياخدوا فلوس، ولا بيتربحوا، ولا حتى بياخدوا تقدير معنوي دول بيتهددوا وبيدخلوا السجون، ولا حتى مسنودين من احزاب...اذن العيال دي عيال مخلصة فعلا وليس لها اي اهداف غير معلنة
5- طبعا العيال دي خبطت في ناس كتير، واصبحت كل القوى السياسية عايزة تحتويهم او يبقى لها تمثيل ليها عندهم لقينا مثلا ان بعض الحركات السياسية بتحاول تمثل نفسها على المدونات، وح اضرب مثل بالاخوان، والحقيقة ان التدوين هو اللي غلب تنظيم الاخوان مش العكس، بمعنى ان لما شباب الاخوان دونوا لقوا نفسهم بيدخلوا في مناقشات وبتتفتح امامهم مجالات وابتدوا ينتقدوا الجماعة علانية وابتدت نفس الجماعة تغير شكلها، عملت نيو لوك جديد بيفسح المجال للعناصر الشابة انها تنتقد لدرجة ان انتقاد شباب الاخوان للجماعة بسبب احجامها عن المشاركة في اضراب 6 ابريل يمكن يكون احد الاسباب اللي دفعت الجماعة لانها تشارك في اضراب 4 مايو الفاشل
وحاول الحزب الوطني انه يدون وطبعا كانت مأساة اغريقية خلت الوطني يتراجع عن تجربته الفاشلة في التدوين

نيجي بقى لمنبع مصداقية المدون اللي بيستخدم مدونته بشكل سياسي ولنقل الحقائق
الا وهو انه مش بيشتغل مدون يعني مش بيشتغل عند حد
هو عنده شغلانة بياكل منها عيش، او اهله بيصرفوا عليه، وبيستخدم التدوين لله والوطن فعلا

لما يقبل هذا المدون المعونة الامريكية اللي بتقبلها الحكومة المصرية واللي بتقبلها بعض مؤسسات المجتمع المدني زي مثلا مركز ابن خلدون المدان من مؤسسات مجتمع مدني اخرى محترمة وبعض الصحف المستقلة اللي نشرت في صحيفتها انها قبلت معونة امريكية

يبقى ده اسمه ايه؟
لا يمكن باي حال من الاحوال ان تقترن المعونة الامريكية بالمصداقية والبراءة ابدا

عشان ايه؟ عشان هم بيدوا صدقات؟
الامريكان لاقيين فلوسهم في الارض وعشان كده بيدوا منح؟

المنح الدراسية التابعة للجامعة الامريكية بتبقى يا اما بفلوس كتير، يا اما ان طالب المنحة الدراسية بيقدم في مقابلها خدمة زي انه يدرس لغة عربية للاجانب

وبيبقى له اصلا صفة اكاديمية

ايه الصفة الاكاديمية او المهنية للمدون عشان ياخد المنحة دي؟

هل دفع فلوس؟
لا..الحقيقة هو اخد، مش ح ادخل في تفاصيل انا اعرفها عشان ما ندخلش في مهاترات، بس اي شكل من اشكال الانفاق المادي او العيني من المعونة الامريكية هو اسمه اخد من المعونة، انشالله حتى تمن تذكرة الطيران
طيب هل بيقدم خدمة؟

آآآآآآآآآه

ايه بقى؟ ايه الخدمة اللي بيقدمها؟ بيدرس عربي؟ ما اعتقدش

امال بيعمل ايه؟
ايه نوع الخدمة اللي المعونة الامريكية بتشترطها على المدونين عشان تديهم منح زي دي؟

امريكا عشان تدي معونة للدولة بتشترط خدمة مصالحها
وعشان تقدم معونة لبعض المجتمع المدني بتشترط التزامه ببرنامجها المعلن والواضح
نشر الديمقراطية (اللي هي الديمقراطية الامريكية بالضرورة) ومحاربة الارهاب (اللي هو احنا وش كده)

لما قدمت منحة لصحيفة مصرية والصحيفة نفسها لم تنكر انها اخدت فلوس
اشترطت المساهمة في تحسين صورة امريكا
وده العنوان الكبير وكان تحته برضه بنود معلنة والصحيفة اظن واضح للجميع انها التزمت بالبرنامج اللي كان محطوط لها


طيب المدونين اللي قبلوا اولا انهم يتخلوا عما يميزهم عن بقية وسائل الاعلام وهي المصداقية المطلقة
ياريت يبقوا على نفس مستوى الشفافية ويقولوا لنا ايه البرنامج اللي هم ملزمين بيه

بالبلدي ايه الخدمة اللي طلبت منهم يؤدوها عشان ياخدوا المنحة دي اللي عمرها ابدا ما طلعت الا في مقابل خدمة
حاجة كمان مهمة قوي، دي اسمها شحاتة

يعني اقل من العمالة بشوية

العميل ده واحد بيشتغل

لكن اللي بيشتغل مدون وبس ده لازم يفهم انه عاطل، دي مش شغلانة، ولا التدوين يصلح استثماره في البزنس، ولا المفروض يعمل فلوس
يعني مافيش حاجة اسمها رجل اعمال ومدون زي تاجر وترزي كده
والا بقى اللي عامل ميل كمان يستثمر الاكاونت بتاعه ويعمل بيه بزنس
ده اسمه ضحك على الدقون وشحاتة
اروح اقول للناس انا مدون مضطهد يقوموا يقولوا لي يا قلب امك يا ضنايا طب تعالى يا حبيبي ااكلك واشربك وافسحك واعلمك

كده يبقى الاخوة المدونين اللي سافروا كانوا لازم ياخدوا معاهم فوطة صفرا لزوم تلميع الازاز في الاشارات

وبعيدا عن حملة ايه يو سي فور اوباما اللي موجودة على موقع اوباما ذات نفسيته، وبعيدا عن عدم حياديه المؤسسات اللي زاروها الاخوة الافاضل في رحلتهم
انا ح افترض انهم محايدين

رايحين يحايدوا في ايه؟ اذا كانت دي انتخابات لا تخصنا

اتعودنا من التدوين انه ينقل ما وراء الكواليس لانه غير مدفوع الاجر وعليه فهو يختلف عن كل وسائل الاعلام الاخرى

لكن اذا كان ح يروح على حساب المعونة الامريكية فيبقى مراسل الاهرام اشرف منه لانه على الاقل مسافر بفلوس الاهرام
وح يبقى مش مسموح له ينقل ما وراء الكواليس عشان هو مضطر يعمل بلقمته

يبقى رايح يعمل ايه؟ ايه الزيادة اللي ح يزودها عن اي جرنال وللا قناة اعلامية؟ وانا ايه اللي يوديني للمدونات اذا كان عندي السي ان ان مدام الاتنين بيشتغلوا بفلوس اكيد مهنيا وفنيا وتقنيا السي ان ان ح تكسب

اخر حاجتين عايزة اوضحهم
الناس بتقول لي انت ليه اتكلمتي بالحدة دي، صحيح ما شتمتيش لكن كنت حادة
عشان انا اتكلمت بالذوق اكتر من مرة
هنا
http://tahyyes.blogspot.com/2008/05/blog-post_22.html
وهنا
http://tahyyes.blogspot.com/2007/08/blog-post_29.html

ومش معقولة يطلع الاخوة في العروبة والدين والانسانية بيشتغلوا لوجه الله ايام ما ماكنش عندهم غير وجهه ولما لقوا وجه المعونة الامريكية غيروا قبلتهم، وبقوا ياخدوا على شغلهم اللي هو مش شغل، باكرر تاني، دي مش مهنة، مش مهنة، مش مهنة
اللي عايز يشتغل يدور له على شغلانة شريفة
مش ياخدوا مقابل على ولا شغلانة وكمان بالطريقة المهينة دي
وفوق البيعة يزايدوا علينا بالنضال! واللي عامل لي يساري، واللي عامل لي مضطهد، واللي عامل لي قومي، واللي عامل لي مناضل، كل ده بالفلوس الامريكاني؟ يا حلاوة
النقطة التانية
حاول البعض انه يستخدم اسلوب متدني اولا عشان يلفت انتباه السادة القراء ويشتتهم ويخليهم يفتكروا ان المسألة شخصية ما بيني وبين شخص معين، وعشان كده تنحى الست مدونين المعنيين، وطلقوا عليا مدون واحد عشان يبان انها خناقة شخصية والحقيقة انها مش خناقة شخصية ولا حاجة، وهم اول ناس عارفين كده، ولما ما نفعتش الخناقة الشخصية راحوا عيطوا لابوهم، ولما ما نفعتش قالوا لي انت عميا

البني ادم لما يبقى ما عندوش رد بيعمل كده عادة
طيب انا عميا
برضه ممكن اعرف ايه هو البرنامج اللي ملتزمين بيه؟

المفروض ان المدون ريس نفسه، لما يقبل معونة انشالله من زكاة المال يبقى مش ريس نفسه ولا حاجة
فما بال بيقبل فلوس من معونة امريكية
يا اخوانا اسمها معونة عايزين ايه اكتر من كده عشان نتأكد انها شحاتة

كل ماهو مطلوب الوضوح، عشان ما يتساواش اللي بيدون ببلاش واللي بيدون بمعونة

ياريت السادة المدونين يعملوا زي المدون التامن المحترم اللي بيقول انا باخد فلوس على شغلي عشان نبقى عارفين راسنا من رجلينا

واذا كان التدوين ح يتحول سبوبة، انا شخصيا عندي وسائل كتير لصنع سبابيب ومعطلاها عشان عايزة ابقى ريسة نفسي
قولوا لي حولناها بسبس ورأسمال
وابتدوا بقى اتعاملوا مع حقوق الملكية الفكرية اللي كنتوا بتشتموها عشان اروح اشوف اكل عيشي انا كمان بطريقة محترمة من غير تسول
مينا كان بيقول لي: حرام عليكي يعني لما تعرفي ان ناس عندها مشكلة بطالة ورايحة تاخد فلوس لانها عايشة على السفريات تقومي تفضحيهم؟
ولما قلت له دي شحاتة ونصب قال لي لا حرام عليكي دي شحاتة بس مش نصب
!!!!!!!!!!
طيب كل واحد يسيب التاني في حاله، انا اعرف مدونين كلنا عارفينهم، اللي بيشتغل في قطاع عام وكل شوية يتنقل ويتحول للتحقيق ويتبهدل في المحلة ومش بيقبض مليم من حد وناس من اللي بتقبل اليو اس ايد بيلسنوا عليهم ويتريقوا عشان حاطين نمرة تليفونهم، واللي بيشتغل موظف في مؤسسة مجتمع مدني، واللي قبل ما يشتغل في المجتمع المدني كان بيتنطط في بيوت الناس عشان يبرمج لهم كمبيوترات ويعمل لهم سايتات ويكسب لقمته بالحلال مع انه ده بالذات الشخص اللي اقصده لو سافر في اي سفرية من دي، بامكانياته ومواهبه ونشاطه، ح يعبدوه في امريكا من دون الله، وناس سافرت واتغربت واتبهدلت ونزلت في عز رمضان في الحر في مواقع الشغل عشان تكسب بالحلال وغيرهم وغيرهم
وبيدونوا فعلا لله والوطن
يعني البني ادم لما بيعوز يبقى عنده كرامة بيعرف يبقى عنده كرامة
بالذمة دول يتساووا باللي بياخد من المعونة الامريكاني؟ ده يبقى عدل؟

TAFATEFO يقول...

أنا نفسي أسأل سؤال بصراحه

هو مين بيضع القواعد اللي حضراتكم بتضعوها مسلمات دي؟؟

كل واحد حر

وسؤال كمان .. ايه رأيكم في الناس اللي حولت مدوناتها كتب .. أو برامج إذاعيه وقريباً تليفيزيونيه

مع اني متأكد ان منحة كمال أدهم لتغطية الانتخابات ومش بأجر .. الرحله لوحدها كفايه .. ولو اتعرضت علي مش هتردد اني أسافر .. ومحدش قال انهم كتبوا حاجه لصالح مرشح .. هما بيكتبوا عن رأيهم في مناخ الانتخابات والمرشحين براحتهم

جبهة التهييس الشعبية يقول...

ازاي منحة وازاي مش باجر؟ ماهي المنحة اجر
اسمها منحة

المنحة في مقابل ايه؟ هو ده السؤال
في مقابل ان حتة مدون ينزل لهم الانتخابات على النت؟ خلاص يعني هم مش لاقيين حد يغطي لهم الانتخابات ومزنوقين في المدونين؟

طبعا كل واحد حر

والكناس اللي بيشحت في الشارع حر

بس يرحمنا من المزايدات والنضال

وما يروحش ياخد من حكومة امريكية ويشتم في مبارك

لا بقى مبارك برقبة الحكومة الامريكية وبرقبته هو شخصيا

جبهة التهييس الشعبية يقول...

اه صحيح
مين اللي بيحط قواعد ايه؟ هي ايه القواعد
احنا بنقول التدوين مش شغلانة
انت شايفه شغلانة
وممكن واحد يهرش في راسه ويشوف ان دي شغلانة وياخد على كل هرشة دولار

TAFATEFO يقول...
أزال المؤلف هذا التعليق.
TAFATEFO يقول...
أزال المؤلف هذا التعليق.
ناصر يقول...

السادة الافاضل اشبعوا الموضوع بحثاً، ويرضيني على سبيل المثال الرد الخاص بجبهة التهييس واتبناه بكامله.
ومادفعني لكتابة التعليق برغم اكتمال رد من يمثلني، هو الحديث عن الحرية حول التكسب من التدوين عن طريق المعونة الامريكية، وخلطه بالتكسب من التدوين باي طريقة مشروعة وهذا النوع من التكسب يفهمه المرء حتى وان كان لا يؤيده ليبقى التدوين حراً كما نفهمه.
اما ان نأتي لحديث التكسب من المعونة الامريكية وربطه بالحرية فهذا تناقض دونه خلط الماء بالزيت.
اي حرية يمكن رؤيتها في الارتزاق من جهة اجنبية معادية لبلدي وامتي وانسانيتي؟ وهل بالامكان في هذه الحالة محاسبة حر آخر استخدم حريته في الارتزاق من جامعة اسرائيلية لتأدية خدمات "انسانية" ومعرفية في ارض الكنانة؟.
والرأي الذي يمثلني في هذا الموضوع، لم يطلب سوى ان يعلن المدون الذي يتقاضي اجراً عن ذلك. وان يكون منسجماً مع نفسه، فلا يهاجم المرتزقين الكبار من المعونة الامريكية، وهو مجرد مرتزق صغير لنفس الجهة.

حـنــّا السكران يقول...

صباح الخير

أنا متفق مع طرح الأستاذ راجي حتى النهاية .. إنما مشاركة في النقاش أرجو أن تسمحوا لي بعرض وجهة نظري ببعض التفصيل مع احترامي لاّراء الجميع .
حين استطاع المدونين فرض وجودهم في هذا العالم و أجبروا الحكومات و الأنظمة و الناس على الإنتباه إليهم و متابعتهم بشغف أو التضييق عليهم و حسب لهم ألف حساب .. كان ذلك مردّه لأمر واحد .. هو أن المدون أصبح السلطة الخامسة التي لا تتبع لأحد و لا تعمل عند أحد و لا يمكن استمالتها إلا بالإقناع .و من هنا كانت مصداقيته . المدون أصبح صوت الشعب لأنه من الشعب و يعمل لنفسه على أنه هو الشعب الذي لم يجد من يدافع عنه أو يطالب بحقوقه لذلك افتتح مدونته لتكون صوتا و سلاحاً غير تابعين لا لحكومة ووزير إعلام و لا لسلطة رقيب أو رئيس تحرير ..خصوصا بعد أن انحسر تأثير السلطة الرابعة حتى الصحف المعارضة منها و ضعفت مصداقيتها. هذا هو الفرق بين الصحفي المحترف و المدوّن .. الصحفي المحترف يستطيع الإنتقال من هذه الصحيفة لتلك مقابل أجر أعلى و سيتغاضى عن الكثير من قناعاته الشخصية بحجة أنه محترف و أنا هنا لا أتحدث عن الكاتب الصحفي .. بل عن الصحفي الميداني أي المراسل الصحفي الذي يقوم بتغطية الأحداث بحرفيّة .هذا الشخص لو انتقل اليوم من صحيفة معارضة إلى صحيفة حكومية لن يكون هناك أي ضجة حول فعلته هذه و لن يلومه أحد . أما المدون و خصوصا الذي قدّم نفسه و عن جدارة على أنه المراقب ذو القلم اللاذع و العدسة التي ترى بعين الشعب ... و فضح ممارسات الانظمة و لم يستطع أحد شراءه أو ترهيبه و منهم من دخل السجن ..هذا الشخص لن يستطع أن يقنع أحدا إن عمل لساعة واحدة بأجر عند هذه الجهة أو تلك كمدوّن .. يستطيع أن يقنع الناس انه مراسل صحفي شاطر لا أكثر . و حقّه الطبيعي أن يكون مراسل صحفي ..و أن يعمل للجهة التي تدفع أكثر .و عليه أن يعرّف عن نفسه بتلك الصيغة ..أنه مراسل صحفي تابع للجهة الفلانية بغرض تغطية الحدث الفلاني لصالح هذه الجهة مقابل أجر معلوم .. انشالله سندويشة شاورما .و هو لن يسمح لي أن أدخل إلى موقعه على النت و الذي هو ساحة عمله لصالح تلك الجهة . و أن أعمل دعاية للجهة المنافسة .يعني إذا أنا كنت أغطّي حملة ماكين مثلاً و بأجر .. لن يسمح لي أن أدخل و اعمل دعاية عنده و هو الذي يعمل في حملة أوباما بأجر ..هذا تضارب مصالح .. إذن هناك مصالح ,. حتى لو دفعت له أجرة الإعلان على صفحته .. هو ليس حرّ أن يقبل .. لأنه أصبح مؤدلجاً بأجر .دون أن يحمل أية إيديولوجيا في الحقيقة .. هو موظف ..مقابل منحة ..مقابل فلوس .. مقابل بوسة .. المهم موظف ..
ـ أما قبول الوظيفة عند الأمريكان أو غيرهم فهذا عائد لقناعات الشخص نفسه ..من يقدّم الديمقراطية الامريكية على انها الخير القادم إلينا و هو يساهم به .. هو واهم و يضحك على نفسه .. لأن هذه الديمقراطية الأمريكية لن ترى فيه هو نفسه ( الأجنبي ) سوى موظف مؤقت غرضه تلميع صورة أميركا في الخارج مقابل بعض المال . و أمريكا لا تخفي ذلك أبدا قلماذا يخفيه هو ؟.و هو ليس كالمدون الأمريكي الذي يؤمن بمبادئ الحزب الديمقراطي أو الجمهوري و ينتظر منهما أن يلبيا طلباته الحياتية و المعيشية و تحصيل حقوقه كواطن .. هناك فرق كبير .,و هذا ليس موضوعنا و إن كان له علاقة تامة .. موضوعنا هو أن هذا المدون أو غيره حين يعمل عند أي جهة أجنبية مقابل أجر .. هو موظف لديها حكماً و يخدم أهدافها .. و هنا تنتفي عنه صفة المدون حامي الحمى و مرعب الانظمة و الحارس على حقوق المظلومين ..و يصبح من الوارد جدا ..أن يعمل في مهمة قادمة مع أي حزب اّخر أو مؤسسة ممولة من حزب معين . ربما يغطي الانتخابات الفرنسية لصالح الحزب الاشتراكي .أو انتخابات الكيان الصهيوني لصالح كاديما ..كله شغل ..و هو حرّ طبعا .كل انسان حرّ يعمل ما يراه مناسبا له . لكن من الافضل ان يكون واضحا إن لم يكن لديه ما يخجل به .
عذراً لللإطالة و شكرا جزيلاً أخي راجي .

ahmed يقول...

اظن الموضوع شخصي بين نوارة نجم ووائل عباس .. نواره ابتدت بالسب والشتم واتهامه انه منتحل اسم شخص معتوه يسبها وابتدت تلقيح الكلام وانتهت باتهام صريح وسبته وسبت أهله بأقذر الألفاظ بدون اي دليل .. والامر تتطور لعداوه شخصيه واي موقف ياخده وائل عباس نلاقي نواره عكسه وبدل ما يحلو مشاكلهم على الايميل نلاقي الاخت كل شويه اتهامات وقرف .. ابتدت موضوع السفر باتهام للمجموعه اللي سافرت انها سافرت على حساب اوباما والفاظ محترمه من عينة الخونه والشحاتين وما تجود به القريحه وبعد ما تم الرد بانها منحه من مؤسسه في مصر اتغير الهيدر وازاي الشحاتين زي ما ماشيه ترد في المدونات يسافرو وهاتك يا شعارات .. فالموضوع من الاول للاخر عداوه شخصيه من شخصيه ابتدت بالغلط وبتكابر .

جبهة التهييس الشعبية يقول...

برضه يا...متنكر (على فكرة حاجة مقززة فعلا) ما ردتش على تساؤلاتي

يا سيدي انا واحدة شرناية ومن جوايا سواد

وبامشي ادور وراك...احم..وراه عشان الغيرة واكلة قلبي

طيب يعني اي حد بيدور بيلاقي كنوز
ما تمشي عدل يحتار عدوك فيك يا اخي
وخليك شجاع واكتب باسمك انا لحد دلوقت ما شخصنتش كلامي مع اصرارك على الشخصنة، لان بصراحة مش انت المعني من الكلام، بالعكس انت اقل واحد معني من الكلام لان طول عمرك بتاخد من المعونة الامريكية
لكن انت سنيت سنة سيئة في التدوين وعدد اللي ماشيين وراك في السكة دي كل سنة بيزيد

راجى يقول...

نوارة العزيزة

اشكرك على التعليق والتحليل وعرض تاريخ التدوين وباقى التفاصيل
واحب اعترف لكى ان كتير جدا باختلف معاكى لكن ايضا كثير جدا باوافق على مواقفك
والحقيقة انا نفسى اتنورت وفهمت اكثر من كلامك هنا وفى مدونتك و ده خلانى اصر على موقفى اللى وضحته فى التدوينة والرد على المعلقين
اكرر شكرى وعرفانى

راجى يقول...

tafatefo
اولا ارحب بك فى المدونة ولو انك لم تلق السلام على صاحب البيت
وكما هو واضح من الكلام ان النقد فى (اعتقادى) للمدون اذا تلقى اجر من جهة اجنبية لتمرير اهداف ما
اما نشر المدونين كتب او تسجيلات فيلمية او صوتية بتمويل من جهات وطنية فده لا غبار عليه لسببين واضحين ايضا
اولا ان وسيلة النشر هذه سوف تفقد صفة التدوين وتكتسب صفة اخرى مثل المقال الصحفى او البرنامج الاذاعى او الفيلم التسجيلى
ثانيا ان الاجر ممول من جهة وطنية حتى لو اختلفنا معها سياسيا دينيا فسوف يظل الموضوع فى اطار الوطن

ولك الشكر

راجى يقول...

ناصر
متفقين على طول الخط
وشكرا

راجى يقول...

حنا السكران

مرحبا بك وانا سعيد جدا بان حضرتك متفق معى وانا اتفق معك ايضا فى كل ما تكتب

ahmed يقول...

مش عارف مين المقصود برد نواره الاخير .. انما جايز انا لان طفاطيفو معروف بالنسبه لها .. والله انا لا عندي مدونه ولا اعرف حد منكم شخصيا الا من خلال الكتابات في مدوناتكم .. بس كالعاده نواره مفتكره الناس بتدخل تنتحل اسماء وترمي كلام فارغ بالظبط زي ما عملت لما شتمت وائل عباس بالأهل في بداية المشكله اللي هيا كانت السبب فيها بتفكيرها المعووج .. اسف لصاحب المدونه بس انت اخدت موقف بناء على كتابة او اتهام نواره نجم وأظن ده ميصحش .

راجى يقول...

ahmed
لا انت غلطان وستين غلطان لانى موش وكيل اعمال نوارة ولا انا من اعداء وائل
اللى باكتبه هو رأيى انا ومقتنع به

ahmed يقول...

وائل عباس مقضيها شتيمه على التويتر . والله العظيم انتو الاتنين ناس غريبه .. شفتكم في العاشره مساء شباب محترم واصحاب فكر .. انما دلوقت !!! ربنا يهديكم

غير معرف يقول...

استاذ راجي
العرب المهاجرين نسبتهم عالية وطبيعي ان اوباما يحاول استقطابهم
ومنهم كتير بيدونوا بالعربي كمان
مثال كده الكوبرا الحديدة والمهاجر الي قال صراحة هيرشح اوباما
نسبة منهم كبيرة عندها حنين لمصر وبتتأثر بالتدوين
اوباما مش عبيط وضحك علي الكل
هيسيب العراق يكمل علي افغانستان
بعدها هيرجع يفوق للعراق
عموما زمان كان في الي بيروحوا العراق يشتموا مصر
مش غريبة ان تلاقي غيرهم مع الي يدفع اكتر

TAFATEFO يقول...
أزال المؤلف هذا التعليق.
TAFATEFO يقول...
أزال المؤلف هذا التعليق.
جبهة التهييس الشعبية يقول...

لا معلش يا مصطفى انا مغيرتش كلامي
انا غيرت مسار المناقشة عشان ما ادخلش في مهاترات

فيه حاجة اسمها ايه يو سي فور اوباما والمنح دي داعمة لحملة اوباما والمؤسسات اللي زاروها كلها مشاركة في حملة اوباما

لكن هم بينكروا
فانا قلت اقتدي بسيدنا ابراهيم واخد منهم خيط المناقشة وما اقعدش اقول لا مع حملة اوباما وهم يقولوا لا مش مع حملة اوباما

والكلام مش مرسل افتح النت

سبت النقطة دي خالص واتكلمت من النقطة اللي هم بينطلقوا منها

دي مش لحملة اوباما دي منحة لتغطية الانتخابات

طيب ح نفترض الكلام ده صحيح، وهو مش صحيح بالمناسبة، ومن المدخل ده انا بارد

والدليل ان مافيش رد
ان مافيش رد يا استاذ مصطفى
فيه شتيمة وبس
طيب كل ما اللي بيشتم بيشتم
كل ما بيقوي موقفي اكتر
وللا ايه؟
ثم انا ما قلتش انهم عملاء، انا قلت بيقبضوا
وهم بيقبضوا...وللا ده اسمه ايه؟
---------
على فكرة يا استاذ احمد
المشكلة اللي بيني وبين الاستاذ وائل عباس ما تخصكش في حاجة
انا باتكلم في نقطة محددة انت ما عندكش رد عليها

TAFATEFO يقول...

أعتذر

غير معرف يقول...

معلش - سؤال لنوارة
هو إنتي سافرتي لبنان إزاي؟!
و كان إيه المقابل مدام كل شئ لازم له مقابل!

جبهة التهييس الشعبية يقول...

انا سافرت لبنان زي اي مصدر ما بيسافر لقناة فضائية انا باديهم شغل ح يكسبوا منه فلوس

يعني مثلا، لو السي ان ان عزمت مجموعة عشان يعملوا عليهم برنامج، البرنامج ده ح يبيعوه وياخدوا عليه اعلانات يعني المجموعة دي بتدي القناة شغل ح يكسبوا منه، فيه ناس في القنوات الفضائية بتاخد فلوس، على اساس ان القناة الفضائية دي زي الجرنال، لما الجرنال بيكتب من كاتب انه يكتب عنده بيدفع للكاتب فلوس

لكن انا لا باخد فلوس من الجرنال ولا باخد فلوس من القنوات الفضائية اللي بتستضيفني

لما المنار طلبوا مني انهم يعملوني مادة برنامج كان المفروض هم اللي ييجوا عندي مش انا اللي اروح لهم، لكن طلبوا مني اروح وكل القنوات الفضائية لما بتعزم الناس بتدفع تذكرة الطيران والاقامة اليومين اللي الضيف قاعدهم

انا بس عندي سؤال
ممكن اعرف مين اللي سائل السؤال ده؟

اصل ده واضح انه يا اما كان سرحان يا اما لا مؤاخذة غبي

دي حاجة كده زي ما تسألني هو انت لما كتبتي لجرنال انجليزي اخدتي فلوس وللا لا؟

اي حد بيتم استضافته في برنامج بيبقى هو المادة اللي القائمين على البرنامج بيعملوا عليها شغل مش هو اللي بيعمل الشغل
يعني هم المستفيدين من الضيف مش الضيف هو اللي مستفيد منهم

يبقى ح يستفيدوا مني وياخدوا مقابل كمان؟

هم استفادوا مني اني كنت ضيفة عملت لهم برنامج

انتوا بقى

عشان انا متأكدة ان السؤال الغبي ده ما يطلعش غير من ناس معينة

ايوة انتوا
لما رحتوا امريكا على حساب المعونة الامريكية كان ايه المقابل؟

ده لا هو مؤتمر انتوا مدعويين له وح تشاركوا فيه بكلمة وبالتالي هم اللي بيدفعوا تذكرة الطيران مقابل الخدمة اللي انتوا بتأدوها في المؤتمر

ولا هو برنامج انتوا رايحين تدلوا فيه بتصريحات ولا تبقوا مادة شغل عشان هم يدفعوا لكوا مقابل الشغل ده تمن تذكرة الطيران والاقامة

ولا هو حتى مجتمع مدني انتوا رايحينه

ده انتوا متصورين في الفريدم هاوس

الفريدم هاااااااااااوووووووووووووووسسسسسسسسسسسسس
خللوا عندكوا شوية من الاحمر

خللوا عندكوا شوية كرامة ونزاهة وللا حتى عزة نفس

ايه رايحين تعملوا الجلبي والمالكي هناك؟

انتوا رحتوا على حساب المعونة الامريكية طيران واقامة واتحولت لكوا فلوس على البنك واتفسحتوا واتعلمتوا واخدتوا اجهزة حديثة

في مقابل اييييييييييييييه

عملتوا ايه عشان يعملوا معاكوا ده كله

اه عشان بس اللي ح يسأل للفريدم هاوس ده ايه


الفريدم هاوس ده المطبخ اللي بتنطبخ فيه كل الثورات على الانظمة المعادية للنظام الامريكي من اول الاتحاد السوفييتي لحد جورجيا والعراق

طيب الاكل والشرب والسفر والاجهزة والكورسات والتعليم كل ده
في مقابل ايه؟

قال مدام كل حاجة بمقابل قال

طبعا كل حاجة بمقابل امال بيحسنوا اليكم؟

^ H@fSS@^ يقول...

طيب يا نوارة انا عاوزة افهم
انتي ايه اللي مضايقك او ايه اللي يهمك انك تعرفيه بخصوص تمويلهم او تاثيرهم في اللي حيكتبوه في مدونتاهم عن الانتخابات؟؟
ما اصلا مش كلهم مع اوباما و لا كلهم مع ماكين
و الاهم من كدا انهم سواء المدونين او الحكومة الامريكية مش تستهدف قطاع من الناس مالهومش لا في الطور و لا في الطحين
يعني كتبسيط لسؤالي تاني
انتي ايه اللي يهمك في الموضوع ده؟؟
و متقوليليش مصداقية المدونيين و ان التدوين مش سبوبة
هاتي كلام غير عشان اقتنع

جبهة التهييس الشعبية يقول...

انا يهمني الوضوح ويهمني ان ماحدش يمثلني ويتحط معايا في نفس الباكج وهو بيعمل حاجة انا شايفاها تسول وحقيرة ويهمني (واقتنعي او ما تقتنعيش) انا يهمني ان عدد المدونين اللي بيروحوا فريدم هاوس ينقص ما يزيدش (وللاسف بيزيد مش بينقص)، عشان،(اقتنعتي او ما اقتنعتيش) انا باحب بلدي وباخاف عليها، ويهمني (اقتنعتي او ما اقتنعتيش) ان ما يبقاش في بلدي جلبي وعلاوي ومالكي تاني سواء بوعيهم او بغير وعيهم
عشان زي ما انا ضد فساد الحكومة وضد فساد المعارضة انا ضد فساد المدونين وضد اي شكل من اشكال الفساد
ويهمني (اقتنعي او ما تقتنعيش) ان بلدي ما تبقاش زي العراق (ماهو برضه اللي كانوا مسميين نفسهم المعارضة العراقية ابتدوا كده وزاروا الفريدم هاوس برضه)
وغريبة انك ما سألتنيش: وانت ايه اللي يهمك في ان الناس تتعذب في السجن؟ وايه اللي يهمك في ان الفلاحين ينطردوا من اراضيهم؟ وايه اللي يهمك في ان العمال ينطردوا من مصانعهم؟ وايه اللي يهمك في ان عز يحتكر الحديد؟ وايه اللي يهمك في ان مصر تقفل المعبر؟ وايه اللي يهمك في ان الحزب الوطني يزور الانتخابات؟
انت مالك؟ وما تقوليلش عشان خاطر بلدي عشان اقتنع!
ما قولتيش كده ليه؟ انت اسئلتك بقت غريبة الحقيقة
قولي انت بقى انت ايه اللي يهمك في فساد حماس؟ وايه اللي يهمك في فساد الدولة؟ وايه اللي يهمك في التعايش مع الايدز؟
وما تقوليليش الصالح العام عشان اقتنع
!!!!!!!!
عشان واضح ان موضوع الصالح العام ومحاربة الفساد والعدالة والتصدي للادعاء والكذب مش واردين في ذهنك او على الاقل مش شاغلينك لدرجة انك تقتنعي انها اسباب كافية

^ H@fSS@^ يقول...

ههههههههههههههههه والله ضحكتيني يعني خلاص انتي حكمتي على السبعة دول بالفساد وكمان فساد في نفس مستوى وساخة حماس، اما عجايب، براحتك بس انتي كده غلوشتي على الموضوع و دخلتي زيد في عبيد، ربنا يعينك

راجى يقول...

على فكرة
التعليقات المحذوفة حذفت بمعرفة اللى كتبها موش انا
وده فقط للعلم انا لا احذف اى تعليق مهما كان سواء وافقت عليه او لا
وبعدين الموضوع واضح وضوح الشمس انا موش فاهم ايه لازمة اللف والدوران
انك تقبض فلوس من جهة اجنبية لتمرير اهداف ما ظاهرة سلبية زى اى ظاهرة سلبية فى المجتمع ، وما دام احنا يعنى المدونين بنلقى الضوء على الظواهر السلبية فى المجتمع ونتمنى انها تنتهى فقط نتمنى ولا نتدخل بالعافية لانهائها يبقى فى الاخر كل واحد حر بس يا ريت زى ما بيحصل فى المسابقات والمعارض ان المدون اللى بيقبض فلوس علشان يكتب موضوع معين انه يعمل اشارة الى ان الموضوع ده برعاية فولان او برعاية الجهة الفولانية
sponsored by
علشان القاريء يبقى فاهم ابعاد الموضوع اللى بيقراه والمصالح اللى بيمثلها صاحب التدوينه

جبهة التهييس الشعبية يقول...
أزال المؤلف هذا التعليق.
جبهة التهييس الشعبية يقول...

راجي

لا فض فوك

جبت من الاخر
ارجو بقى ان الامور تبقى وضحت الا اللي لسة عايز يلف ويدور ويلعب دوخيني يا لمونة

^ H@fSS@^ يقول...

لا لا لا معلش معلش امسكي نفسك شوية و متتهميش غيرك بالباطل مش انا اللي سالتك سافرتي لبنان ليه و لا يهمني فاصحي و اعرفي مين قالك ايه و متخبطيش الناس في بعضها و ترجعي تعملي نفسك مش واخدة بالك
و بعدين انا ملفتش و لا درت
انا كلامي قلته لراجي في الاول و لما حبيت ارجع اعلق تاني رجعت و باسمي لاني مش بخاف و لا حخاف، فخدي بالك مين بيعلق و مين اللي بيقول انتي حبايبك كتار اصلهم. روقي اعصابك عشان متنفعليش و تغلطي

جبهة التهييس الشعبية يقول...

طيب خلاص

لا حماس احسن شوية اللهم الا انهم بيتشاركوا في نفس السذاجة
وانا لا غلوشت ولا حاجة انت اللي عمالة تجيبي يمين وشمال تقولي لي وانت ايه اللي يهمك

فيه نقطة معينة ماحدش رد عليها
سفر واكل وشرب وتعليم واجهزة من المعونة الامريكية في مقابل ايه؟
وليه من المعونة الامريكية؟
وليه الفريدم هاوس؟
واشمعنى استهداف المدونين؟
وماحدش بيرد عليا
مرة واحد يدخل يقول لي يا بنت وبنت
ومرة تجيبي لي انت من الشرق والغرب
وماحدش بيرد
شغاااااااااااااال يونيفيرسال
----------

ها حلو كده؟


برضه ماحدش رد وانت ما ردتيش عليا تقييمك ايه حضرتك؟

يعني تفتكري الخير اللي مالي قلوب الامريكان ده وحسانتهم الفياضة دي سببها ايه؟

عشان نروح نتربى على ايديهم ونعرف كده هم طيبين ازاي ونحاول نقلدهم في طيبتهم

المعونة الامريكية اللي بتتلم من ضرايب المواطنين

اندفعت في الرحلة دي تحديدا ليه؟

وفي غيرها اللي شبهها

ما هو يا اما انا باخد ضرايب المواطن الامريكي عشان اخدمه

وياريت نعرف ايه نوع الخدمة دي

يا اما انا باخد ضرايب المواطن الامريكي عشان ما اخدموش

يعني بانصب عليه

ها؟
حد ح يرد عليا في ام الليلة دي؟

جبهة التهييس الشعبية يقول...

اه نسيت اقول لك

انا ما باغلطش وما غلطش في حد
فياريت برضه تفوقي كده ويبقى عندك تقييم مفتح بلاش التقييمات العوراء دي لو سمحتي

* يقول...

يسعد صباحك .. وضيوفك كمان

التدوين مساحة كبيرة جداً نترك فيها خيّال القلم أن يمتطي خيول أفكارنا ويمرح بها كيفما أراد .. بالنسبة لي .. كنت محبوسة في دفتر جنباته زرقاء صغير .. امتلأت الصفحات مع السنين وبدأت أقلق من إحضار دفتر جديد فلا أحب التشتيت والفراق ههه

التدوين اليوم هو دفتري الذي لا تنتهي صفحاته ، بل وهناك المزيد ، نضج قلمي جداً عندما تعلم أن يتواصل مع أقلام الآخرين ويقرأ عقول الآخرين ويلتصق بهموم الآخرين "عن قرب" ، فالنت هو أقرب نقطة تستطيع أن تقف عليها لترى بوضوح كبير

ولأني لم يُقدر لي الله أن أمارس الإعلام على أرض حقيقية ، فإني اعتبر واقعنا الكبير من حولنا هو خبرة حقيقية كي أكتسب خبرتي المتواضعة في عالم الإعلام والتدوين من الأشياء التي أثرتني في هذا المجال

طبعاً أنا لا أكتب هنا عن نفسي وإنما عني كمدونة ، فالتدوين يمنحنا مساحة حرية كبيرة جداً كنا نحتاجها منذ سنوات طويلة مضت ، الفرق أنها مع التدوين مليئة بالثقة مفعمة بالنشاط

وبالعودة الى مرآة الصحافة والتدوين مرة أخرى ، فالصحفي وإن يكن امتهن مهنة المتاعب مقابل أجر إلا أنه هناك العديد من الصحفيين ، كما تفضلت ، أدمن الصحافة ، فهو عندما يلقي بنفسه إلى التهلكة لا يفعل هذا مقابل لقمة العيش فقط إنما هو شئ أصبح يحب أن يفعله ويملك شغفه طوال الوقت ، هو لا يستطيع أن يمنع نفسه ، وهذه جملة سمعتها من العديد من الصحفيين المحترفين

أما عمن يبيع حبره ليرسم لوحة ترضي هذا وذاك فهم كثر لكنهم مفضوحين ونستطيع أن نعرفهم بسهولة ، وفي الآخر كل مجال فيه ثلاثة أنواع - بتقييمي الشخصي - مخلص لعمله بدافع من الضمير اليقظ ، والثاني محب لعمله ويؤديه بمتعة وشغف وهو هنا في الغالب يقظ الضمير أيضاً لأنه يحب أن يرى الكمال فيما يفعل ، والثالث هو المتقن الذي يحب أن يستفيد من وراء عمله - وليس يستفيد بما يعمل - وهو هنا المرتزقة

لو كان بإمكاني يا راجي لما تأخرت أو ترددت في أن أسافر هنا وهناك في يدي قلم وفي الأخرى كاميرا لأغطي الأحداث واحضر مؤتمرات واحتفاليات المدونين وغيرها و الخ من كل هذا العالم الرائع ، ولن أفكر في أي مقابل ، فقط أنا احب أن أفعل ذلك

الجانب الآخر من هذه الحدوتة الجميلة

قد يكون قلم مدون ما حر ويكتب ما يحب وما يرى أنه يريد أن يكتبه ، وهنا قد يكون مؤثر سلبي على ثقافة أو مبادئ الآخرين ، وهذا شئ رأيته كثيراً هنا وهناك ، ويكمن خطرها هنا أنك تؤثر في الآخر قلم لقلم وهذه المشكلة لن تستطيع أن تضع لها قواعد حماية فليس كل صاحب قلم واعي بنفس درجة زميله ، إلا أنه من السهل تحديد شخصية وهوية صاحب المدونة طبعاً من طريقة صياغة كلماته ثم من الموضوعات التي يختار ان يكتب عنها ثم تفاصيل ما بين السطور التي تظهر هنا وهناك

شكرا لهذه التدوينة يا راجي

^ H@fSS@^ يقول...

المجهول اللي قبلي قال
"
معلش - سؤال لنوارة
هو إنتي سافرتي لبنان إزاي؟!
و كان إيه المقابل مدام كل شئ لازم له مقابل!
"
و انا سالتك سؤال غير موضوع لبنان ده خالص جيتي انتي و قلتي
"
وانا لا غلوشت ولا حاجة انت اللي عمالة تجيبي يمين وشمال ومرة تقولي لي رحتي لبنان ازاي ومرة تقولي لي وانت ايه اللي يهمك
"
يعني انتي اللي فاكرة ان انا صاحبة التعليق المجهول من الباب للطاق
فعشان كدا من حقي اني ادافع عن نفسي و ارد عليكي و اعرفك انك غلطتي فحاجتين
اولهم انك افترضت اعتباطا اني انا صاحبة التعليق المجهول و ثانيا بتقولي ان انا اللي بلف و ادور
فانت غلطتي و غلطتي كتير كمان
ويا ريت لو مرة تعترفي انك بتغلطي
انتي لا نبية و لا قديسة و لا حتى اي جهة مسؤولة عشان الواحد يخاف منك ، و لو انت حكيتي حاجة يبقى خلاص الكل يتخرص

معلش مبدا خدوهم بالصوت ليغلبوكوا مبيمشيش معايا

صباحك خير

غير معرف يقول...

قبل كده حفصة افردت لي بوست شتيمة
والاخت نوارة نصحتها في يوم اديتني تريقة هي وصاحبة لها
والاخ المحترم الي حفصة عاملة امه وفي يوم كان عامل صاحب نوارة وكانت بتدافع عنه
اول ما خاصم فجر
مع ان موضوع التمويل وكل ده واضح من زمان
والي يعرفه من زمان كان بيشك انه جاسوس علي زمايلة في الكلية


انتم معارضة نجسة اوسخ من الحكومة
علي الاقل الحكومة لسه فيها شرفاء
انتم انجاس في بعض

الله يرحم المسيري اتبهدل بجد ومحدش ساعده في العلاج
مباعش بلدة بمنحة
ولا كان رقاص وهجاس وجعجاع

اتفو عليكم

^ H@fSS@^ يقول...

المجهول
يا ريت لو تقول انت مين لاني انا عارفة مين اللي افردت لهم بوست شتيمة كويس اوي
ف ياما انت منهم و تستحقها عن جدارة
او انك بتالف و خايف تفصح عن شخصيتك و عاوز بس تعمل منظر
قول انت مين عشان نعرف

راجى يقول...

غير معروف الاخير

من فضلك افصح عن نفسك ، انت خايف من ايه؟
طول ماعندك لسان طويل كده وقدامك الكيبورد ايضا خلى عندك شجاعة المواجهة

اقصوصه يقول...

من وجة نظري

اكيد في فروقات ثانويه وبسيطه

بس الفكره والمضمون

نفس الشي :)

تقبل مروري

جبهة التهييس الشعبية يقول...

ههههههههههه
والله العظيم تستاهليه...احسن
بصي يا اوختشي انت نفسك ومنى عينك تتخانقي معايا

مرة تدخلي تتخانقي (وانت فاهمة غلط) على بوست
ودلوقت (برضه تفهمي غلط - انت بتعملي الحكاية دي كتير) وبرضه عايزة تتخانقي

من حيث اني خلط ما بينك وبين انونيمس الاولاني فدي حقيقة وشتل التعليق وعدته تاني وقلت لك برضه ردي عليا
انا ما غلطتش فيكي

من حيث ان كلامك بخصوص انت ايه اللي يهمك وقولي كلام تاني عشان اقتنع
ده لف ودوران مالوش حل تاني

بتسأليني سؤال مالوش محل من الاعراب وكمان بتشترطي عليا شكل الاجابة والسؤال اصلا مالوش علاقة بلب الموضوع

والسؤال الاصلي اللي انا طرحته ماحدش رد عليه

وانا بقى زهقت
الكلمتين اللي قلتهم ماحدش رد عليهم
والسؤال اللي سألته ماحدش رد عليه
وانا ماليش طلبات غير اللي بينصب يبطل ينصب واللي بيغطي على نصاب يبطل يغطي على نصاب وخلصنا
وماليش مزاج اتكلم في الموضوع ده تاني لان برضه ماحدش عنده ردود
وكل ما واحد يرد - او يوكل واحد يرد بداله - يفضح اكتر ما يستر ويأكد كلامي اكتر
فكفاية بقى عشان الناس جاتلها صدمة عصبية
ويا ستي انا لا قديسة ولا ملاك وانا اكتر واحدة باعترف بغلطي
واللي مش بارضاه على نفسي مش بارضاه على غيري
فمافيش داعي للاسقاطات دي

جبهة التهييس الشعبية يقول...

اديني اللنك اللي تقول عليه يا راجي

^ H@fSS@^ يقول...

تصدقي انتي اللي يتكلم معاكي و يعتبرك شخص بيفكر يبقى حمار
خليكي تتهمي الناس بالباطل بناءا على خزعبلات انتي بتؤمني بيها و عايشة دور نظرية المؤامرة الله ينور
و بعدين افهم انا ايه اللي حيخليني اتشوق اني اتخانق معاكي؟؟
مين انتي مثلا؟؟
و مش معنى اني اختلف معاكي في موضوع او اتنين من وسط شريط الاخبار السافف اللي بتنزليه عندك يبقى احنا اعداء
انا لغاية دلوقتي كنت فاكرة ان احنا صحاب لكن مختلفين على قضية و بنحاول نناقشها بس الحمدلله خلاص
كده كفاية عليكي اوي و ميشرفنيش اني اعرف واحدة زيك
و ردي براحتك و كركري كلام و اعملي نفسك بتهزري قال يعني احنا بنهرج مع بعض و لما الواحد بيكلمك و تتزنقي بتقومي مقفلة الموضوع من منطلق الناس جاتلها صدمة عصبية و سعال ديكي و الشلة دي كلها
عمتم مساءا

جبهة التهييس الشعبية يقول...

مساءً مافيش بعدها الف

جبهة التهييس الشعبية يقول...

اه وبناءً برضه مافيش بعدها الف

^ H@fSS@^ يقول...

هههههههههههه
لا شاطرة

جبهة التهييس الشعبية يقول...

والله طول عمري باجيب 50 من 50 في الرياضيات والعربي والانجليزي والفرنساوي من غير ما اذاكرهم بس كنت خايبة في الاحياء
ولحد والله خايبة في الاحياء
عند اذنك اصلي اتزنقت ومش قادرة اواجهك احسن انا باخاف وح يغمى عليا اهو
اروح بقى يغمى عليا وارجع لك تاني

ahmed يقول...

على فكرة يا استاذ احمد
المشكلة اللي بيني وبين الاستاذ وائل عباس ما تخصكش في حاجة
انا باتكلم في نقطة محددة انت ما عندكش رد عليها
==
حضرتك مدعيه وفي مشكله شخصيه بينك وبين وائل عباس .. نصبتي نفسك قاضي ترمي اتهامات الخيانه او العماله وكلام قذر على الناس بدون وجه حق .. وللتوضيح لاستاذ راجي .. الاخت بعد الانتخابات عملت بوستات شتيمه بالمتغطي لوائل فرد عليها بشتيمه برضه بدون اسامي على التويتر بعدها اتفتح موضوع تلقيح الكلام ولما وائل دخل رد عليها عدلت دفة الكلام من انهم رايحين بفلوس اوباما لانهم رايحين بفلوس معونه الشحاتين اللي كذا اللي كذا .. طيب يا نوراه ليه الناس مطالبين بأنهم يثبتو او ينفو لك شئ في الأساس .. هل حد جه وطلب منك تتبني موقفهم مثلا او تسانديهم في شئ .. الطريف ان كل ما خد يوجه لها كلام في المدونه او اللي شفته في بعض الردود يكون ردها لا محل له من الاعراب . يا اما مش بتفهمي يا اما بتستعبطي ..

غير معرف يقول...

سلام عليكم

أنا اللي سألت نوارة عن سفرية لبنان

أولا أنا لامدون و لا يحزنون أنا قارئ فقط - و من اللي أنا شايفة فعادة مش بعلق و بخلي رأيي لنفسي لأن غالبا رد الفعل بيكون من عينة "إنت غبي" - شكرا ياستي الناس يا بنت الأصول و النجوم.

أنا بس عايز أوضح لك إن تليفزيون المنار طبعا له أجنده و طبعا له رسالة و لما إستضافك ده كان علشان يوصل رسالة معينة عن طريقك - سواء تقصدي أو ماتقصديش.
طبعا كنتي وسيلة يوصلوا بيها صوتهم لقطاع كبير في مصر من اللي بيقروا مدونتك. لو مش واخدة بالك من كده يبقى إسمحيلي يعني تكوني ساذجة قوي - و لو واخدة بالك خلاص يبقى زيك زيهم - فيه ناس بتاخد فلوس علشان شغلها و فيه ناس يكفيهم الظهور الإعلامي و سفرية حلوة أو حتى مقابلة سمير القنطار!
مرة تانية أنا لا أعرف الناس اللي سافرت أمريكا و لا عمري شفت وائل عباس و لا حتى بطيقه أصلا.
أما أنا ليه مش داخل بإسمي فده نتيجة ظروف خاصة بي في العمل - و على فكرة أنا لا داخلية و لا أمن دولة والله العظيم :)

جبهة التهييس الشعبية يقول...

بس يا سيدي
انا اخدم اي مقاومة حقيقية بعيوني وده شرف ليا واتمناه ومش محتاجة يستضيفوني في التلفزيون بتاعهم
ولو اطول اروح اموت معاهم وانا ما انكرتش حاجة زي دي وليا الشرف ومش باخد فلوس ولا هدايا ولا اجهزة ولا منح عشان اقول الكلام ده ده اقتناعي ولو اطول اتبرع لهم بكل ما املك بس كل ما املك موبايل بكاميرا وتلفزيون ملون وعربية قسطها 400 جنيه
وعشان تبقى فاهم انا كاتبة وصيتي وفي الوصية بتاعتي كاتبة اني متبرعة بكل اللي يفضل بعد يسددوا الديون اللي عليا لو عليا ديون لحزب الله
ولو يقبلوا عينيا اديها لهم

وده شرف
ده شرف
ده شرف

اما عجايب والله اما عجايب اما عجايب

هو انا مجنونة وللا الناس هي اللي اتجننت

اقول لك فريدم هاوس والمعونة الامريكية تقول لي حزب الله له اجندة

خخخخخخخخخخخخخخخخخخخخخخخخخخخخخخخخخخ
خخخخخخخخخخخخخخخخخخخخخخخخخخخخخخخخخخخخ
بجد

الكرامة ما بتتعلمش لحد
يا الواحد عنده دم وكرامة يا الواحد ما عندوش

انا قلت مش عايزة اتكلم في الموضوع ده بس بجد كلامك استفزني

غير معرف يقول...

يا فندم المنار و حزب الله أجندتهم هي نشر التشيع.
مع العلم إني أنا كمان يشرفني إني أقف في نفس الخندق مع أي مقاومة ضد الصهاينة - أنا أبويا ما كانش جيش بس حارب مع المقاومة الشعبية - مع الأسف إحنا مقطوعين الإيد لكن هييجي اليوم و نكون كلنا حزب الله - لكن و برغم إني من اللي بينادوا بتوحيد الصف و معرفة عدونا الحقيقي بس فعلا الشيعة لهم تحركات غريبة في الفترة الماضية - حتى القرضاوي أول المنادين بالحوار حذر منهم و الدنيا كلها قامت عليه.
ده مش موضوع النقاش الأصلي أنا عارف لكن إنتي قولتي لي "خخخخخخخخخخخخخخخخخخ" إسكندراني يعني فحبيت أوضح وجهة نظري - تاني كل واحد له هدف من اللي بيعمله و لازم لكل عمل فيه مكسب ما - المكسب ممكن يكون مادي (سفر .. فلوس .. أجهزة .. كورسات ...) و ممكن يكون عيني (مقابلة أحد رموز المقاومة مثلا أو حتى
self Satisfaction
) كل واحد بيشوف مصلحته فين و مش شرط يكون ده عيب.
و مش لازم نشتمه و نقول له عميل وخائن.
و تاني أنا ماليش في أي واحد من اللي سافروا.
بس أنا متأكد إن أي حد من اللي معانا هنا كلهم و بدون إستثناء لو إتعرض عليه يسافر يحضر الانتخابات في أمريكا هيسافر بدون تردد و ممكن تسأليهم!

سلام

غير معرف يقول...

يعني ازاي رايح تغطّي الإنتخابات الأمريكية كصحفي . و انت بالأساس رايح تغطّي مع حزب ضد حزب ؟ و انت مش أمريكي أساساً؟ وانت واخد صف مع جهة ضد جهة .ازاي انت صحفي و بتعمل شغلك ؟ ازاي صحفي يغطّي الانتخابات المصرية لصالح الحزب الوطني ضد الإخوان أو كفاية أو الوفد و يكون صحفي مستقل؟ و ده مصري . يعني ينفع ييجي صحفي أمريكي يغطّي الإنتخابات المصرية لصالح كفاية؟ و يكون واخد أجرته من حركة كفاية؟ ينفع؟ أو ده صحفي مرتزق ؟
و لما الشيخ القرضاوي اللي الأخ استشهد بيه . يطلع عالجزيزة كل اسبوع يقول رأيه اللي هو مؤمن فيه يكون زي اللي رايح يغطي انتخابات لصالح حزب ضد حزب في دولة هو مش أحد مواطنيها؟
و لما الصحفي ده يجي تاني يوم لما اوباما يفوز و يكتب (ناسبنا الحكومة و بقينا قرايب) ما يكونش متبنّي رأي جهة معينة هو مالوش أي علاقة بيها غير انها اديته فلوس عشان ينتصر لها بكتاباته . و ده يكون عمل صحفي محترف ؟ و يكون زي الشيخ القرضاوي لما يطلع عالجزيرة و يقول رأيه ؟ أو زي نوارة نجم لما تروح المنار و تقول رأيها اللي هي مؤمنة بيه بكل حرية ؟
قليل من المنطق أرجوكم . كل واحد حرّ يعمل اللي هو عايزه . لكن بس عشان نعرف كل واحد شغلته ايه و وصفه و صفته ايه .
أنا لو مؤسسة اعلامية انتدبتني اروح أغطي الانتخابات الامريكية طبعا حروح . بس لما مؤسسة ممولة من الحزب الديمقراطي تديني منحة و تأشيرة و تذكرة و فلوس اقامة و انتقال عشان اغطي لصالح هذا الحزب ضد حزب تاني مش حروح إذا كان عندي مبدأ . لكن اذا كنت عايز استرزق و بس . مفيش مشاكل أروح . لكن تقدر وقتها تقول لي انت مرتزق زيك زي مرتزقة بلاك ووتر اللي ممكن يعملوا أي حاجة لصالح الحكومة الامريكية في العراق مقابل فلوس . هم بيحاربوا لأجل قضية كل اللي بيربطهم بيها الفلوس و بس .ما تقدرش تقول عنهم جنود امريكان و لا تقدر تقول عنهم ثوار من أجل الحرية و الديمقراطية . هم مرتزقة و بس .

eng sara يقول...

شركات تسليك مجارى بالرياض
تنظيف وتسليك البيارات
كشف تسربات بالرياض
كشف تسرب الماء
كشف تسربات المياه في الرياض
عزل الخزان
عوازل الاسطح
شركات تنظيف خزانات المياه
العزل المائي
شركات العزل الحراري
كشف تسربات المياه بالرياض
افضل شركة كشف تسربات
مؤسسة كشف تسرب المياه
اجهزة كشف الماء

eng sara يقول...

شركات تخزين اثاث بالرياض
شركات تنظيف
عزل اسطح
نقل أثاث في الرياض
شركة تنظيف بالرياض
افضل شركات التنظيف في الرياض
شركة تنظيف شقق بالرياض
شركة مكافحة الحشرات بالرياض
شركة تنظيف منازل بالدمام
شركات تنظيف بالدمام
شركة تنظيف فلل بالرياض
تنظيف فلل
افضل شركة تنظيف فلل بالرياض
شركة تنظيف شقق بالرياض

eng sara يقول...

تخزين عفش بالرياض
نقل اثاث
شركات نقل عفش بالرياض
تغليف الاثاث
نقل عفش داخل الرياض
شركة رش مبيدات بالرياض
شركات مكافحة القوارض
شركة ابادة الحشرات
شركة مكافحة حشرات بالرياض
مكافحة البق
مكافحة حشرات الفراش
شركات مكافحة النمل الابيض بالرياض

eng sara يقول...

here
here
here
here
here
here
here
here
here
here
here
here
here
here

شركة عزل خزانات بالرياض
شركة مكافحة حشرات بالرياض
شركة تخزين اثاث
شركة نقل اثاث الرياض
شركة تنظيف خزانات بالرياض
عزل مائي

eng sara يقول...

شركة تخزين عفش بالرياض
شركة تنظيف اثاث بالرياض
شحن عفش داخل السعودية
شركات نقل وتغليف اثاث
شركة تنظيف واجهات زجاج بالرياض
شركة تنظيف بيوت شعر بالرياض
شركة ترميمات بالرياض
شركة رش مبيدات بالرياض

roba gad يقول...

http://www.prokr.net/2016/09/cleaning-companies-17.html
http://www.prokr.net/2016/09/cleaning-companies-29.html
http://www.prokr.net/2016/09/cleaning-companies-28.html
http://www.prokr.net/2016/09/cleaning-companies-27.html
http://www.prokr.net/2016/09/cleaning-companies-26.html
http://www.prokr.net/2016/09/cleaning-companies-25.html
http://www.prokr.net/2016/09/cleaning-companies-24.html