الجمعة، يونيو 20، 2008

الفردوس المفقود





الفردوس المفقود ليس الملحمة الشعرية لجون ميلتون عن غواية الشيطان لادم التى سببت طرده من الجنه ففقد الانسان الفردوس كنتيجة مباشرة لخضوعة لرغباته الحسية غير مدرك ان اللذة الهائلة التى شعر بها اول مرة لن تتكرر مرة اخرى وانها لا تدوم الا لحظات قصيرة


ولكنه ذلك المكان الذى يستقر فى خيالى ولا يبرحه الى ارض الواقع ابدا فى مدينتى التى اصابتها اللعنات فأصبحت كالرميم ،ففى خيالى حلم كل يوم ازداد ايمانا انه غير قابل للتحقق احلم بمكان صديق يألفنى وآلفه احبه ويحبنى اعيش فيه مع احبائى السعداء الاصحاء لا انام فيه الا قليلا واتمتع بسحر يومه وتلك الفترة الرائعة التى تمتد من بعد العصر الى مغرب الشمس ، تلك الفترة الضائعة على الدوام من حياتى صيفا وشتاء


واشكر الله على طبيعة عملى التى تقتضى السفر كل اسبوع ليومين او اكثر بعيدا عن القاهرة واجوب المدن من الصعيد الى الدلتا ومن سيناء الى الصحراء فلا آنس الا الى القليل من الاماكن و اصبحت اختار مدن بعينها كنقط ارتكاز ومنها تبدأ رحلات المعاينة الميدانية للمواقع التى تقع فى المحافظات المجاورة واعود اليها اخر النهار منهكا متربا اشعثا اغبرا جوعان ظميء


والاسبوع الماضى كان العمل فى محافظة الدقهلية فوقع الاختيار على مدينة المنصورة للاقامة وتحديدا فى فندق مارشال الجزيرة ولم تكن المرة الاولى لى فى هذه المدينة الجميلة ولكن زياراتى لها من قبل كانت ليوم واحد فلم اقع فى غرامها الا هذه المرة الاخيرة



ولست ادرى لماذا عشقت هذه المدينة وشعرت بالسعادة لوجودى بها لساعات قصيرة امتدت من بعد ظهر الاثنين الى صباح الثلاثاء



هل هو منظر النيل والحدائق من غرفة الفندق ؟ هل هو النسيم الرقيق اللطيف القادم عبر النيل ؟ هل السبب رقة وجمال موظفة الاستقبال؟ هل لذة الريش البتلو المشوية على الفحم هى سبب السعادة ام انتقل الى ذلك السرور من اهل المدينة مساء حين ترجلت الى الشارع الفاصل بين الفندق والنيل وكأن العيد غدا ، الشباب فى السيارات الحديثة وقد اطلقوا الموسيقى واغانى الحب يسيرون الهوينى والبنات الجميلات


على فكرة كل البنات


من سن 18 الى سن 25


حلوين بدون استئناء حتى الفلاحة اللى جاية من ورا الجاموسة فى السن ده بتكون حلوة


يتمشين فى مجموعات يضحكن ويتناقشن فى سعادة ؟ هل انتقلت لى السعادة من جمال محلات الملابس التى اصطفت على طول الكورنيش والتفت مع الطريق القادم بجوار الجامعة بجوار مطاعم الاكل السريع ؟ هل بسبب حفلة الزفاف فى الفندق التى امتدت حتى اذآن الفجر ومنظر العروس وهى ترقص مع صديقاتها وقد تحلق حولهم العريس واصدقائة ثم العجائز والشيوخ فى الدائرة الاوسع ؟



لست ادرى ولكنى شعرت باننى هذه البقعة من مدينة المنصورة نبع للسعادة والحبور وان من يمشى هناك يصاب بالسعادة ويضيف الى رصيد نبع السعادة سعادة فوق السعادة







هناك 37 تعليقًا:

أمل فتحى عزت يقول...

اسعدنى المرور بمدونتك وأتمنى لك التقدم والمزيد من الاهداف النبيلة


كما أدعوك لزيارة مدونتى والتى محتواها


تعالوا نسافر المسافات الى زمن من المحبة لاينتهى


كما أدعوك لقرأة قصتى


(بكل لغات العالم أحبك)

صباح الخير يا مصر يقول...

عين فى الجنة
**********
هل الاماكن هي ما تؤثر فينا؟ هل نحن الذين نعشق الاماكن؟ ام الحاله النفسيه هى الفيصل فى ذلك؟

الاجابه هى : كل ماسبق

تحياتى

!!! عارفة ... مش عارف ليه يقول...

تحية لعينك الثاقبة وقرائتك لكل التفاصيل بعين المتأمل

لقد أخذتني معك لتفاصيل المكان
وتلمست نسيمه


تحياتي

حمادة زيدان يقول...

استاذ راجي

فكرتني باحلي يوم في حياتي لما روحت المنصورة ... المنصورة على رأى الجماعة اللبنانين حبايبي "كتير مهضومة" عجبني اوى الشارع اللي كلوا نوادى من اوله لأخره ... عجبني اوى الكورنيش خاصة أنه كان معايا حد عزيز جدا على قلبي .. عجبني اوى كرم الضيافة من كل اصدقائي هناك

تعرف انا بقول ع المنصورة ايه !!!
بقول عليها بنت جميلة ... انا حاسس انها بنت شابة جميلة جدا

dodda يقول...

انا بموووت فى المنصوره
قغدت فيها سنه لاتى دخلت الجامعه هناك سنه وبعدين حولت...
بجد مدينه ايها سحرها..وملهاش زى
ربنا يرزقنا يالفردوس الاعلى اللهم امين

بنت القمر يقول...

راجي
=======
قد تكون الحاله النفسيه او ارتباط الزيارة بحدث ما
قد يكون موظفه الاستقبال الجميله او بنات المنصورة الحلوين
:))
سؤال فرعي طب فوقق ال25 جمالهم بينتهي!!
انا اسرة ابي اصلا من كوم النور دقهليه
لكنهم استقروا في القاهرة من زمن
وطبعا هذا يعني اي شيئ.. لم ازر المنصورة ابدا
ولكني احب طنطا وامر بها استراحه فقط او لزيارة اصدقاء
اكره البحيرة ةكفر الشيخ بعنف..
قد يكون ستايل الناس وطرق تفكيرهم
بجد اطيب ناس الطنطاويه
القاهرة.... قاهرة
الاسكندريه حضرتها بعد الزواج فقط مدينه السعاده والصفاء والتجدد
تحياتي
تعيش وتشوف وتتفرج

بثينــــــة يقول...

تلمس الجمال يأتي من الداخل غالبا
كن جميلا تري الوجود جميلا
كما قال إيليا
استمتعت برحلتك والوصف الرقيق
تحياتي

راجى يقول...

امل فتحى عزت

اهلا بك يا عزيزتى فى اول زيارة واشكرك على المجاملة

وقد قمت فعلا بزيارة احد مدوناتك وهى بعنوان يوميات وقرأت البحث الجميل عن اصل اللغة المصرية واعتقد ان هذه هى المرة الثانية التى احيط علما بهذا الموضوع المثير للجدل

اشكرك مرة تانية وتحياتى لكى

راجى يقول...

صباح الخير يا مصر

باشمهندس احمد ، اهلا بحضرتك

اسئلتك واجابتك منطقية وعقلانية

وانا اعتقد ان الاماكن لها تأثير كبير على الانسان بل وقد تشكل شخصيته كما تشكل الام شخصية وليدها

تحياتى ولك التقدير والود

راجى يقول...

عارفة موش عارف ليه

اشكرك يا صديقى على الاطراء والمجاملة

ولك منى التحية

راجى يقول...

حمادة

فعلا انا اتفق معك فى تشبيه المنصورة بالبنت الجميلة
وايضا هى شابه وعفية وفوق كل ذلك غنية
اشكرك واهلا بك على الدوام

واحده من أصحاب القمر يقول...

حاله جميله لمدينه لم اراها ولكنك اتحت لي ولغيري الفرصه لزياره المنصوره الجميله اثق في ان كل بلادي جميله وبنات المنصوره يشهد لهم بالجمال تحياتي لجميلات نشروا السعاده هناك وبالفعل كل الفتيات من 18 : 25 جميلات وكل الرجال ايضا لانهم يحتفظون بروح مرحه تحلق مع ابسط نكته الي اعلي نقطه في سماء القهقهات الرنانه وسر الجمال من 18 والي 70 سنه هو قدرتك علي الاحتفاظ بتلك الروح المشاغبه والضاحكه .
تحياتي
اميره جمال

راجى يقول...

dodda

اهلا وسهلا

بعد قراءة تعليقك وتعليق حمادة زيدان سكر زيادة ، تأكدت ان رأيى فى المنصورة ليس وليد انطباع سريع او حالة مزاجية عابرة
هى فعلا مدينة جميلة

على فكرة انا قرأت موضوع العمرة ولكن لم يتاح لى التعليق

ربنا يكرمك ويبارك لكى انتى وزوجك الكريم

وادعو الله معك ان يرزقنا الفردوس الاعلى انشاء الله انه قريب سميع مجيب الدعاء

راجى يقول...

قمر

اهلا بيكى منورة ومتألقة دائما

ملاحة البنات فى هذا السن من 18 الى 25 مثل بريق اللؤلؤ الخام فهى خاصية متعلقة بالسن ليس الا
اما من نضجت من بنات حواء فجمالها نابع من التجارب واحساسها بانوثتها فهى مثل الماس المصقول
وهذه اول مره اعرف انك كنتى قاهرية قبل الزواج، وربنا بيحبك انك انتقلتى الى مدينة من اجمل المدن ليس فى مصر فقط ولكن احسب انها من اجمل مدن العالم خصوصا فى السنوات الاخيرةولكن فى الشتاء فقط اما فى الصيف فهى خارج نطاق الجمال من تحت راس المصيفين
وانا اعشق الاسكندرية فى الشتاء بالرغم من الامطار والنوات واحب كل شارع فيها حتى فى مناطق كرموز او الجمرك او الورديان او بحرى او المنشية والزنقة
هل تعرفين ان هناك منطقة بجوار الورديان اسمها وادى القمر؟
لو كتبت عن الاسكندرية فسوف اسود صفحات وصفحات
تحياتى لكى وللاسرة

راجى يقول...

بثينة

اولا تعظيم سلام للزيارة الاولى وهذا شرف عظيم
تشكرات لحظرتكم افندم
:))
عبارة
كن جميلا ترى الوجود جميلا
هى الصوفية بعينها

اشكرك كثيرا على الزيارة والتعليق واحب اعبر لك عن اعجابى بمدوناتك الجميلة

راجى يقول...

اميرة صاحبة القمر

تعليق حضرتك جميل وفلسفى فى نفس الوقت
وانا اعتقد ان الروح لا تشيخ ابدا ولكن النفس التى اكل عليها الدهر وشرب يصعب عليها الاحتفاظ بتلك السعادة المتقدة زمنا طويلا الا من رحم ربى

اهلا بيكى يا اميرة سعدت بزيارتك

فارس بلا جواد يقول...

شرف لي أن يكون مروري الأول بمدونتك
أعجبتني الفكرة .. وأري أن الأماكن تترك بداخلنا شيئ ليس بسبب جمالها ولكن لأرتباطها بأيام أجمل
أما بالنسبة للأسلوب فأحييك علي الروعة في الكتابة والتمكن الواضح من اللغة
ويشرفني أن أدعوك لمدونتي وهي تشمل بعض أشعاري أتمني أن تنال إعجابك

appy يقول...

ايه ده انت كنت حدان فى البلد بتاعت امى هههههههههههههه
شوفت بقى عرفت لما قالوا ست البنات الامورة الاصل احلى من الصورة سالتها الحلوة منين قالت انا من المنصورة ههههههههههههههه
شوفت المعاناه اللى فيها انا امى المنصورة وبابا والدماغ اللى زى الحجر العريش اقطع نفسوياتى بقى
وايه من وراء الجاموسه ده دلوقتى بيروحوا الغيط لو فيه بيروحوا بالاسكوتر هههههههههههههه

Jana يقول...

الفترة الرائعة من العصر الى المغرب!!
أتخيل الجنة احيانا يتوقف فيها الزمان عند هذا الوقت ...حيث نسائم الجنة مع ضوء الشمس الهادىء وصفاء للحياة لا تدرك له مصدر

اعتقد ان من أفقده عمله مثلك بعضا من متع الحياة ..فسيجدها أحلى مذاقا فى الاخرة باذن الله
وان فقدت فردوسك فى دنيانا الزائلة ..فلا بأس
فالآخرة خير وأبقى

أنعم الله عليك بالجنة ورزقك الفردوس الأعلى

someone in life يقول...

اية الروعة دي !! دى روعة الوصف و لا المكان ؟ اعرف ان اهل المنصورة حلوين و تعاملت معاهم مرة في حدث اعلاني مع شركة تجميل بس جمال من غير روح للاسف يمكن حظي كان مع وشوش بلاستيك

فترة ما بين العصر و الغروب بتبقى حلوة قوي في الاماكن الساحلية اما الليل فهو تحفة في الصحراء

عموما انت اخدت جرعة جمال و سعادة ممكن تكفيك شوية

الله يجعل كل ايامك سعادة
تحياتي

نونو يقول...

اعترض
برضه فوق 25 لهم جمالهم
بقول ايه انا على اواب التلاتين ومعنوياتي بتقع مش ناقصة
اعرف اخوات من المنصورة ونحسبهم على خير
لكني عممري ما روحتها
بالنسبة لي ممكن اروح اي مكان صحرا ان كان او بستان واخليه في عيني انا جنة
اعتقد انا اللي بخلي المكان ياخد علي
الحمد لله على النعمة
ربنا يبارك فيك ويجعلم دوما سعيد
تحياتي وتقديري

مياسي يقول...

فكرة الفردوس شدتني

بحث الإنسان اللامتناهي عن السعاده المفقوده و حزنه لأنه لا يجدها

لما كنت في الخليج صادفت بنات من المنصوره كتير؛ و خرجت بانطباع انهم مشهورات بالجمال-بياض و عيون ملونه.

أما صديقتي التي زارت مصر مؤخرا؛ فقد قالت لي أنه في زيارتها إلى أسوان و الأقصر؛ لاحظت أن البنات الأسوانيات سمراوات و لكنهن أجمل من القاهريات بكثير


أسلوبك في الانتقال من سرد إلى سرد يجعلني أحيانا أقرأ المقال أكثر من مره حتى أفهم الفكره

تحياتي

osama يقول...

للأماكن روح .. تتآلف وتتنافر مع ضيوفها.. للأماكن كميا..
وللنسمات أنفاس تعشش في الصدور...
بتكتب بطريقة سلسلة.. وسطورك مفعمه بالروح...
دمت بكل ود..
خالص تحياتي

مع اصرارى يقول...

راقى
أنا حابب اناديلك كدة
عارف ليه؟
ما علينا
فعلا عين فى الجنة.
والمثير مش الجنة المثير هو العين نفسها
وعلشان نوضح ناخد النقيض
وبالمرة يمكن نضحك
زميل فى الشغل انتقادى جدا
ع الصبح جه يخنقنى وربنا وفقه وخنقنى
كان رد فعلى إنى قلت له هو وباقى الموجودين:
اهو الواد ده لو دخل الجنة مش هاتعجبه
هايقعد يقول القصور مش متمحرة كويس
والزعفران مخلى فى الأرض مطبات
والحور مكياجهم مش قد كدة
آم رد واحد تانى فزلووووك
مش عارف طلعلى منين هوة كمان
لااا. فى الجنة لازم الكل يكون مبسوط وسعيد دى فيها ما لا عين رأت
قلت له: حبيب قلبى ما أنا عارف
بس إنت لازم تعرف إن ربنا قال "ونزعنا ما فى قلوبهم من غل"
يعنى الواد ده لازم يتعالج قبل ما يخش الجنة.
ثم إن الجنة لما ربنا غير قلب سيدنا آدم خلاه واقف فيها ومش مبسوط أولا مكسوف من عراه لأنه بقى زيينا بيلتفت للحاجات دى ثانيا عاوز دورة ميه والجنة ما فيهاش كلام من ده ثالثا وده الأهم كان واقف خزيان من ربنا وهو ده الجحيم بعينه يعنى كان واقف فى الجنة وكأنه واقف فى جهنم مش هى دى الجنة؟

كلته يا راقى يا أخويا
علشان يبطل فزلكة

أما حضرتك فجنتك فى قلبك برضه طول ما انت بتبص بعين راقى
عين فى سوهاج
عين فى المنصورة
عين فى الجنة

خالص ودى

blackcairorose يقول...

حلو قوى يا راجى انه بتجيلك فرصة تزور حتت كتيرة فى مصر

انا بجد بتكسف لما اقول انى مشفتش الاقصر واسوان لحد دلوقتى والناس بتجيلها من العالم كله

ولا حتى سينا باستثناء شرم الشيخ زرتها مرة واحدة من فترة طويلة

اما المنصورة فدائما اسمع عنها، ويمكن انيس منصور اكتر كاتب كتب عنها بس كنت بقول لانه من اهلها يمكن مش موضوعى بس انت بكلامك بتأكد اللى دايما يقوله عن جمال هذه المدينة

وخالص التحية

راجى يقول...

فارس بلا جواد

الشرف كله لى يا صديقى بزيارتك لمدونتى
وقد زرت مدونتك واشعارك غاية فى العذوبة
تحياتى

راجى يقول...

ابى
اهلا وسهلا باخف دم
البنت من ورا الجاموسة صيغة مبالغة تفيد ان كل البنات حلوين

وانتى كمان حلوة وعسل

تحياتى

راجى يقول...

jana
انا ايضا ادعو لكى بالتوفيق والبركة

الله يبارك فيكى

اهلا بيكى وسهلا يا اختاه

راجى يقول...

some one in life
وانتى ايضا ربنا يجعل ايامك سعادة
اشكرك

راجى يقول...

نونو

ربنا يبارك فيكى وفى اسرتك
اشكرك

راجى يقول...

نونو

ربنا يبارك فيكى وفى اسرتك
اشكرك

راجى يقول...

مياسى
حقيقى انا اتفق معاكى ان البنات من النوبة ذوات جمال شاهق اخاذوانوثة طاغية
وقد لا تعلمى ان الناس فى مصر تعتقد ان بنات المنصورة جميلات لان الدم الفرنسى يجرى فى عروقهن جنبا لجنب مع الدم الفرعونى
متى تزورين مصر؟

راجى يقول...

العزيز اسامة

افتقدك من زمان

ولقد صدقت فالاماكن منها الصديق ومنها غير ذلك لاسباب غامضة

اشكرك على الزيارة والاطراء

راجى يقول...

مع اصرارى

اشكرك والله على الاطراء والمجاملة انت الاحسن

شرفت وانست وارجو دوام الزيارات

تحياتى

راجى يقول...

black cairo rose

غريبة انك ما زرتيش اماكن مهمة فى مصر زى الاقصر واسوان وشمال سيناء

المدن المصرية خلاف القاهرة كل واحدة لها مذاق خاص
كأننا شعوب كثيرة كل شعب يعيش فى مدينة
وطبعا المنصورة جميلة وبناتها حلوين جدا

اشكرك ولكى التحية

مياسي يقول...

راجي

أعرف هذه المعلومه؛ و أعرف أيضا أن هذا الاختلاط قديم؛ عائد إلى أيام الحمله الصليبيه على مصر

متى أزور مصر؟؟ لما ربنا يريد يا راجي مع أنو كتير بنفسي والله :)

راجى يقول...

مياسى

انا ارحب بكى فى مصر فى اى وقت
بس خليها فى الشتاء الجو فى مصر ادفأ من الاردن
تحياتى لكى وللاسرة الكريمة