الخميس، نوفمبر 01، 2007

عاوز تعمل باربيكيو على قش الرز؟


السحابة السوداء لازالت تخرج لسانها لوزارة البيئة ، فالوزارةالتى تؤكد مع غيرها من اجهزة الحكومة انه قد تم القضاء على حرق قش الارز فى الحقول وان المشكلة قد تم السيطرة عليها ماهى الا التصريحات التى اعتدنا عليها ولا علاقة لها بما يحدث على ارض الواقع وقد التقطت اثناء عودتى من الاسكندرية على الطريق الزراعى الصور المنشورة والتى تبين بوضوح الادخنة المتصاعدة وبكثافة من حرق قش الارز على طول اكثر من عشرين كيلو قرب كفر الزيات ، وانصحكم بانتهاز الفرصة وتتبيل اللحمة ونعمل باربيكيو على قش الرز






































هناك 14 تعليقًا:

رحــــيـل يقول...

هى فعلا مجرد تصريحات وهميه
انا كمان شايفه من كام يوم حريق للقش
عادى يعنى ولا الناس فى بالها
ربنا يستر
خالص تحياتى

عين فى الجنة يقول...

سارة العزيزة
كمية الدخان التى كانت تتصاعد من الحرائق على طول الطريق الزراعى تعمل سحابة سوداء على مصر كلها وليس القاهرة فقط
ربنا يستر علينا
واشكر لكى الزيارة نورتى المدونة

Unknown يقول...

و الله كويس حاضر نجرب الطريقة دى بس حيبقى طعمها حلو بقى

سلمتلى على بحر اسكندرية بقى ؟ و لا نسيت ؟
:))))))))))))))

سلوى يقول...

كله كلام
وأحاديث بلا قيمه

وعلى المتضرر اللجوء للقضاء

المهم
حسبنا الله ونعم الوكيل

عين فى الجنة يقول...

عاليا
طبعا سوف اخذ معى شوية لحوم على فراخ فى السفرية القادمة الاسبوع الجاى انشاء الله واجرب اشوى وسط الحقول لانى متاكد من استمرار الحرائق لمدة طويلة قادمة
وحاسلم لك على بحر اسكندرية واسكندرية كلها من ابوقير لغاية العجمى

عين فى الجنة يقول...

سلوى
اولا اشكرك على الزيارة الاولى وشرفينا دائما تجدى مايسرك
ونشاركك الدعاء حسبنا الله ونعم الوكيل

loumi يقول...

عاشر مرة أجي عشان أسيبلك التعليق
:):):):):)
التصريحات على قفا مين يشيل
وما بقاش حد بيسمع التصريحات
الحقيقه باينه بس هما
اللي بيشتغلولنا
هههههههه
هي فكرة برضه
اللحمه تاخد طعم الرز
وتبقا لحمه بالرز
تحياتي

عين فى الجنة يقول...

العزيزة لمى

يبقى طعمها زى الكبيبة الشامى موش كده؟
تحياتى

loumi يقول...

هههههههههههههه
لأ طبعاً
إش جاب لجاب؟
هههههههههههه

اسامة يس يقول...

دي بسيطة سحابة صيف عما قريب تقشع ...
ههههههههههه
انت مصدق الصور اللي انت مصورها بايدك وبتكذب الحكومة والوزارة ...
ملكش حق ...
...

بصدق حاجه تزهق وكله جعجه في وسائل الاعلام..

دمتم بكل ود..
خالص تحياتي

عين فى الجنة يقول...

العزيزة لمى

بس انتى جربى وحتشوفى ان الرز احلى من البرغل
بس المهم فى التتبيل يكون فى جوزة الطيب وكارى وعصير ليمون بناتى

عين فى الجنة يقول...

عزيزى اسامه بك
انا طبعا غلطان والكاميرا شيش بيش والحكومة زى الفل
تحياتى لك

(green eyes) يقول...

طبعا احنا مش هنصدقك ونكدب الحكومة
اصل حكومتنا دي اجدع حكومة
اكيد الصور دي متفبركة واكيد مش هنلاقيك الفترة الجاية
خالي بالك من نفسك

عين فى الجنة يقول...

green eyes
ربنا يستر والنبى لو غبت عليكو ابقو هاتو لى حلاوة من غير عيش علشان العيش موش موجود
تحياتى لكى ونورتى المدونة