الأربعاء، مايو 14، 2008

عام 2018 ميلادية


جريدة الغروب

مدينة ليماسول / جزيرة قبرص – افاد مراسل الجريدة ان الاجتماع المطول الذى عقد بين الفرقاء المتحاربين فى مصر قد انتهت جلسته الختامية بعد ظهر اليوم السبت الموافق 30 يونيو 2018 ، نهاية مأساوية حيث اشتبك ممثلى اطراف النزاع بالايدى وطارت الاحذية فى الهواء وتم نقل الجرحى الى مستشفى المدينة و من بينهم امرأة فى العقد الرابع وقد طعنت بسكين فى صدرها فى حالة حرجة وطفل فى الخامسة من عمره وقد داسته الاقدام


وكان على رأس جدول اعمال المؤتمر مناقشة اقتراح هدم السد العالى جنوب مدينة اسوان بعد انقطاع مياه الفيضان عن بحيرة ناصر نتيجة مباشرة لبناء السد السودانى عند مدينة وادى مدنى على النيل الازرق وكذلك لضحالة المياه فى البحيرة بعد سنوات طويلة من الاطماء فى قاع البحيرة مما ادى الى توقف توربينات توليد الكهرباء وجفاف مجرى النهر شمال مدينة اسيوط

وكان الوفد الذى يمثل الطائفة الشيعية فى مصر التى تسيطر على شرق الدلتا والذى كان على رأسه الملا خزام قد عرض اقتراح هدم السد العالى مهددا الام رفقة بنت مجلع اسقف كاتدرائية سوهاج ورئيسة الوفد الذى يمثل الاقباط فى الاجتماع بمنع صادرات الصعيد من قصب السكر وسجاد اخميم من عبور المناطق التى يسيطر عليها الشيعة فى الشرق للوصول الى الموانىء الشرقية وعبور قناة السويس فى حالة رفض الاقباط هدم السد العالى الواقع تحت سيطرة الاقباط الذين قد استقدموا مرتزقة من الاحباش المدربين على خوض الحروب المفتوحة للدفاع عن منطقة الصعيد الممتدة من اسوان وحتى اسيوط

ومن الموضوعات التى طرحت للمناقشة فى الاجتماع سبل مواجهة التهديد الفلسطينى شرق قناة السويس ومن المعروف ان الاسرائيلين قد فشلوا فى الدفاع عن ديموجرافية دولة اسرائيل فى مواجهة خصوبة النساء الفلسطينيات التى حسمت المواجهة لصالح الفلسطنيين الذين يكثرون من زيت الزيتون فى وجبات الطعام بالاضافة الى شرب لبن الماعز ، ما ادى الى ذوبان الشعب اليهودى فى بحر السكان العرب الذين استغلوا ضعف الحكومة الامريكية بعد موجة الاعاصير والفيضانات التى ضربت السواحل الشرقية والغربية ووسط الولايات المتحدة فدمرت الاقتصاد القومى الامريكى تماما وقاموا بهدم الجدار العازل واقتحام المستوطنات اليهودية والقبض على عمرى شارون رئيس الوزراء الاسرائيلى بينما كان فى غرفة نومه يقرأ تقريرا طبيا يوصى بفصل اجهزة التنفس الصناعى عن ابوه اريل شارون الذى مازال فى غيبوبته فى المستشفى العام بالقدس ، كما استغل الفلسطينيين تقسيم مصر بين الفرقاء المتحاربين ليسرعوا بالسيطرة على شبة جزيرة سيناء مهددين بعبور قناة السويس الى الغرب ليجدوا مساحات جديدة من الارض للاعداد المتزايدة من الفلسطينيين الذين لايجدوا منفذا للتوسع شرقا بسبب رفض الحكومة الحجازية التى سيطرت على امارات الخليج وشرق الاردن فى مملكة فتية قوية تعتمد على الطاقة النوويه من مفاعلات بنتها لهم الخبرة الايرانية بعد جفاف ابار البترول

ايضا كان على طاولة البحث مناقشة عزلة الاغنياء من الطائفة السنية الذين يسيطرون على شمال وغرب البلاد وبنائهم لسور خرسانى مكهرب يفصل بينهم وبين المناطق الفقيرة فى شرق وجنوب البلاد وهم قد استقدموا فلاحين من نيوزيلاندا واستراليا يعملون فى حقول الكيوى التى يصدرونها الى اوروبا عبر الموانىء التى يسيطرون عليها على البحر المتوسط وكان مدرجا فى اجندة المؤتمر ضرورة نزع الاسلحة التى زود بها السنيون طائراتهم الهليكوبتر التى يراقبون بها الجدار العازل حول المنطقة الشماليةو حقول الكيوى واطلاقهم الصواريخ والرشاشات الثقيلة على المتسللين من الاقباط والشيعة مما دعا السيد ميمى السيوفى رئيس الوفد السنى واجميع اعضاء الوفد المرافق الى اخراج القنابل اليدوية من حقائبهم ووضعها على مائدة المفاوضات الذى وصف بأنه استعراض لقوة الطائفة السنية

ومن المتوقع استمرار حالة التوتر بين الميلشيات المسلحة التابعة للمناطق المقسمة على اثر فشل المؤتمر الاخير فى التوصل الى ارضية مشتركة ومن المرجح عرض المسألة المصرية برمتها على المجلس العالمى بمقره الدائم فى مدينة شنغهاى الصينية فى الشتاء المقبل وذلك بعد تدمير العواصف لمبنى الامم المتحدة بنيويورك



هناك 54 تعليقًا:

مـ~ـاجدولين يقول...

استشراف للمستقبل يخوف ..

يارب يطلع الجيل الجاي أذكى منا ويقبل الاخر ، المصيبه لو ورث مننا سيئاتنا فقط !!!!!!

بنت القمر يقول...

راجي
شوف بما أنك اخترت سنه 2018
وده توقيت قريب فأنا اؤكد لك وربنا يديك ويديني طوله العمر والصحه{عشان العيال بس}
التوقيت ده ويمكن قبله كمان مصر مهددة حتما واكيد بحرب طائفيه اكيد ممكن حكايه الشيعه دي تتأجل شويه لكن البهائيين والشواذ بقوا ظواهر تخوف!!
عماله بتزيد
الفلسطينين وذويان اليهود يسمع منك ربنا بس مش بسرعه كده لسه شويه
الخليج اكثر استقرار منا مش ها يحصل فيه حاجه ال50 سنه الجايه طول ما فيه بترول وامريكان تحرسه
عموما شكلك بتميل الي ان مصر رايحه في اتجاه السيناريو اللبناني
اعتقد مش بنفس التفاصيل لكن في نفس الاتجاه ولاحظ ان الطايفه السنيه دي ملاحده وعلمانيين ووسطيين ويساريين واخوان وعمرهم ها يجتمعوا في سله واحده
!!
تحياتي
نقصه انا اصلي شويه تفاؤل
(((:

Cleo يقول...

الحرب الأهلية لو قامت فى مصر هتقوم بين السنة المعتدلين - أقباط البابا شنودة - القرآنيين - الشيعة - أقباط البابا ماكسيموس - بدو سيناء - النوبيين - المطاريح (سكان مطروح)

حتى لو اختلفت المسميات فالمشكلة قادمة قادمة لا محالة...

أما بالنسبة لذوبان إسرائيل (إياكش تذوب فى برميل مية نار)فهو أمر مستبعد تماما لإغسرائيل لن تذوب إلا فى هرمجدون المذكورة فى جميع الكتب السماوية والتى سيبلى فيها مسلمون... رجال.. صدقوا ماعاهدوا الله عليه وستكون لهم الغلبة ان شاء الله.. وبالمناسبة.. أنا لا أؤمن أن هؤلاء المسلمين سينتمون للعرب ولا العروبة إلا بالنذر القليل... يعنى ممكن مسلمين إيران والشيشان مثلا.. لكن العرب؟؟ إنسى يا عمرو

Hook يقول...

د. أحمد خالد توفيق كان ليه رواية اسمها يوتوبيا...تتحدث عن مستقبل مشابه

بنت القمر يقول...

اه افتكرت بما أني عايشه علي الساحل الشمالي......... وسنيه!!
ها اعتقد اني ها يبقي عندي هليوكوبتر ومزرعه كيوي؟؟
يسمع منك ربنا
( (:
وليك ساعتها صندوق من اول المحصول
تحياتي

عين فى الجنة يقول...

الصديقة العزيزة ماجدولين

فعلا ما يحدث حاليا لا يبشر بمستقبل واعد
والذكاء غير كاف وحده لدفع الشر بل قوة الاخلاق
شرفتيى وانستى

عين فى الجنة يقول...

قمر

طبعا هذه رؤية مستقبلية لحالة مصر بعد عشر سنوات فقط وكما لاحظتى هى مدة قصيرة نسبيا تتيح لى لو مد فى عمرى مشاهدة ما تنبأت به رجما بالغيب
والرؤية تعتمد على قراءة للواقع واتجاه سير الاحداث التى تنبىء بانهيار سيطرة القبضة الحديدية للحكومة المركزية ، كما تشوبها افكار تعتمد على التمنى
wishful thinking
تتعلق بالصراع الفلسطينى الاسرائيلى وقد تلاحظين انى لم اتنبأ بهلاك اليهود فقط تنبأت بذوبانهم فى الكتلة البشرية الفلسطينية سريعة التكاثر
كما تنبأت بنهاية الاسرة المالكة السعودية وقيام دولة حجازية تضم دول الخليج واليمن وهى متصالحة مع ايران الشيعية ما يؤدى بالضرورة الى زيادة النفوذ الشيعى فى مصر التى تشهد حاليا تبشيرا شيعيا قويا
وطبعا لما تحصل مأساة التقسيم حاخد بعضى واهاجر على مزرعة الكيوى الخاصة بيكى بس ماتنسيش توصى طيار الهليوكوبتر ما يسوقش بسرعة

عين فى الجنة يقول...

قمر
دائما الظروف بتغير التحالفات فاعداء اليوم قد يصبحوا اصدقاء الغد وهذا حاصل فعلا على الارض فى الواقع
فالطائفة السنية التى تحمل كل الوان الطيف التى ذكرتيها ممكن تتحالف امام عدو مشترك
تحياتى واشكرك على ان الموضوع عجبك بالرغم من الخلفية التشاؤمية

عين فى الجنة يقول...

cleo
اتفق معاكى فى ان الحرب الاهلية لو قامت لن تترك طائفة او فئة الا وطالتها المهم هنا التحالفات والمصالح المادية التى سوف تحدد خطوط التماس على الارض
اما اسطورة هرمجديون فهى مسيحية الاصل عن الحرب النهائية بين الخير والشر وانتصار الخير قبل يوم القيامة
اما فى الاسلام فالوضع يختلف ، فمن علامات الساعة عودة السيد المسيح وقتله للدجال
عموما انا اتنبأ ( رجما بالغيب ) وكما قلت لبنت القمر هو نوع من ال
wishful thinking
بذوبان اليهود وليس هلاكهم فى الجموع البشرية الفلسطينية سريعة التكاثر
اخيرا،،،،،عندك جزئية جميلة عن نهضة الاسلام لن تكون على يد ابناء العرب المستسلمين ولكن قد أتى من مسلمين اسيويين او حتى اوروبيين او امريكان
ولكى الشكر

عين فى الجنة يقول...

hook
للاسف لم اقرأ الكتاب الذى ذكرته حضرتك

ولك منى التقدير

على باب الله يقول...

قريت رواية يوتوبيا لأحمد خالد توفيق ؟

---

نفس النظرة التشاؤمية و التوقع الكارثي للمستقبل .. و إن كان بيتنبأ أن الحالة ها تسوء جداً لدرجة يختفي معها كل أشكال التعصب الديني

يعني نظرة من عينة .. كل ما يمكن أن يسوء سيسوء بأكثر شدة

----

الغريبة أنك - علي ما يبدو - من جيل الحلم العربي , و نصر أكتوبر و أفيون الوحدة العربية

اللي كنت بعتقد أن عندهم شوية أمل و ميل للتفاؤل

أمال الشباب بتوع جيل البانجو و فتاوي الفضائيات يعملوا أيه ؟

عاشــــــ النقاب ـقــــة"نونو" يقول...

السلام عليكم
لا والله باذن الله خير فاستبشر الخير
ارى ضعف في الحكومات لكن الخير موجود في شبابنا هناك الكثير منهم واعد واعي
ولا تنسى ان ا امة محمد صلى الله عليه وسلم موعودة بالنصر
فقط نأخذ بالاسباب وكل منا يتقي الله في نفسه وفي اهل بيته فان الله لا يغير ما بقوم حتى يغيروا ما بانفسهم
والدعاء والتماس رضى الرحمن وكثرة الاستغفارويارب خير
لا انكر اني كثير برضه اياس لكن سرعان ما اتذكرما عاناه رسولنا الكريم لنشر رسالة رب العالمين فايقن ان ما نحن فيه ليس كما عاناه
فتمسك بالامل وقول يارب
تحياتي

سلوى يقول...

الذين استغلوا ضعف الحكومة الامريكية بعد موجة الاعاصير والفيضانات التى ضربت السواحل الشرقية والغربية ووسط الولايات المتحدة فدمرت الاقتصاد القومى الامريكى تماما وقاموا بهدم الجدار العازل واقتحام المستوطنات اليهودية
عجبتني قوى
بس لسه كتير قوى

عموما خلينا متفائلين

لك تاج عندي
ياريت تقبله
دمت بكل الخير

سمراء يقول...

ان هذا هو المتوقع فعلا وفي خلال 10 سنوات فعلا
وهذا ما لا نتمني حدوثه
وعلينا اتخاذ التدابير لمنعه
ولكن هل سنتخذها؟
هل ستلد مصر الفارس؟
سمراء

Unknown يقول...

شو هالسيناريو الخطير هاد؟؟؟

مصر شيعيه و ما في أردن؟؟

هيك زعلتني منك يا راجي!!!

هو إذا هاد الشرق الأوسط الجديد فالله يكون بعوننا

dodda يقول...

انا لله وانا اليه راجعون
حنخاف من ايه بس ياجماعه
المستقبل بايد ربنا واحنا ما علينا الا الدعاء الخالص

ربنا لاتؤاخذنا بما فعل السفهاء منا!!!

dodda يقول...

انت نسيت حاجه مهمه
فى خلال نفس الهشر سنين دول البحر المتوسط حيرتفع بسبب الاحتباس الحرارى اللى بيدوب الجليد فى القطب الشمالى..
لا حيبقى فيه اسكندريه ولا ساحل شمالى ..
ولا قرى سياحيه ولا مارينا!!
والدلتا حتبقى هى اللى على الساحل!!
يعنى مفيش زراعه!!!
يبقى عكت..يبقى نسيبها لله

mohandsmasry يقول...

هو السيناريو المتوقع ممكن يكون فيه شوية اختلافات زى انقطاع المياه عن السد العالى نتيجة انشاء خط مواسير يحمل نصف كمية مياه النيل لتغذية الدولة الاقوى فى المنطقة وهى اسرائيل يمتد من شمال السودان حتى اسرائيل يخترق الصحراء الشرقية فى منطقة عرضها خمسون كيلومترا تحت السيادة الاسرائيلية اشترتها اسرائيل من حكومة الحزب الوطنى بثمن رمزى قدره واحد شيكل للكيلومتر الواحد وتقوم على حراستها قوات امريكية ودولية مزودة باحدث مافى الترسانة الامريكية والاسرائيلية من اسلحة للحفاظ على الخط من الميليشيات المتناحرة فى الدويلات المصرية التى طحنتها الحروب الاهلية التى بدأت اولا بين طبقة المعدمين اللى بلغت نسبتها 85% من تعداد الشعب المصرى والطبقات الاغنى والتى سرعان ماتحولت الى العديد من الفرق المتنازعة مثل فرقة الاصوليين وفرقة الملحدين والفرق القبطية وفرقة العمال وفرقة الفلاحين كما اعلنت محافظات عديدة استقلالها وتكوين دولتها المستقلة مثل محافظة الوادى الجديد ومحافظة دمياط بس السيناريو ده ممكن يبتدى قبل التاريخ المحدد ده بكتير تحياتى

dr.Roufy يقول...

ياساتر يارب
كلام مرعب بجد
ورغم انه ليه اُسس من الصحة والتمهيد
لكن مش عارفة ليه دايما جوايا احساس اننا مش هانوصل للعنة دي
هو صحيح احساس مالوش سبب, بس مونسني شوية
ربنا يستر بجد يابشمهندس..ويلطف بمصر وبأهلها

ذو النون المصري يقول...

سيناريو مستقبلي اتمني ان لا يحدث ابدا

blackcairorose يقول...

كلام كبير قوى ياراجى

انت عارف ايه اللى مخوفنى اكتر من كده؟

انه تيجى سنة 2080 ونلاقى نفسنا
لسه بنشجب اسرائيل
ولسه بنطلع تصاريح
ولسه بنطالب بالديمقراطية
ولس العرب متخانقين
ولسه الغلاء مسعور

وشكلها كده ان هو ده السيناريو

غير معرف يقول...

بس تفتكر منيو الخمسة هايفضل بخمسة؟

موناليزا يقول...

تصدق انى فى الاول اتخضيت ومصدقتش الكلام وبعدين قريت تانى واخيرا انتبهت للعنوان
"بشروا ولاتنفروا"انا بقى متفائلة خير مش عارفة ليه بس اهو احساس

عين فى الجنة يقول...

على باب الله

انا باعتبر نفسى رجل لكل العصور موش حااوقف تفكيرى عند مرحلة الستينات مع انها فى رايى الاجمل

وعلى فكرة السيناريو اللى عندك ده يعتبر متفائل جدا جدا

اشكرك

عين فى الجنة يقول...

عاشقة النقاب

اللهم اصلح احوالنا والهمنا الصبر
والامل دائما فى ان الله مع المؤمنين

تحياتى

عين فى الجنة يقول...

سلوى

التمسك بتقوى الله خير معين على نوائب الدهر
الصبر الصبر الصبر حتى يعجز الصبر عن الصبر

التاج حاضر حاشوفه واشكرك على تمريره لى
لكى التحية

على فكرة عاوز اتعلم منك الرسالة التى تظهر عند دخول مدونتك بتعمليها ازاى يا عفريته؟

عين فى الجنة يقول...

سمراء

اشكرك على التعليق

وارجو من الله ان يحفظنا من كل شر

لكى التحية والسلام

عين فى الجنة يقول...

مياسى

دخيلك ما تزعلى ع الاردن عليم الله هادا سيناريو فانتازيا

اشكرك على المداخلة الجميلة

عين فى الجنة يقول...

dodda
البحر ياكل الساحل الشمالى ؟؟؟؟ يا نهار !!! اوعى بنت القمر تسمعك هى عاملة حسابها على مزرعة كيوى
:)))

عين فى الجنة يقول...

مهندس مصرى

الله الله الله ايه ياعم الاستراتيجيات الجامدة دى كلها
طبعا ما انت لابد فى الصعيد وشايف كل حاجة عندك

ازيك واحشنى ابقى عدى يا باشمهندس

عين فى الجنة يقول...

دكتورة روفيدا

يسمع منك ربنا والبلد تفضل امنة مطمئنة

ايه اخبار الامتياز؟؟؟؟

تحياتى

عين فى الجنة يقول...

ذو النون

طبعا انا لااتمنى اى شر للناس ولكن الواقع مرعب
تحياتى

عين فى الجنة يقول...

blackcairorose
تفتكرى فعلا ممكن الزمن يتجمد المدة الطويلة دى كلها؟ على العموم ده رأى فوكوياما اننا نشهد نهاية التاريخ

تحياتى يا صديقتى

عين فى الجنة يقول...

blackcairorose
تفتكرى فعلا ممكن الزمن يتجمد المدة الطويلة دى كلها؟ على العموم ده رأى فوكوياما اننا نشهد نهاية التاريخ

تحياتى يا صديقتى

عين فى الجنة يقول...

غير معروف

منيو الخمسة حيفضل بخمسة بس حيكون تخيلى
virtual

عين فى الجنة يقول...

موناليزا

انا باصحى النايمين على ودانهم وموش دريانيين باللى حاصل

اشكرك على المداخلة

أم أحمد المصرية يقول...

ابدي اعجابي بموهبتك في الفكر و الصياغة لكن رافضة اصدق ان مصر ممكن تبقي كده و ادعو الله انك تكون غلطان و لو ان الناس محتاجة تصحي

مي بهاء الدين يقول...

إزيك يافندم

معلش أنا رأيي عكس الناس شوية
متهيألي إن البوست ده متفاءل بزيادة
حضرتك شايف ان ده بسسسسسس اللي هايحصل؟
يا أستاذ راجي التدهور في كل فتفوتة في الوطن بيسير بسرعة الضوء
الواحد حتى مش ملاحق على البلاوي ومش عارف يستوعب ايه ولا ايه
المهم انت عامل ايه؟
:(

Unknown يقول...

فانتازيا؟؟!!!

ما أظنش يا راجي انو فانتازيا و بس

بس حلو جدا عن جد عجبني:)

Unknown يقول...

انت ذو نظرة مستقبيلة مبعدية هزلية مأساوية ثاقبة

Ahmed Kamal يقول...

راجي

عجبتني جدا مدونتك و أسلوب عرض الأفكار ، إن شاء الله أتابع دائما :)

تحياتي

عين فى الجنة يقول...

ام احمد

اهلا بيكى واشكرك على اول زيارة وعلى المداخلة

عين فى الجنة يقول...

مى بهاء

يانهار ابيض !! انا طلعت متفائل جميل جدا
ربنا يستر علينا
ازيك يامى ايه اخبارك

عين فى الجنة يقول...

مياسى

اشكرك يا صديقتى وارجو تكرار الزيارة تجدوا مايسركم انشاء الله

عين فى الجنة يقول...

عاليا

اشكرك ياصديقتى على الاطراء

قوس قزح يقول...

يعنى اللى هيقدر على امريكا الكوارث الطبيعة مش حد تانى :(

منظمة الفاو فى اخر اجتماع لها دخلت مصر الدولة رقم 23 من الدول المتوقع لها المجاعة فى خلال 10 سنوات


حضرتك متفاءل و يارب تكون انت صح

تحياتى

عين فى الجنة يقول...

باشمهندس احمد كمال

اشكرك يا سيدى على زيارتك ورايك فى المدونة

ارجو دوام الحضور ولك منى التحية وخالص الود

عين فى الجنة يقول...

قوس قزح

اهلا بيكى فى الزيارة الاولى
ومدونتك جميلة فعلا

سلوى يقول...

والله لسه شايفه رد حضرتك على تعليقي

الموضوع بسيط
عباره عن كود تضعه عادي بالمدونه

حاولت أضعه في التعليق ما نفعش للأسف

تحيااااااتي

سلوى يقول...

يا خبر ابيض

شكرا يا سلوى
ألاقيها كده أول ما ادخل

يا خبر

شكرا شكرا شكرا

جميله اللافته دي بجد

شكراااااااااااااا

مـ~ـاجدولين يقول...

مش كنت تسالني استاذ راجي عن الكود كنت قلت لك
وكنت كتبت شكرا ماجدولين :)

عين فى الجنة يقول...

سلوى

انا اللى اشكرك والله انا سعيد جدا بلافتة الترحيب
اشكرك مرة تانية

عين فى الجنة يقول...

ماجدولين

بس كده انتى تؤمرى

اشكرك يا صديقتى العزيزة

مـ~ـاجدولين يقول...

هههههههههههههههههههههه
هههههههههه
هههههه
ههه