الأحد، مايو 17، 2009

كوكى شب عن الطوق

استيقظت على الصوت الغريب وقد اختلط في صخب الأولاد الكبار العائدين في إجازتهم الأسبوعية وقد تعودوا فور دخلوهم الهجوم على شقيقهم الصغير بمداعبات ثقيلة يصرخ لها بصوت رفيع حاد يستنجد بابيه وأمه من هذا الهزار السمج

هذه المرة لاحظت تغير صوت ولدي الصغير كأنه صوت دوزنة أوتار القانون ووجدته قد التحم معهم في مصارعةلايهاب قوتهم التي اكتسبوها من التدريب الشاق

دققت النظر إلى الزغب الأخضر فوق شفته العليا وانا احتضنه واخلصه منهم وقد غمر قلبي السرور

كأنه فتح بابا ودخل دنيا جديدة يراها كالأطياف في سقف الغرفة وهو سارح أمام كتابه وقد مال بظهره إلى الخلف ولوي عنقه ويراها واقفا أمام المرآة مندمجا بالمشط والفرشاة يحاول نفش شعره كشوك القنفذ

إذا دخل الحمام استعصى خروجه منه وإذا امسك التليفون فلا نهاية لكلامه وإذا جلس إلى الحاسب الالى فقول يا رحمن يا رحيم على الليلة ، مناقشاته مع أمه عالية محتدة يريد الاستقلال عن حمايتها الزائدة فهو يرى دنيا جديدة واعدة مختلفة وهو لازال طفلها الصغير ومن وجهة  نظرها رجله على رجلها

اختلف  ذوقه في الطعام فكره طبيخ البيت و اقتصر طعامه على بطاطس ودجاج الوجبات السريعة وأصبح يعرف عن فريق برشلونة كأنه اسباني ولد في كاتالونيا وحفظ ماركات السيارات والموتوسيكلات  وأسعارها ويكرر هذه المعلومات على مسامعى اذا اصطحبته فى  مشوار ويرتفع صوته متمسكا برأيه ان الفيرارى احسن عربية فى الدنيا وانه يتمنى ان يمتلك هارلى دافيدسون وجاكت جلد مرسوم عليها جمجمة وعظمتين

إذا ناديته بكوكى اسم الدلع قلب شفته السفلى وعقد ما بين حاجبيه وعبر عن اعتراضه متجاهلا إياي كأنه لم يسمع شيئا

واعمل حسابك انا خارج أخر يوم في الامتحانات مع أصحابى وحا سهر ومحدش يقعد يرن لى على الموبايل اللى أصلا باتكسف من منظره قدام أصحابى

أهلا بك يا صغيري في عالم الرجال فقد شببت عن الطوق

 

 

 

هناك 14 تعليقًا:

someone in life يقول...

راجي

مبروووك بس انت علي الاقل متعود من اولادك الكبار و بكدة بقيت ابو الرجال او ابو السباع

فكرتني بابني لما شفته بوسته وسط اصحابه و قلت له وحشتني و احنا مروحين قال ايه ده يا ماما ناقص تجيبي لي مصاصه و اوعي تقولي كاتي باتي قدام اصحابي و الا مش هاخرج تاني .. عادي القطه كبرت

انا عملت مدونه عن سن المراهقه هتلاقيها عندي السن ده معقد و متعب و ياريت تيجي علي الصوت هههه
يالا عقبال ما تشوفه مهندس قد الدنيا

تحياتي

مياسي يقول...

كان الله في عون والد كوكي:)

Sherif يقول...

راجى باشا

ماأحلى هذا الشعور وقد شب هذا الشبل أخيرا

هى رسالةرائعة تبنيها بعرق السنين .. وان كان الاولاد لايكبرون فى عيون آبائهم لأنهم سيظلوا هؤلاء الذين حملناهم على كتفنا يوما ما

هناك الله بهم (بتشديد النون) واسعدك الى تراهم عرسانا كبارا وتحمل اولادهم على ذراعك ايضا

سمراء يقول...

جميل أن تدلاك بل وتسعد بكون ابنك أصبح رجلا هيأ له الفرصة ليختار طريقة وخبرته الخاصة لتصبح الرجولة معني وليست صوت اجش او شارب

مبروك
سمراء

Appy يقول...

مرحبا بك فى الصارع بين الاجيال والرفض التام لفكره اننا صغننين لسه ايوه احنا كبرنا خلاص بقى
بس اسم كوكي حلو انا اعرف ناس بيحبوا يتنادول بالاسم ده لدلوقتى هو بس اللى نافش ريشه بكره يحن له من البنوته بتاعته وهتشوف
ربنا يفرحك بيهم يا رب

Appy يقول...

فى الصراع سوري انت عارف اللغه بتاعتى رايحه فى شجره بقى

kochia يقول...

رصدك للتغيرات اللي طرأت عليه جميلة ودقيقة اوي
وربما تكون انشغلت به عن ملاحظة التغيرات باخوته الكبار
اعانك الله علي اتمام رسالتك
اعتقد انها الفترة الاهم القادمة

Adam يقول...

طبعا احساس جميل بس المهم انك تكمل رسالتك مع بقية الاخوات

عارف اتمني ان اكون ابا لطفله جميله وهادلعها بكوكي

احييك واتمني المرور علي مدونتي
هذه هي الزياره الاولي ولن تكون الاخيره

ادم

د. إيمان مكاوي.. أم البنين يقول...

واضح إنها سمة الجيل..
إبني زياد 10 سنين وبيعمل نفس الحاجات ....رجوله بدري شويه
بس ياريتهم يفهموا الرجوله صح
ربنا يبارك لك ولنا في أولادنا
ويعينا على تربيتهم تربية صالحة
تحياتي

عقل مهوي يقول...

ربنا يحميه واخواته ويخلي ابوهم ليهم
بس ما تضايقوش بقي وتدلعه .... اضرب علي طول :D

GHARAM يقول...

ربنا يخليه يارب وتفرح بيه هو واخواته



خلاص كبر معدش حد يغتت عليه بتليفونات ويسأله انت فين ؟ وحاتيجي أمتي لأنه بأى راجل والحاجات دي بتقلل من شخصيته قدام أصحابه، كل أولادنا مروا بتلك الفترة التي تصحبها تغيرات جذريه في الشخصيه

dr aly khamis يقول...

السلام عليكم و رحمة الله و بركاته
مهندس راجى
سعدت بأول زياراتى لمدونتك الجميلة ..
بارك الله لك فى كوكى و أعاذه الله من شر الفتن ما ظهر منها و ما بطن ..
تقبل تحياتى

الست فرويد يقول...

مبروك
:)

الله يعينك مراهقة الاولاد اصعب اختبار للابوة وللذكاء ولسعة الصدر

ربنا يكرمك فيه
وترسى مركبه على كل خير باذن الله
تحياتى

على باب الله يقول...

ربنا يخليهولك