الثلاثاء، يونيو 10، 2008

HOT OR FREE




مرق الصوت بجانبى فارتعدت فرائصى وبحركة الية نقلت قدمى اليمنى الى كوابح السيارة ، رأيته على الدراجة النارية وقد اعتمر خوذته المصنوعة من الالياف الزجاجية يحاور ويناور بين السيارت المكدسة فى نهر الطريق ومن خلفه برز ذلك الصندوق الخشبى الملون وقد طبع على جانبيه اسم مزود الطعام من المعجنات الايطالية الشهيرة
شعرت بالكراهية تغمرنى واطلقت سبابا بصوت خافت وعندما انتبهت الى نفسى زاد حنقى عليه وعلى نفسى التى فلت منى عقالها
يطلقون عليه واقرانه اسم الطيارون وقد صدقوا فهو ودراجته النارية بين السيارت العاجزة عن الحركة مثل الطائرة بين طيات السحاب ولما تذكرت صديقى الامريكى الذى اخبرنى بالشعار الذى يرفعه مزودوا الطعام الى المنازل فى مسقط رأسه
Hot or free
هناك عبر المحيط يلتزمون بوعدهم فى حال وصول الطعام باردا فهو بالمجان اما هنا فلا وعود ولا صدق
حاولت التماس العذر لهذا الطيار البائس فلم تطاوعنى نفسى التى فلت عيارها تماما من الانسداد الحاد فى حركة السير ، وعندما زمجرت محركات السيارت التى امامى وانطلقت بسيارتى وقد عقدت العزم على عدم الوقوف مرتين فى امام الضوء الاحمر فى نفس المكان وعند تقاطع الطريقين وجدت الطيار وقد انبطح على الارض يبكى وقد سال الدم من ركبتيه واستقرت خوذته غير بعيد على طوار الطريق ، ودراجته النارية التى كانت منذ لحظات تهدر مسرعة طائرة بين السيارت قلبت على جانبها والشطائر والمعجنات ملقاة حولها
حاولت الغوص فى اعماق نفسى لابحث عن شعورى فى تلك اللحظة فلم اجد الا التشفى والسرور الشرير




هناك 78 تعليقًا:

صباح الخير يا مصر يقول...

راجى
******
اعجبنى صراحتك فى نقل الحديث الذى دار داخلك حتى لو كان كما وصفته بالسرور الشرير

تحياتى

نعكشة يقول...

ينهار

انا تخيلت انك ممكن تزعل في الاخر

الناس مختلفين
سبحان الله

و الصراحة مع النفس حلوة

ربنا يعين السائق المسكين

1- اتعور و اتجرح ويمكن يكون اتصاب اصابات خطيرة
2- هيدفع تمن المعجنات
3- هيحرم يحاول يسرع عشن الناس ودة ممكن يوفقده وظيفته
4- ملوش ذنب غير انو نفسو يزود مرتبوا لو عمل طلبات اكتر
5- ملوش ذنب ان المرور في مصر فاشل
6- ملوش ذنب ان الموتور سيكل او الفيزبا او العجلة ممكن تخترق العربيات الواقفة
7- معملش لحد حاجة وحشة دة بيحاول يجيب للناس حاجة تفرحهم و تسد جوعهم

سوري طولت عليك

سلامون عليك

nonoymm يقول...

السلام عليكم
لا حول ولا قوة الا بالله
تعرف حضرتك انا باتفاجأ بيهم مرة العربية اتهزت وهي واقفة لما مر احدهم جنبها
وبرضه مش عارفة ازعل من مين ولا مين
ربنا يعينه هيشيل الليلة
تحياتي

loumi يقول...

تخيل لو بدل كل العربيات إللي في أنهر الطرقات عندنا الناس تركب موتوسيكلات
يمكن الدنيا كانت تبقا أظرف
:):):)
على فكرة ركوب الإختراع ده جميله جداً
بس لما تكون مضطر إنك تتعرج بين السيارات و تجري بأقصى سرعه لتنفيذ مهمة توصيل الطلبات ساخنه فهى لا شك مهمه شاقه
كان الله فى عونه وعون كل من يركب سيارته ويتزنق في الزحمه ويحقد عليه لإحساسه أنه لا يستطيع أن يتخطى كل هذا الزحام ليطير مثله :):):)

تحياتي لك
مش معايا إن خدمة توصيل الطلبات للمنازل أثرت كثيراً في سلوك الناس؟

بنت القمر يقول...

راجي
=======
شوف هو كل شيئ بيحكمه المصلحه والزاويه اللي بتبص منها للامور
مرة واحد سواء مشروع خبط واحد طيار ورماه علي ارتفاع عالي جدا قدام عربيتي
ولولا فرملت جامد جدا كنت دوسته وكان برضه بيعمل حركات بهلوانيه جدا
ساعتها كنت غضبانه جدا
لاني كان ممكن اتبهدل لو الولد جراله حاجه... لكن انا لو جعانه ومستنياه يجيب البيتزا واتأخر عليا ممكن اتصل ابهدلهم ان الاكل اتاخر واني ها اخد من مطعم تاني مش ها احسب الوقت اللازم
الوقت مابين بيتي واقرب بيتزا هات تلت ساعه الي نصف
ولما بتصل اطلبها بتيجي من ستانلي علي البحر في نصف ساعه
يبقي فين وقت طهوها؟؟!!
ده سوق العمل اللي ما بيرحمش يا عزيزي
ولو اني معجبه بصراحتك انك اتشفيت فيه رغم قسوتك
لكن هي دي الحقيقه
انت بتبص من انهي زاويه للموضوع يعني لو الولد ده ها يكسر لك فانوس العربيه الشيك بتاعتك
اللي انت مصور منها.. الرجل القنبله
:)
اوكتافياa4 دي يا عمنا؟!
طبعا ها اولع فيه!!
لكن لو جعان ومستني في البيت ها اعوزة يركب صاروخ
تحياتي.. لصراحتك

د/أبويحيى وادم يقول...

السلام عليكم ورحمه الله وبركاته
آخى الكريم
لما أراك لم تشارك معنا فى حملتك إلى الآن ؟
أخي العزيز : هي حملتك هي لغتك ولغتي أذا لم نحافظ عليها نحن ونعمل على نشرها فمن يفعل ذلك ؟؟
أنا لا ادعوا إلى المثالية فى استخدام اللغة والأمر مفصل بالموضوع بالمدونة
وهى ليست دعوا لفرض قيود على كيفية التعبير عن الرأي فلك مطلق الحرية في هذا
أخي الحبيب أن مشاركتك في هذه الحملة سوف يكون احد أسباب نجاحها ونشر لغتك
ندعوا الى الاعتزاز بلغتنا ..أعلم انك تعتز بها ولكنى أدعوك الآن إلى نشر الأمر بين كل من تعرف وكل زوار مدونتك التي تدون بها وكل المنتديات التي تشارك بها
إلا أذا كنت غير مقتنع بالفكرة والحملة فلك مطلق الحرية في هذا واعتذر أذا كنت أطالت عليك
والسلام عليكم

سمراء يقول...

دة قر وحسد
احييك على صدقك
سمراء

Jana يقول...

عذرا يا اخى ..لكنك صدمتنى
انا تخيلت انك حتفاجئنا فى الاخر بشعور مختلف تماما ..وانك ندمت على حنقك على فتى الديليفرى..حيث يشعر الانسان احيانا بالذنب وانه المسئول عن سوء حدث لأحدهم نتيجة حقد او غل حتى لو كان فى عقلك الباطن ولم يجرؤ على الظهور حتى فى عينيك ..وكأن اشعة الغضب قد اصابت الهدف

لكن فى النهاية ماقدرش الومك ..قد يختلف رأيى ان كنت مكانك ..او مكان صاحب البيتزا المنتظر فى شوق ولهفة

تحياتى

dodda يقول...

لا حول ولا قوة الا بالله

لسه حاصله معايا
جوزى كان سايق وانا اللى اتخضيت من الصاروخ اللى عدى جنبى
وصرخت ده غباااااء
والله حرام ..ربنا يهدى الناس كلها

صوت من مصر يقول...

مشض عارفبس حاسس ان مشاعرى تايهه هنا ؟

appy يقول...

حرام عليك بجد على قد ما بيغظونى جدا وبخاف منهم هما والعربيات النقل بس ساعات بيصعبوا عليا قوى بجد يا شرير انت

راجى يقول...

صباح الخير يا مصر

اهلا بحضرتك والحقيقة انا الوم نفسى دائما على اى مشاعر خبيثة او شريرة ولكن ما باليد حيلة

اشكر لك المرور والتعليق

راجى يقول...

الدكتورة نعكشة

ازيك واخبارك ايه فى المذاكرة

خلتينى اتعاطف مع الولد الطيار ولكن برضو باكرهم وباخاف منهم

اشكرك

راجى يقول...

عاشقة النقاب

وعليكم السلام ورحمة الله وبركاته

انتى كمان بتعانى من الولاد الطيارين دول ربنا يكون فى العون
هما طبعا عندهم بعض العذر ولكن موش ذنبنا نعيش فى الرعب ده

تحياتى

راجى يقول...

قمر

لحظة واحدة بقى

انا اكتشفت ان عندك ذاكرة كمبيوترية مذهلة ، يعنى فاكرة تابلوه العربية للموضوع اللى نا كتبته فى مارس اللى فات وكمان والادهى من كده انك فاكره حوار الممثلين فى فيلم بيبى دول كلمة كلمة بالحرف
بوريه منك بوريه ، ياترى الباشمهندس جوزك عامل معاكى ايه ؟ اكيد مسجله له كل لفته وكل كلمة ، انا لو منه امشى على الصراط المستقيم
بس على فكرة لازم تستفيدى من الذاكرة الحديدية دى بس موش عارف ازاى
:)))
فاضل بس توضيح للاصدقاء اللى موش من اسكندرية ان سائق مشروع فى اسكندرية تطلق على سواق الميكروباص وذلك لعموم الفائدة
تحياتى لكى وللاسرة ونهاية اسبوع سعيد عليكو

راجى يقول...

لمى العزيزة

انتى عارفة انا عمرى ماركبت موتوسيكل ولا فسبا مع انه كان نفسى يكون عندى موتوسيكل رهيب زى كواساكى او ياماها او هارلى اكيد شعور جميل السرعة على الموتوسيكل بس يكون راكب ورايا واحدة شقراء شعرها طويل يطير فى الهواء وياريت تكون عينيها زرقا
:)))
تحياتى لكى وللولاد

راجى يقول...

د ابو يحيى وادم

والله يا بيه انا حريص جدا على اللغة العربية ولو سعادتك لاحظت تلاقى كل كلمة مكتوبة بالفصحى
وانا اوعد حضرتك ببذل كل ما استطيع لرفع شأن اللغة العربية

لك التحية والسلام

راجى يقول...

سمراء

ربنا يخليكى واشكر لكى المرور والتعليق

راجى يقول...

jana
اهلا بيكى للمرة الاولى انا سعيد بمرورك واحترم رأيك جدا لكن اعمل ايه ؟
تحياتى

راجى يقول...

dodda

طبعا حاجة مرعبة جدا ان الواحد يسوق فى شوارع القاهرة

سواقين الميكروباص عبارة عن شوية بلطجية وكمان يطلع لنا الطيارين دول ؟
انشاالله ما طاروا

تحياتى وارجو لكى الخير

راجى يقول...

صوت من مصر

اهلا بيك يا باشا نورت

راجى يقول...

appy

ازيك يا عسل انت ، عاوزين من فضلك شوية خرفان جامدين ينطحوا العيال الطيارين دول خدمة يعن لاخوكى المسكين
حتتجوزى امتى وضرورى احضر الفرح

someone in life يقول...

حرام عليك الراجل انجرح و ممكن يفقد وظيفته و طبعا اكيد هايدفع ثمن الاكل ده و احيانا بعض الطيارين دول بيشتغلوا بالفيسبا بتاعتهم مش بتاعة المحل .. قدر الله و ما شاء فعل كلنا بنبقي هانطق و بنشتم بس مش نكون اشرار جوا نفسنا هههه و لا يمكن انت مش بتحب البيتزا ففرحان انها وقعت .. تحياتي

!!! عارفة ... مش عارف ليه يقول...

عارف

أنت انسان ودا شيء جميل جدااا
وقصدي بكلامي دا المشاعر اللي كانت جواك دي طبيعية جدا والرائع هو انك قولتها لانك إنسان مش ملاك

ودا المهم في الدراما أنك تقدم ناس حقيقيين مش ناس مبيغلطوش كل واحد فينا جواه الخير والشر


تحياتي

mado80 يقول...

أستاذ راجي
ههههههه
طيب يا أستاذ راجي تقول إيه بقي علي سواقين الميكروباص اللي بيخلوا السواقه في شوراع القاهره شئ من المعاناه الحقيقيه
ده هما دول أصل المصايب كلها
بس تعرف أنا لو مكانك كان هايبقي إحساسي نفس إحساسك هههههههه

تحياتي ليك يا أستاذ راجي والف تقدير لشخصك الكريم

Cleo يقول...

******************************
وجدت الطيار وقد انبطح على الارض يبكى وقد سال الدم من ركبتيه واستقرت خوذته غير بعيد على طوار الطريق ، ودراجته النارية التى كانت منذ لحظات تهدر مسرعة طائرة بين السيارت قلبت على جانبها والشطائر والمعجنات ملقاة حولها
******************************

هذا من غضب الألهة :-)))

حنين.. يقول...

انا بردوا زى اللى علقوا كنت فاكره حضرتك هتزعل, بس لما نجى نفكر فيها هنزعل ومش هنزعل, هنزعل لما نفتكر المسكين السواق ,. يعنى الدراجه الناريه باظت وهو اتجرح واكل عيشه راح او مهدد انه يروح, ومش هنزعل اوى, او هنزعل بردوا, مش عا رفه, بس هو المفرود على اى سواق فى الدنيا يراعى ربنا ويسوق فى حدود المعقول والمفرود, يعنى مثلاا لو كان سواق الدراجه هو اللى خبط واحد ماشى على الطريق, واتمنى انى موقف زى دا كل السواقين يتعلموا منه, انا بتقهر اووى لما الاقى واحد راكب عربيه اخر........, والاقيه طاير فى الكل. ساعتها بقى بيبقى جوايا احساس لو قرب منه يقتله, وبحييك على مدونتك.. لانى اول مره ادخلها

Salwa يقول...

صريح يا راجي

أكيد وقتها كنت متغاظ منه

بس ياريت يتعظ

ويعرف إن المره دي جت سليمه

والخساره بسيطه

تحياااااااااتي

قطــــوف يقول...

يا ستار يا رب...
كنت افضل ان تكتم هذه المشاعر داخلك حتى الموت لكنها للاسف خرجت واللى كان كان
لا استطيع مجاملتك فقد اصابنى نوع من الحنق الشديد بعد قراءة رد فعلك الاخير الغير متوقع
واخيرا اقول لك ارحم ترحم
تقبل مرورى

قطــــوف يقول...

اسفة لى رد اخر على الاخت نعكشة والتى احتلت المركز الثانى فى التعليقات...
رايك كان جميل جدا واقدر روح المرح جدا بس بلاش نقع فى اخطاء فى الدين تودى بنا الى جهنم وبئس المصير دون ان نعى ما نقول
فهل تحولت تحية الله من السلام عليكم الى سلامون؟
هل يصح بالله عليكم؟
فمن سخط الله على العبد ان يقول الكلمة لا يعيها تودى به الى النار
اعاذنا الله واياكم جميعا منها ومن حرها
اعزك الله وان شاء الله لى زيارة اكيدة لمدونتك فقد اثار فضولى جدا اسمها

حسن ارابيسك يقول...

مساء الخير ياباشمهندس
على الفور تذكرت موقف لي مع أحد الطيارين ليلا وأنا داخل ضاحية المعادي عائداً لمنزلي وفي نهاية الطريق تقاطع ولأني ملتزم مرورياً نظرت يمينا ويساراً وإذ بي المح كابتن طيار منهم على فيزبا قادما من اليسار ولمعرفتي بطورهم هديت من سرعتي في نهاية الشارع وبداية التقاطع وإذ به يضرب لخمة وظن أنني ربما أقطع الطريق وإذ به كما صورت لنا مفروش فرشه وحشه على الأرض وما كان منه إلا انه وجه لي اللوم بطريقة سيئةوما كان مني إلا أن توجهت لبيتزا هت وأنا زبون عندهم وأعرفهم جميعابما فيهم السوبر فيزر وشكيته لهم وكان قد وصل وصممت على معاقبته بمعرفة مكان الإدارة ولكنهم تأسفوا ليه واستعطفوني وجابوه أمامي يعتذر..ولأني طيب فالمسامح كريم

ثانيا ذكرتني بفيلم تسجيلي تم انتاجه منذ سنوات وكان بطله عمرو واكب قبل شهرته والظاهر كان فتحة خير عليه

ثالثاً حينما أقود سيارتي والمح أمامي في الطريقأي دراجه بخارية أحاول ان اتقدمها ولا أجعلها امامي خوفا مني يحدث له شئ امامي ويجيب ليا نصيبه

رابعاً اللهم لا شماته ولا تشفي..في أحد أبداً
أسعدني موضوعك لإستفزاز الفضفضة بداخلي
تحياتي لك بكل ود
حسن ارابيسك

الباحث عن الحقيقة يقول...

صحيح انت صريح
واحييك على هذا الوضوح
انما بجد
انت يتخاف منك
ههههههههه
عموما هنعتبرها صدفه
بس عارف لو اتكررت
احم احم
كلام نعكشة قطع قلبي بصراحة
اتعظ بقى يا راجل اتعظ

nody_1987 يقول...

طب انت حقدت على الى راكب الفيسبا
طب ياترى الى راكب الفيسبا فى الحر
ما حقدش على الى راكب عربيه مكيفه

الطـــائر يقول...

فعلا إنت صريح

وأعني أنك صريح مع نفسك

ربنا يهدي سائق الموتسيكل

وطبعا كان لك حق تتغاظ :)

غير معرف يقول...

مرحبا أيها الشرير الجميل
صدقت يا صاحب التشفي
فكيف لهذا الطيار الذي أودع أمواله خارج البلاد في أحد بنوك البهاما أن يزعج المارة وسائقي السيارت الفارهة ناهيك عن السيارات المتواضعة
كيف لهذا المرفه المدلل الذي ينعم بهذه الحياة
وينام مغطى بفراشه الدافئ الوثير
أن يزعجنا بالموتو وتعرجاته
هذاالذي يجوب الطرقات وكأنه في سباق لتخطي الحواجز
أما كفاه ما يكسبه يوميا في بورصة القاهرة لأنه دائما ما يشتري أسهم حديد عز
معلون هذا المهمش الجاهل الذي ينتظر أن تكون له فرصة حياة في هذا العالم الطيب الجميل
يبدو أخي كاتب التدوينة أن هذا البائس قد أدمن أن يطير في الهواء ليبعثر معجناته ناهيك عن بعثرة كرامته
أم تراه يريد أن يحقق حلم قديم أن يكون سبايدر مان أو أي مان
تحياتي أيها الإنسان
ما أرحمك
وما أوسع قلبك
فليسقط العوام والمهمشون
ولتحيا بلاد الرحمة
التي تنال ما تستحق
zerooooo
خمسون عاما من السفر

راجى يقول...

some one in life
انا باحب البيتزا بس موش باحب جليطة الناس اللى بتوصلها للبيوت واعتقد انهم ممكن يكونوا اقل تهورافى السير

اشكرك على الزيارة والتعليق
وارجو ان تكونى مستقرة فى عملك الجديد

راجى يقول...

عارفة

انتى عارفة والله انتى فهمتى كلامى بالضبط زى ما كنت شاعر بيه
تحياتى وتقديرى

راجى يقول...

ماجد بيه

اهلا بحضرتك منور

وانا سعيد انك متفق معايا بس موش شايف اننا نتفق على الطيار الغلبان يكون منتهى القسوة؟
:))))
انا طبعا باهزر دول عاوزين ضرب النار لما يمرقوا جنبك ويوقعوا قلبك بعد الشر عنك
تحياتى

راجى يقول...

cleo

ايه ده فى ايه انا اقتبست حاجة من اجا ممنون وانا موش واخد بالى ولا ايه ؟
خلى الجماعة دول نايمين فوق جبل الاوليمب فى الطراوة علشان شوارع القاهرة مولعة نار

اشكرك على الزيارة والمداخلة بتاعت يوسف وهبى دى
ياللهول

راجى يقول...

حنين
اولا اهلا بيكى نورتى المدونة

وطبعا باشكرك على تفهمك لمشاعرى الشريرة
وارجو ان زياراتك تتكرر

تحياتى

راجى يقول...

سلوى

اهلا صديقتى العزيزة

اشكرك على رأيك المتعقل وياريت الجماعة اللى بيطيروا فى الشوارع يهدوا اللعب شوية الواحد اعصابه باظت

تحياتى واشكرك مرة اخرى

راجى يقول...

قطوف

اهلا بيكى واعتذر لكى لو كنت صدمتك بكتابة مشاعرى الشريرة بصدق كما احسست بها ولكن فى النهاية انا عندى مبرر وايضا ما كتبته مجرد مشاعر واحاسيس لم تترجم لافعال وقد عفى الله عن ما تحدثنا به انفسنا طالما ظل الحال كذلك
واود ان اشكر لكى صراحتك انتى فى التعبير عن رأيك بدون مجاملةوانا اتقبل رأيك بصدر رحب وبكل سرور
وادعو الله ان يرحمنا جميعا
وانتظر منك الدعاء لى وللناس بالهداية ورضوان الله

راجى يقول...

حسن بيك الفنان العظيم

طبعا كلنا نعانى من الشارع فى القاهرة وما يحدث فيه من جنون وطيش وتهور

واحب اشكرك على الزيارة والمداخلة

نورت وانست

راجى يقول...

الباحث عن الحقيقة

حاضر يا مولانا قد اتعظنا وتبنا الى الله
وادعو الله ان يصرف عنى نفسى وسوسة الشياطين

بس ايه رأيك فى نعكشة ؟ موش عسل وسكر ودمها خفيف ابقى روح مدونتها حتعجبك بجد
ياترى جاوبت على السؤال الفقهى الصعب اللى سالته على مدونتك ولا زوغت من الاجابة؟

راجى يقول...

nody
موش كفاية اللى بيعملوه وعلى العموم يومها ماكنتش مشغل التكييف

:))

فينك من زمان ؟ وحشتينى

راجى يقول...

الطائر

مممممممم

اسمك مخوفنى اوعى تككون بتركب موتوسيكل ولا فسبا

:)))

اشكرك على التعليق واهلا بك

راجى يقول...

غير معروف

اسلوبك رائع فى الكتابه هذه واحده
الثانية ان مشاعرى ملكى وانا احب ان اعبر عن ما يختلج فى نفسى بصدق
وقد تكون افكار شريرة وقد تكون غير ذلك فهى فى النهاية صادرة عن بشر يصيب ويخطيء والله غفور رحيم

الثالثة ولعلم حضرتك ذكرا كنت ام انثى انا عمرى ما اشتريت اسهم عز دول شوية اسهم بتوع المصرية للاتصالات وبعتهم خلاص وتوبه استثمر تانى فى البورصة
وبعدين عندى لحضرتك سؤال عن حكاية الخمسين سنة سفر انا موش اهم تقصد ايه

اخيرا لك التحية واشكرك على الزيارة

مع اصرارى يقول...

ايه الجمال ده
ده انت عليك عين تجيب ورا
وراا
ورا خالص
صدق اللى قال عضة اسد ولا نظرة اسد
عبارة باشوفها كل يوم على العربيات النقل
عاد ربك يسترها عاد
بجد انت جذاب وكفاية لأحسن احسدك انا وبص قدامك

مع تحياتى

عاشقه الفردوس يقول...

الصراحه حلوووووووه

ومش كتير بيقولها

بس بصراحه انا مع نعكشه

- اتعور و اتجرح ويمكن يكون اتصاب اصابات خطيرة
2- هيدفع تمن المعجنات
3- هيحرم يحاول يسرع عشن الناس ودة ممكن يوفقده وظيفته
4- ملوش ذنب غير انو نفسو يزود مرتبوا لو عمل طلبات اكتر
5- ملوش ذنب ان المرور في مصر فاشل
6- ملوش ذنب ان الموتور سيكل او الفيزبا او العجلة ممكن تخترق العربيات الواقفة
7- معملش لحد حاجة وحشة دة بيحاول يجيب للناس حاجة تفرحهم و تسد جوعهم



علي فكره انا متابعه حضرتك من زمان

بس كنت متوقه الفتره اللي فاتت دي

السلام عليكم

موناليزا يقول...

لاحول ولا قوة الا بالله
واهى دى نتيجة السرعة الجنونية
احترم صراحتك والومك عليها فقد اخذ عقابه سريعا فلماذا التشفى ولماذا لانكون سبب لانقاذه

ahmed saker يقول...

السلام عليكم
اعتقد انه مهما كان برده الواحد لازم يزعل لما يشوف حاجة زي كده حتي و لو بعد حين
هو برضه مهما كان مجرد انسان مصري غلبان يعمل كساءق حتي و لو كان متهور فلا نفرح فيه عند حدوث امر سئ له
شكرا لك

بنت القمر يقول...

راجي
=====
:))))
بضحك علي التعليقات
وعلي قوة اعصابك في الرد عليها
يبدو ان المطلوب فقط
ان تتجمل وتتجمل وتتجمل...
ليس كذبا.. ولكن لتنال رضا الاخرين
!!!!!!!!
فلنقتلع عينيك
ولنحرق كيبوردك
لانك قلت ما في نفسك في هذا العالم الطيب النقي
تحياتي ايها الشرير الجميل
:))

wafaa يقول...

يا عينى ع السواق الغلبان
هيشيل الليله

osama يقول...

ههههههههههه بس انت متغاظ منه ليه بس ...... عشان الفطائر اطاليه يعني لو كان معاه فول وطعميه كنت رحمته...
بس انا والله بالأمس استفزني واحد شبيه بسبب اهماله وسرعته من امامي حتى كدت اصدم سيارة اخرى بسببه...

شعورك النهائي بالقطع لا استسيغه وان كنت اتبسم منه لأني كثيرا ما اصبت بمثله فقد وصفت شعور غريب يصيب الكثير منا ...
دمت بكل ود..
خالص تحياتي

مياسي يقول...

راجي

هون في الأردن موضة التوصيل بالدراجه الناريه جديده شويه احنا كل اللي عنا سيارات كيا و هونداي صغيرة الحجم و لكن

أحب أسلوبك في نقل انفعاللك الصادق و الحانق أحيانا على أشياء كثيره

تحياتي

سبهللة عالاخر يقول...

حاولت الغوص فى اعماق نفسى لابحث عن شعورى فى تلك اللحظة فلم اجد الا التشفى والسرور الشرير
=====
الواد كان هايروح فيها وسيادتك فرحان فيه؟؟
دة كلام يا رااااجى؟؟؟

Cleo يقول...

يا راجى دول مش بتوع جبل الأوليمب... دول كانوا كفار قريش فى فيلم هجرة الرسل باين.. بتاع ويييي شلت ذراعى!!!

واضح ان مالكش فى الأفلام السياسية خالص :-)

(green eyes) يقول...

مش عارفة ليه انا ملتمساله العذر !!!
يمكن لأني معنديش عربيه والموقف دا مواجهنيش .
او يمكن علشان حاسة بأهمية انه يوصل الطعام وهو سخن والا تعرض للسب .

tota يقول...

ايه الشر ده p:
سلامي ليك وكل الود

حمادة زيدان يقول...

راجى

انت طلعت شراني اوى ربنا يبعد عنك اى بني آدم طيار من هنا ورايح

عجبتني اوى الفضفضة او الخاطرة او القصة دي زي ما انت شايفها وأجمل ما فيها الشر اللي موجود فيها

تحياتي الابداعية

راجى يقول...

مع اصرارى

يعنى هو الطيار ده يتحسد على ايه بس والنبى
لكن ماشى مقبولة منك واشكرك على الزيارة والتعليق الظريف

كلام على بلاطة يقول...

مدونة جميلة اول مرة ازورها
تحياتى

راجى يقول...

عاشقة الفردوس

اهلا وسهلا بحضرتك

ونعكشة دى عملت لى قلبان ميزان بس معلش انا مسامحها
تحياتى

راجى يقول...

موناليزا

اهلا صديقتى العزيزة

والحقيقة انا موش بحب الجماعة الطيارين دول ابدا

لكن اعمل ايه الزحام بيخنقنى

راجى يقول...

احمد بك صقر

اهلا بك يا اخى فى اول زيارة

معلش سامحنى اذا كنت اعلنت ما فى قلبى نحو هذا الطيار التعيس

اهلا بك مرة اخرى ونورت

راجى يقول...

بنت القمر

شكرا ايتها الطيبة الجميلة على تعاطفك مع اخوكى المحتاس فى تعليقات الناس
:)))

راجى يقول...

وفاء

علشان يحرم

راجى يقول...

اسامة باشا شخصيا عندنا

يا مرحبا

اهلا بيك يا صديقى فينك من زمان ؟ معلش انا مقصر مع حضرتك جدا لكن كويس انك لسه فاكرنى

تحياتى القلبية

راجى يقول...

مياسى

عزيزتى اشكرك على زيارتك وتعليقك الشامى الجميل
سامع ان الاردن بلد جميل ، لينا قريبة عايشة هناك متزوجة فلسطينى من عيلة الشطى
اهلا بكى مرة اخرى

راجى يقول...

سبهللة

اهلا باشمهندسة

معلش خلاص حرمت سامحونى يا جماعة

راجى يقول...

كليو

انا باموت فى الافلام السياسية وخصوصا افلام اسماعيل ياسين
:))

راجى يقول...

كليو

انا باموت فى الافلام السياسية وخصوصا افلام اسماعيل ياسين
:))

راجى يقول...

green eyes

اهلا يا صديقتى العزيزة

اشكر لكى المرور والتعليق وانشاء الله تكون احوالك العاطفية مستقرة

راجى يقول...

tota
اهلا بيكى يا توتة
والله يا توته انا قلبى ابيض وموش شرير بس الظروف هى اللى خلتنى كده

موسيقى فيلم جعلونى مجرما

راجى يقول...

روح قلبى حمادة زيدان

ايوه كده شجعنى الناس كلت وشى يا جدع

راجى يقول...

كلام على بلاطة

احلى كلام

اشكرك يا صديقى

انا و صاحبى يقول...

ما هذه الروعه والله لو كنت اعلم ان هناك مدونه مثل مدونه حضرتك لكنت دخلتها من زماااااااان كلماتك رائعه تستحق الاعجاب .
احمد من مدونه انا وصاحبى
ارجو ان تنور مدونتى
http://anawesa7by.blogspot.com/

راجى يقول...

انا وصاحبى

اهلا بيكم انتوا الاتنين

نورتم وانستم