الثلاثاء، مايو 06، 2008

دقيقة سكوت لله





استيقظت من النوم بسبب انقطاع الكهرباء فقد ساد الصمت فجأة فهببت جالسا فى فراشى ودوى فى اذنى صوت كالهسيس هو صوت الصمت الذى يطن فى الاذن جعلنى انتبه الى الكارثة الضوضائية التى تحوطنى من كل جانب فكأنى فى مركز كره وقد صوب الى كل انواع الضجيج من كل الاقطار ولا فكاك ولا هرب الا بالخروج من تلك المدينة المستهترة اللعوب
مدينة القاهرة فى معظم ارجائها لها صوت عدوانى صاخب يدفع للجنون فلا يوجد محل تجارى ولا سيارة ولا حتى بسكلته الا ويصدر عنها ضجة ما من نوع خاص فبالاضافة الى صوت المحركات لكل انواع السيارات والموتوسيكلات يشعر السائقين بالحاجة الملحة الى تشغيل الراديو بصوت عالى لاسباب مختلفة ترجع الى ثقافة كل سائق ، واشعر بالرعب كلما اقتربت منى سيارة يقودها احد الشباب وقد جهزها ب امبليفير واكواليزر وسماعات الباس فتنتقل الذبذبات الى اعضائى واشعر ان قلبى سوف يتوقف وان الصوت يخترق جمجمتى الى الجسم الصنوبرى فى الام الحانية او الجافية لست ادرى من مخيخى فيحولنى الى ثمرة قرع العسل المفرغة التى تضحك فى اعياد الهالوييين
ناعيك عن مواقع بناء العمارات ودق الخوازيق ( فى الارض وليس فى مكان اخر ) ومولدات الطاقة والاوناش ومواتير رفع المياه وازيز الطائرات لو كنت تسكن قريبا من المطار ونباح الكلاب طول الليل حتى مطلع الفجر ومعارك القطط اثناء اللقاء الحميمى او عند اقتتال الذكور وطبعا كله كوم وصوت الناموسة فى اذنك حاجة تانية رهيبة وانا اتوسل الى الناموس ان تشرب من دمى على كيفها بس بلاش ذن
واتكلم مع الناس فلا تستطيع يداى ان تحملا عبء تغطية الاذان ودفع الرزاز الصادر من فم المتكلم فى آن واحد فأختار ان امسح وجهى من الرزاز واترك طبلة اذناى لمصيرها المحتوم وهنا تستطيع ان تدرك السعادة التى يعيش فيها اصحاب الصمم لان عندهم القدرة على ايقاف جهاز السمع عن العمل والتمتع بالنظر دون السمع
ولولا انى اخاف ان تدهسنى السيارات فى الشارع لفعلت مثل الشباب الذين يضعون سماعات الموسيقى فى اذانهم طول الوقت منفصلين عن ذلك الجنون الصوتى
ولانى لا استطيع سماع الحوار الداخلى بينى وبين نفسى و هو الذى يحفظ توازنى العقلى
فيا اهل الدوشة دماغنا وجعنا دقيقة سكوت لله

هناك 37 تعليقًا:

غير معرف يقول...

realy i like your blog, full of life, comments, colours, and after reading what you wrot about yourself as wearing the crown{I don't know which crown} i found the answer of all this lifeness, at least there are still some people optimist i am not enviable but happy to find some one still alive, thank you.

ra7eel يقول...

والله معاك فعلا حق

وكله كوووووم وزنه الناموسه كوووم تانى خالص

الهدوء حاجه تانيه برضه

ربنا يرحمنا يارب

تحياتى لك

راجى يقول...

to whom it maybe a Secret admirer

thank you dear person for your kindness and needless to say that you can be alive too if you work hard eat less and have a quite night sleep
:))

راجى يقول...

سارة
ازيك وحشانى والله انا قريت البوست بتاع سلوى عنك وقد ايه انتى شخصية جميلة

مـ~ـاجدولين يقول...

(وانا اتوسل الى الناموس ان تشرب من دمى على كيفها بس بلاش ذن )

هههههههههههههههههه

اتحمل حر وبرد وزحمه الا زن الناموس وقت النوم


ماشاء الله عليك اسلوبك شيق

نادرا ما اكمل بوست لاخره الا معك

أنت كاتب ذكي

تحيتي لك

dr.Roufy يقول...

ابتسم أنت في القاهرة
:)
السنة الي فاتت سافرت لمكان هادي جدا لدرجة اني كنت باسمع صوت صفير الرياح بس
لكن الغريب اني ساعتها حسيت باحساس مختلف وعجيب
حسيت ان الصوت مش داخل لوداني
لا دا انا حسيت ان وداني طالع منها نخزون صخب رهيب بينتشر في المكان
بجد والله حسيت ان دماغي بتفرغ الدوشة لبره
احنا الظاهر بقينا مرضى الدوشة المزمنة يابشمهندس

tona يقول...

تعرف انا اكتر حاجه بتضايقني هي عدم مراعاة الناس لحريات ااخري لما بيمارسوا هما حرياتهم

يعني من حق اي حد يسمع اي نوع مزيكا يحب يسمعها في اي وقت بس مش المفروض انها توصلني

Cleo يقول...

أكتر حاجة مريحانى انى سيبت شغلى القديم، انى كنت بضطر يوميا أمشى من روض الفرج فشبرا فكوبرى اكتوبر فمدينة نصر لمدة ساعتين متواصل... كنت بوصل لمرحلة بحس انى عاوزة أرمى العربية فى وسط الشارع وفتحر الباب وأطلع أجرى وأنا بشد شعرى زى المجانين : "بااااااااااااااااااااااااااااسسسسسسسسسسسسس"

monaliza يقول...

فعلا دى مشكلة وخصوصا لمن يعشقون الهدوء فمابالك بقى بالناس العادية

الباحث عن الحقيقة يقول...

دقيقة حداد على السكون الذي مات
بخصوص الراديو العالى والموسيقى والسماعات هي الناس بتعمل دوشة عالية علشان تنسى الدوشة الواطعية
فيحسوا وكأن الدوشة دي شئ باختيارهم يعنى بمزاجهم
وبعدين دي مش دوشه دي موسيقى
يعني مفيش مشكله
شفت ازاى
خليك ريلاكس يا استاذ
قثا3نم3م433تببعخ5
لا ده شوية رذاذ وقعوا مني وانا بكتب
هههههه سلام

راجى يقول...

ماجدولين

اشكرك بشدة يا صديقى العزبزة على الاطراء والمجاملة
والحقيقة انك انتى التى تستحق الاطراء والاعجاب لمدونتك الجميلة

راجى يقول...

دكتورة روفيدا

اهلا بيكى ، وعلى فكرة يمكن الشيزوفرانيافى حالتنا يكون لها فايدة فى ان المخ بيكون مشغول بحاجات تانية وموش معبر الدوشة خالص
:)))

اشكرك يا صديقتى

راجى يقول...

tona

اهلا بيكى منورة المدونة ونهنيء انفسنا لعودتك للتدوين بعد غياب طال علينا

وطبعا اتفق معكى مائة يالمئة فى احترام حرية الاخرين

لكى التحية والود

راجى يقول...

Cleo
اهلا بيكى ايتها الصديقة العزيزة

وكان غيرك اشطر تغيرى مكان شغلك او مكان سكنك انتى فى عين الجحيم ومركز المعمعة طالما تعيشين وسط ثقافة الدوشة القاتلة
اشكرك ولكى التحية

راجى يقول...

موناليزا

ربنا يعافينا ويصرف عنا الهم والبلاء المتمثل فى الضجة والضجيج
امين

شرفتى ونورتى

راجى يقول...

الباحث عن الحقيقة

هو انا حلاقيها من مين ولا من مين كفاية رزاز عشان خاطرى :)))

اشكرك وشرفتنا

بنت القمر يقول...

قد تحصل بسهوله علي غرفه بدون ازعاج او تستطيع تركيب ستائر عازله للصوت
ولكن كيف تحصل علي هدنه من صوت احلامك
واحزانك الذي يبدأ عمله اليومي مع اول بربشه لعنيك
ولا يصمت الا مع اخر برشه لجفونك قبل النوم تماما
*********
انا قلت انت خدت لك اوضه وصاله ايجار جديد في الفيس بوك ومش جاي تاني
((((:
كنت فين الفترة اللي فاتت
بحاول احب الفيس بوك بصعوبه وما زلت افضل التعرف هنا علي الناس
في التدوين بصورة اكبر واعمق واكثر تنوعا
بعيدا عن هات ورده وخد دبودوب وخش الجروب ده واطلع من الجرو ب دكهوا
(((:
ولا ايه؟؟

راجى يقول...

قمر

صح طبعا

والله مشغول على طول لكن طبعا باجى عندك فى المدونة بس ساعات موش بالحق اعلق

شكرا لكى وربنا يخليكى

mado80 يقول...

أستاذ راجي

إزيك يا أستاذ

هي بصراحه مشكله الدوشه دي مشكله ما لهاش حل صراحه

بس تعرف يا أستاذ راجي سعات لما بسافر البلد بفتقد الدوشه بتاعه القاهره الدوشه دي بقت دوشه محببه الي نفسي أو قد اكون اعتدت عليها مش عارف

بس صحيح كله إلا نباح الكلاب ومعارك القطط أثناء اللقاء الحميمي ههههههههه

تحياتي ليك يا استاذ راجي وألف تقدير لشخصك الكريم

المبدع الناقد يقول...

http://fekrety.blogspot.com/


أستاذي الفاضل
زر مدونتي رجـــــاء

nonoymm يقول...

السلام عليكم
بليغة كلمة اسمع صوت الصمت
ما احوجني الى بضع دقائق من الهدوء ازااااااااااي وانا عندي اربع عياااال مخلوطين بماء العفاريت
انا من عشاق التامل والتدبر في الخلق بهدووووووووووووووووووووء وبدون اي كلام
ربنا يارب يكرمني بس حتى ولو بربع ساعة
اعتذر عن تاخري في الزيارة
تحياتي

سمراء يقول...

فعلا هذه الضوضاء تمنع سماعنا الحوار الداخلي الذي يجعلنا نتوازن
ولكني اذكر حينما سكنت في منطقة جديدة خالية من السكان عندما كنت اسمع صوت سيارة او نباح كلب اهرع لانظر اليها من الشرفة ان هذه الضوضاء الخفيفة كانت تعني اني مازلت حية ارزق
بس مش لدرجة دوشة القاهرة
احييييييك
سمراء

someone in life يقول...

انا اعشق الهدوء احيانا لحد الصمت لكن هذا اصبح عزيزا جدا بخلاف الضوضاء بالخارج .. صوت ابني و يتحدث الي كاني في العالم الأخر بينما انا اجلس بجواره و عندما انبهه يقول اعتدت علي ذلك في المدرسه فنحن لا نسمع بعضنا البعض
صوت ابن الجيران و هو يذاكر و صراخ والديه فيه ثم طريقه حفظه الغريبه بهستريا انا اسمع منهج ابني و منهجه يعني عندي ماجستير في الابتدائيه صوت التليفون في العمل يقتلني لا اعرف اين اذهب

مثلية فقط يقول...

التلوث السمعي , الإزعاج , عدم إحترام راحة و سلامة الآخرين ,,,, مسؤولية مشتركة و مسؤولية الحكومة و ثقافة مجتمع

هلأ أنا عايشة ببلد خليجي بحس فيه بأن إزعاج الآخرين جريمة حتى زمار السيارات ممنوع بدون سبب وجيه و ضروري لأنو إذا إتشكو عليك العالم بتخالفك الشرطة و ممكن يسحبو منك السيارة ,,, القطط و الكلاب بتشوفها في حديقة الحيوان بس ,,, في نظافة غير طبيعية الحشرات و الناموس بتحس إنك عم تفتقدها ,,,, رغم أنو معظم يلي هون عرب من كل الجنسيات و هنود بس ما في حدن بيرفع صوتو على الثاني ,,, إذا إتسبب الواحد في مشكلة بالشارع أو بالشغل ممكن يترحل على بلدو و تلغى إقامتو دغري ,,, العالم هون بتلجأ إلى القانون فورا بس تتصل على الشرطة بتلاقيها قدامك و بتجيبلك حقك بإحترام

بتمنى كل البلدان العربية توصل لهيك مستوى و تعرف قديش راحة الناس و إحترامهم مبدأ أساسي

الله يعينك
خالص تحياتي

على باب الله يقول...

سواقين التاكسي و العربيات اللي مشغلين الراديو علي أعلي درجة قرفانين زيك بالظبط من الدوشة .. بس هما بيحاولوا يحاربوا الدوشة بدوشتهم الخاصة

حاجة كده زي لا يفل الحديد إلا الحديد

و الأهلي حديد

---

راجى يقول...

ماجد بك

الدوشة دى زى ما تقول كده بتعمل ادمان عند بعض الناس
لكن فعلا جرب تبعد مدة طويلة عن القاهرة وحتحس بالفرق
اهلا بك بعد مدة طويلة حرمتنا فيها من انسك

راجى يقول...

المبدع الناقد

اهلا بحضرتك شرفتنا
انا فعلا زرت مدونتك وعلقت على البوست الاخير
بس انا عاوزك تركز ، يا اما تكون مبدع يا اما تكون ناقد

على العموم اهلا بيك ومنتظر زياراتك المستقبلية

عاليا حليم يقول...

اكتر ما عجبنى فى البوست تشبيهك للقاهرة بالمدينة المستهترة اللعوب .. صحيح احنا يا ولادها معندناش نخوة و لادم عشان سايبينها لعوب

هههههههه

خالص تحياتى

راجى يقول...

nonoymm

الاخت عاشقة النقاب
اهلا بحضرتك ، حصلت البركة
على فكرة همسة عتاب " حرام تقولى معجونين بمية عفاريت " هو تعبير دارج لكن خدى بالك
واهلا بيكى وادعو الله ان يخلصنا من الضوضاء

راجى يقول...

سمراء

اهلا اهلا اول زيارة وارجو الا تكون الاخيرة
اشكرك على التعليق
ومتفق معاكى ان قليل من الصوت يعنى الونس و عدم الوحشة ولكن القاهرة دى كارثة سمعية

راجى يقول...

someoneinlife
الاشخاص الذين لديهم حس مرهف يتعذبون اكثر من غيرهم بما يدور حولهم
اما الذين قد تبلد شعورهم بالضوضاء الصارخة فلست ادرى اهم محظوظون ام موتى يسعون كالاشباح

راجى يقول...

مثلية فقط

ياروحى على اللهجة الشامية ، اخر دلع

اهلين فيكى لاول زيارة ، كلامك مهضوم كتير

راجى يقول...

على باب الله

طبعا الاهلى حديد بس ياريت تكون عندك الشجاعة تقولها لنسرين بسيونى

شرفتنا ياباشا

راجى يقول...

عاليا

ايوه كده واضح ان روحك المعنوية مرتفعة وانا سعيد بكده

اهلا بيكى واشكرك على التعليق

osama يقول...

ربما هي خاصية عامه في كل عاصمة، لكن وصفك جعلني استشعر بالفعل ان عاصمة المعز لها خصوصيه ولها صخب مختلف ، ولها شكل خاص وصدى مغاير للمدن الأخرى...

هي ثقافة العشوائية اذن .. وفقدان الحس الجمالي في شعب بات الفن بالنسبة مرحلة ما فوق الترف والاسراف فيه حتى...
دمت بكل ود..
خالص تحياتي

راجى يقول...

عزيزى اسامة

صدقت فنحن نعيش ثقافة العشوائيات وسقوط الجمال

لك التحية والتقدير

مياسي يقول...

يعني هيك لما بلش عندك سكون

صرت تعاني من "ضجيج الصمت"؟؟؟

المدنيه دمرت إحساس الإنسان بالجمال و الهدوء

صار الصمت غريب مش الإزعاج :)