الخميس، فبراير 28، 2008

زهرة القرنفل







حادثة صغيرة قد لا يتوقف عندها اغلب الناس مع انها تستحق التأمل بعقل صاف وقلب مفتوح ، كما انها جديرة بالتحليل والمناقشة وتبادل الرأى بين المتابعين لثقافات الشعوب والمهتمين بالاخلاق والدوافع الخفية التى تحرك الانسان الى اتيان فعل ما او رد فعل قد يبدو غير منطقى وغريب عن المألوف
فقد حكت لى احدى زميلات العمل بعد عودتها من الزيارة الثانية لليابان والتى قامت بها بعد مرور اكثر من عام على زيارتها الاولى مدعوة من هيئة الجايكا اليابانية تلك القصة التى اذهلتنى ، فقد امضت حوالى ستة اشهر فى التدريب والعمل فى اليابان فى الزيارة الاولى وكانت مثل كل المصريين مع الاجانب منفتحة ومرحبة بالصداقات مع اليابانيين بالرغم من البرود والحذر من جانب زملائها من اهل البلد ، وكان لها زميلاتان تشاركانها البحث المطلوب انجازه بذلت معهما محاولات مستميتة لحملهما على الابتسام او التخلى قليلا عن الجدية والصرامة فى التعامل معها ولم تفلح ابدا حتى عادت الى مصر
وعندما اتيحت لها الفرصة مرة اخرى لزيارة اليابان ولكن لمدينة اخرى غير التى عملت بها اول مرة وتبعد عنها اكثر من 1000 كيلومتر، رأت وهى بنت الناس صاحبة الذوق المصرى الاصيل ان ترسل رسالة عبر شبكة الانترنت الى زميلاتها فى البحث الذى قامت به معهما فى الزيارة الاولى تعلمهما بخبر زيارتها الجديدة وتتمنى ان تسنح لها الفرصة لرؤيتهما وهى تعلم ان ذلك من باب عزومة المراكبية كما نقول فى بلدنا
وليلة وصولها هناك وكانت ماتزال تفرغ حقائبها رن جرس باب الاستراحة ولما فتحت الباب وجدت زميلاتها تقفان وفى يد كل واحدة منهما زهرة القرنفل وبعد الانحناءة اليابانية الشهيرة استدارتا بدون كلمة ولا ابتسامة وانصرفتا فى رحلة العودة الى مدينتهما على بعد 1000 كيلومتر

هناك 22 تعليقًا:

Cleo يقول...

قصة غريبة فعلا.. تفسيرى الوحيد هو أن اليابانيين مجبولين على "أداء الواجب" والواجب عندهم هو الطاعة العمياء.. فلما أرسلت لهم صديقتك الرسالة.. اعتبروا أن واجبهم هو الطاعة والذهاب لرؤيتها بناء على رغبتها خصوصا أنها كانت محددة فى رسالتها ولم تطلب إلا رؤيتهم.. ربما لو كانت أكثر تحديدا وطلبت رؤيتهم والخروج معهم فى حديقة أو مطعم وقضاء عدد 3 ساعات مع تناول الشاى اليابانى الأخشر أو بيبسى كولا لكان لها ما أرادت :-)

------------------

بصراحة وبعد تعاملى مع أجانب كثر من دول عدة، فالأجانب عندهم برووووووود شديد فى العواطف وانت صديقهم طالما كانت هناك مصلحة ما تجمعكم... وبعد انتهاء المصلحة خالتى وخالتك واتفرقوا الخالات.. من النادر أن تجد صديق أجنبى تعرفت عليه فى عمل أو خلافه حريص على التواصل معك إلا قليل جدا..

مصطفى فتحي يقول...

كان لي صديقي من اليابان يدرس في مصر وكان مهذب جدا ولا تفارقه الابتسامة
ربما هو عملي الى حد كبير
لكنه لم يكن ابدا بهذه الحدة
المصريين الى حد كبير بيحبوا العشم الزيادة ويحبو عزومة المركبية والكلام الكتير والتعبير عن الحب بالكلام - انا مش معترض على ده - بس هما عبرو عن حبهم وتقديرهم بزهرة قرنفل .. ومن وجهة نظرهم هذا يكفي
بيني وبينك
انا نفسي اسافر اليابان
واحتمال كبير يكون ده سر نجاحهم انهم بيوفرو طاقتهم للشغل وبس مش للكلام والترحيب المبالغ فيه

باسلوبك الرائع استطعت ان تنقل لنا حالة كبيرة وكانك انت الذي سافرت
تحياتي

سلوى يقول...

بصراحه لما قريت الموضوع مش عارفه ليه ضحكت

أنا بصراحه لم أتعامل مع أي أجنبي
بس أكيد لكل بلد تأثيراته وكل شعب له أسلوب بيتميز به

بس برده كل لما أتخيل زميلتك والبنات (بتسلمها الورود) وبعدين رجعوا كل المسافه دي
ببقى عايزه أضحك

تحياااااااااااتي

Moustafa` يقول...

السلام عليكم
فعلا موقف لازم يتوقف عنده
بس فاجأتنى بجد
طب ليه ده الود بيبقى سهل وكده
قرنفل وانحناءه ثم عوده
طب يقعدوا يشربوا حاجه
مش عارف حاسس ان الشعب ده ملعبك شويه
ع العموم جميل الانتاج اللى خلفتهولى أقراه بعد أخر زياره
تحياتى كتير لشخصك

son's egypt يقول...

اللسام عليكم
الحياة الجامدة هي التي فعلت بهم هكذا او حياة العملالصارم
ابسط شئ ما فعلوه حتي فيي ابسط الاشياء وهي الترحيب بالزملاء
وهي بالطبع ترجع للعادات التي تربوا عليها هم وليس نحن

blackcairorose يقول...

راجى

سبق ان زرت واقمت فى اليابان وقد كتبت عنها مرتين فى مدونتى

افهم مائة بالمائة تجربة زميلتك لانها توضح تماما جانب مهم من جوانب الشخصية اليابانية

تقول انهم كانوا جادين جدا فى العمل، وهو شىء اساسى لديهم لدرجة ان الابتسام او الهزار وقت العمل يبدو لهم كنوع من عدم الاحترام وعدم الالتزام

وهو طبعا شىء غريب علينا كمصريين لاننا عموما لا نعطى العمل حجمه من الجدية والاحترام والالتزام، ونعتبر الهزار والرغى نوع من التنفيس شوية اثناء العمل

اما عن الصداقة فاليابانيين لن يصادقوك الا لو أحسوا أنهم قدر الصداقة وتحمل مسئولياتها، لان الصداقة بالنسبة لهم لا تعنى مجرد كلمة ولكن هى علاقة لها تبعاتها ومسئولياتها وحجمها الذى سيأخذ وقت وجهد ، فاذا لم يستطيعوا منحك الوقت والجهد والعطاء ببساطة لن يذكروا حتى كلمة صداقة امامك

بجد شعب عظيم لو ظللت احكى عنه صفحات وصفحات لم أمل

طبعا دون تعميم لان هناك بالتأكيد نماذج سيئة ولكن تبقى استثناء، على الاقل من وجهة النظر الخارجية

Empress appy يقول...

شويه تعاملت مع اجانب يعنى شايفه ان عندهم الاتيكيت والرسميات مهمه جدا وبيعبروا بطرق بسيطه عن حبهم للى قدامهم
وكمان تفسيرى لاناس دى بتهتم بالوقت وبيكون مهم جدا بالنسبه لهم

عين فى الجنة يقول...

cleo
اعتقد انك على صواب الى حد كبير فى ان اليابانيين مجبولين على اداء الواجب بدون تفكير ولا جدل وعدم حبهم للاجانب شيء معروف بين الناس الذين تعاملوا معهم
لكى التحية

عين فى الجنة يقول...

مصطفى بك
طبعا الجدية الشديدة لليابانيين لا تنفى كونهم مهذبين ولو حتى من حيث المظهر وهم مضطرين للتعامل المهذب مع غيرهم اذا كانوا خارج حدود بلدهم اما هناك فالوضع مختلف

عين فى الجنة يقول...

سلوى العزيزة
طبعا هناك ذلك الجانب الكوميدى فى تصرف البنات اليابانيات
ولكن فعلا حسب كلام
cleo
,blackcairorose
التصرف نابع من خلفية ثقافية شديدة التعقيد ، وعلى فكرة لمعرفة اليابانيين اكثر يمكن قراءة كتاب اليابان تأليف باتريك سميث ترجمة الاستاذ سعد زهران عدد رقم 268 من سلسلة عالم المعرفة
لكى التحية والسلام

عين فى الجنة يقول...

s@gi l'ombre
اهلا بحضرتك ، والشعب اليابانى له خلفية ثقافية خاصة جدا
لك الشكر والتحية

mohandsmasry يقول...

سيدى الفاضل احنا ليه بنحاول نفسر تصرف الأخرين حسب المفهوم بتاعنا وخاصة اننا شعب عاطفى جدا ؟ احنا كشرقيين ومصريين خاصة لينا طبايع ومفاهيم تختلف عن باقى العالم علشان كدا بننظر للموضوع بغرابة لكن لو تبادلنا المواقع هنلاقى ان ده العادى والطبيعى بتاعهم دى طريقتهم فى التعبير تحياتى

^ H@fSS@^ يقول...

معرفو ان اليابانيين اهل الذوق و الحركات
افتكر مرة كنت في هولندا و الفندق اللي كنت فيه كان فاتح مطعم ياباني جديد و فيه بنت يابانيه لابسه كيمونو واقفة على بابه بتحيي الناس الداخلين اول يوم
غلطت غلطة عمري و انحنيت و سلمت عليها بطريقتهم
فرحت جدا و راحت منحينيالي
و من يومها و لمده اسبوع بحاله لقطتني في الداخلة و الخارجة و ك لما تشوفني تنحني لي و انحنيلها لغاية ما زهقتني ف يعيشتي
بس هما ناس ذوووووق جدا
و منظمين جدا
يا ريت نكون زيهم و لو لحد الربع

تحياتي

غير معرف يقول...

اليابانى ده .. حالة خاصة
ظاهرة فريدة
شعب انغلاقى , انعزالى , يعتز بتراثه و قيمه وعزة نفسه لأبعد الحدود
ناس انضربت بالنووى و اتمسح بيها الباسيفيكى
تقوم فى كام سنة تبقى ثانى قوة اقتصادية فى العالم !!!!
القرنفلاية دى أقل واجب ... و بعدين الف كيلو دول فرطة كعب ... باليابانى

عين فى الجنة يقول...

مهندس مصرى
طبعا وجهة نظرك فيها الكثير من الحقيقة لكن هناك استندارد تقريبا كل العالم متفق عليه فى التصرفات المعتادة فلما تواجه بتصرف متطرف بدون مبرر هنا تكمن الدهشة
تحياتى لك وارجو رؤياك قريبا

عين فى الجنة يقول...

blackcairo rose
كلامك يطابق الحقيقة كما خبرها الذين عايشوا اليابانيين ، ومتفق معك على طول الخط
تحياتى

عين فى الجنة يقول...

son's egypt
وعليك السلام ورحمة الله
فعلا كلام حضرتك مضبوط ومتفقين
اهلا بك لاول مرة ومنور

عين فى الجنة يقول...

appy
اكيد معظم شعوب الدنيا بتحافظ على الاتيكيت كنتاج للتربية والثقافة
اشكرك ولكى التحية

عين فى الجنة يقول...

hafssa
كان نفسى اكون حاضر واشوفك مع اليابانية ، فيلم كوميدى على اعلى مستوى
اشكرك وارجو لكى كل الخير

عين فى الجنة يقول...

hassan
ياباشا منور
طبعا الشعب اليابانى زى الاصدقاء ما وضحوا اولا جبل على اداء الواجب لحد التفانى والتضحية بالحياة نفسها
وفعلا هو شعب تجاربة صعبة جدا على مر تاريخه ويمكن كتاب باترك سميث عن اليابان بيحكى عن اسباب عدم ثقة اليابانيين فى الاجانب
اشكرك على الزيارة وكنت اتمنى ان ازور مدونتك ايضا

رحــــيـل يقول...

موقف غريب جدا فعلا
من الواضح انهم شعب عملى زياده عن اللزوم
او احنا مش متعودين على كده

على فكره لقا ءالمدونين فى القاهره هيكون يوم السبت الساعه 11 صباحا فى ساقيه الصاوى لو ربنا ارد هنكون موجدين هناك

تحياتى وتقديرى

غير معرف يقول...

انا لو مكانها حفرح بالقرنفل..
المصريين يعزوا اللكاعه..والصداقه عندنا يعنى ناس نضيعوقتنا معاهم...مش ناس تضيفلنا ونعلم فى حياتهم..الزميلات قطعوا مسافه 1000 كيلو ورحبوا بيها...شوف اللى بيجى اجازه من اى بلد بيبقى شايل ايه؟؟
تحويشة السنه بتتحول لهدايا...بيعود اللى حواليه ينتظروها منه..احترامى لشعب يسمى الاشياء باسمائها فيتسنى لكل شىء ان يأخذ حقه
dodda